-
مشكلة في الفرامل
بعد اذنكوا محتاج المساعدة ضروري يا جماعة
دلوقتي الفرامل فيها حاجة غريبة كل ما اجي ادوس فرامل الاقي الدواسة بتتهز تحت رجلي بمعني ان تحت الدواسة بترقص تحت رجلي كان التيل لما يمسك في الطنبورة بيبقي فيها عالي وواطي وتحس بيها بقي في الدواسةان في عالي وواطي
وكنت عايز اعرف هل ينفع اجيب طنابير استراد ولا لازم جديد
بس الفراكل بتمسك تمام عادي
كمان حاجة :في صوت سرسعة كدة بيظهر لما بمشي وبيختفي مع الوقوف جاي من ناحية العجلة الشمال اظن انها بلية بس مش متاكد بصراحة
ارجو المساعدة يا جماعة الخيير
العربية فيكترا بي1
-
حاجه من الاتنين يا تمسحم علي المخرطه لو فيهم لحميه ويكونوش عدوا العلامه المحدده للتغيير حتلاقي العلامه زي تجويف علي الشفه من فوق
او تجيبهم جداد وده الافضل ليك لانك ممكن تمسحهم والموضوع ميروحش
بالنسبه لصوت السرسعه ممكن توضحه اكتر لو مع دوسه الفرامل يبقي خامه التيل نفسه لو لوحده يبقي بليه
-
هو انا كان عندي رييجة في الطنابير بس مكنش بيحصل حاجة في الفرامل قبل كدة انما بعد لما رحت خرط الطنابير ظهرت المشكلة دي
ةبالنسبة للصوت فهو مع المشي وبيختفي مع الوقوف او الفرملة
-
المشكله ان مفيش خراط ايده مسطره وانا خرط قبل كده وباظوا واكيد الخراط الي انت رحتله تعبان بوظلك الطنابير اكتر الحل انك تغيرهم جداد وحتحس بفرق شاسع انا غيرتهم وفعلا
غير الطنابير الاول عشان تحكم علي الصوت لو اختفي كان من الخراط لو لسه موجود يبقي شيك علي البلي
-
والله المشكلة ان ولدي هو الي راح عملها عند الخراط وانا مكنتش معاه ولما جربتها بعد كدة حسيت بموضوع لفرامل دة وقولت اكييد الخراط فعلا بوظها زيادة
-
غير الطنابير وبص علي العفشة كلها
-
غيرت الطنابير وبردة نفس الريجة والعفشجي بيقوا ان المشكلة في الجززء الي بيركب فيه التيل والسرة نفسها
-
غيرت الصرة وبيت الفرامل الشمعدان دة وكل حاجة بقت تمام
-
الف مبروك يا باشا وكويس انها اتحلت
-
انا بس عندي تعلييف بسييط ان حاجة العفشة بتاعت الفيكترا الاستيراااد سعرهااا معقووول اوووي ورخيصة كمان جدا يعني مثلا الصرة بالشمعدان بالبلية بحساس السرعة ب 175
المساعد ب 100
Content Relevant URLs by
vBSEO 3.6.0 PL2