يا جماعة انا محتار جدا هل اشترى فيرنا اوتوماتيك 1600 ام اشترى افيو النى بصراحة ابحث عن سيارة فى حدود 75000 ج و كما اننى لسه حديث بالسواقة فافضل الاوتوماتيك حيث انها اسهل فى السواقة, ما رايكم ؟
عرض للطباعة
يا جماعة انا محتار جدا هل اشترى فيرنا اوتوماتيك 1600 ام اشترى افيو النى بصراحة ابحث عن سيارة فى حدود 75000 ج و كما اننى لسه حديث بالسواقة فافضل الاوتوماتيك حيث انها اسهل فى السواقة, ما رايكم ؟
السلام عليكم
انا عضو جديد ومحتار نفس الحيرة لانى ماعنديش خبرة بالسيارات وانا عندى دلوقتى عربية 127 فيورا وعايز اشترى من شهر عربية جديدة ومحتار بين الفيرنا 1600 العادية والافيو والبروتون و الاسبرانزا اللى يهمنى ان تكون واسعة وقطع غيارها متوفرة وسعر قطع الغيار معقول ومين المعرض اللى ممكن اشترى منه كاش وبسعر كويس
انت كدة جاوبت علي نفسك، لو مش بتعرف تسوق كويس ينقى خليك في الاوتوماتيك.اقتباس:
حديث بالسواقة فافضل الاوتوماتيك حيث انها اسهل فى السواقة
مفيش اختيارات طالما اتوماتيك
فيرنا 1600 اتوماتيك
ياجماعة انا بقى مابفكرش فى الاتوماتك ارجو ان تفيدونى هل الفرق فى السعر بين هذه السيارات يستاهل ولا كله كلام فاضى
فيرنا 1600 عادية و الافيو والبروتون و الاسبرانزا
بص يا سيدي... الاسبرنزا كمالياتها خيالية يس لسة لم تثبت بعد انها سيارة جديرة بالثقة "دة استنتاجي من خلال تجارب ملاكها"اقتباس:
فيرنا 1600 عادية و الافيو والبروتون و الاسبرانزا
اما بالنسبة للبروتون ففي منها ويرا وواجا وجين 2 وانت محددتش انت بتفكر في انهي واحدة منهم.
واخيراً الفيرنا 1600 سيارة محترمة لا يعبها إلا التوكيل بتاعها وكانوا بيقولوا ان فيها مشكلة بسيطة في الزوايا... والافيو هي اللانوس القديمة متنكرة في زي وتكنولوجيا حديثة ومذودة بموتور 1500c. قطع غيارها وصيانتها اغلى من الفيرنا ولكن التوكيل افضل.
لو مانيوال الفرنا 1600 أفضل وعربيه محترمه فعلا وكويسه قوي
بالنسبه لموضوع الاوتوماتيك كان واحد شغال في معرض قبل كدا و قالي ابعد عن اي حاجه تقفيل مصري اوتوماتيك بس بصراحه مشوفتش حد اشتكى منها كتير
فيرنا اوتوماتيك افضل اختيار فى السعر دةاقتباس:
جماعة انا محتار جدا هل اشترى فيرنا اوتوماتيك 1600 ام اشترى افيو النى بصراحة ابحث عن سيارة فى حدود 75000 ج و كما اننى لسه حديث بالسواقة فافضل الاوتوماتيك حيث انها اسهل فى السواقة, ما رايكم ؟
فعلا فيرنا 1600 اوتوماتيك افضل اختيار
اللي بيقولو أن الأفيو هي لانوس متنكرة الكلام ده أنا كنت مقتنع بيه لغاية لما رحت مع واحد قريبي وإشترى أفيو زيرو
حاجة تانية خالص وبالذات في المتانه والعزل الداخلى وده أنا عرفته لما ركبتها لأني قبل كده ركبت لانوس 2003 مانوال وطبعا الفرق شاسع للغاية لصالح الأفيو
الأفيو للأسف مبتنزلش اوتوماتيك
وطبعا أغلى من الفرنا المنوال لكن دي تقفيل كوري والفرنا تقفيل مصري
أنا ممكن أقولك الأفيو أحسن من اللانوس
لكن أنا مركبتش فيرنا قبل كده فمش هجيب سيرة الفرنا
لانك حددت المبلغ 75 الف ودة سعر الفيرنا الاوتوماتيك لانها ارخص سيارة اوتوماتيك معقولة في مصر الافيو احسن واعلي(مرتفعة عن الارض) واقيم بس مافيش منها اوتوماتيك اما باقي السيارات التي ذكرتها فسعرها معدي كتير عن 75 الف جنية
فعلا فيرنا 1600 اوتوماتيك افضل اختيار
أنا الشخص المناسب لهذا السؤال عشان كنت لسه باختار في نفس الفئة ، و جبت الفيرنا الأتوماتيك عشان الأتوماتيك أساسي بالنسبة ليا ، و الحمد لله ماندمتش بس طلع عيني عشان أجيب العربية ،، الله يسامحه غبور بيلعب في السوق براحته ، بس بصراحة أنا لو ما كانش الأتوماتيك أساسي بالنسبة ليا كنت هاختار الأفيو بصراحة عربية شياكة و صالونها و تابلوها حاجة ستايل جدا بس معنديش فكرة عن أدائها غير من ناس اشتروها و بيقولوا فيها شعر و بتهيألي حكاية إنها لانوس دي إفتكاسة مصرية أكيد شيفرولية مش هتنزل عربية بتنزل في أمريكا بنفس الإسم بتكنولوجيا التسعينات و يعني هيا اللانوس كانت وحشة ؟؟
ايوة الالنوس وحشة جدا جنب الفيرنا
verna only only
[quote=ahmed1981;35812]اللي بيقولو أن الأفيو هي لانوس متنكرة الكلام ده أنا كنت مقتنع بيه لغاية لما رحت مع واحد قريبي وإشترى أفيو زيرو
حاجة تانية خالص وبالذات في المتانه والعزل الداخلى وده أنا عرفته لما ركبتها لأني قبل كده ركبت لانوس 2003 مانوال وطبعا الفرق شاسع للغاية لصالح الأفيو
الأفيو للأسف مبتنزلش اوتوماتيك
وطبعا أغلى من الفرنا المنوال لكن دي تقفيل كوري والفرنا تقفيل مصري
أنا ممكن أقولك الأفيو أحسن من اللانوس
لكن أنا مركبتش فيرنا قبل كده فمش هجيب سيرة الفرنا[/quote
لآ ياباشا الآفيو هي لانوس متنكره والآوبترا هي نوبيرا متنكره والكلام ده كله عرفه:smartass:
اولا الافيو مش لانوس والاوبترا مش نوبيرا
واللى عايز يتأكد من المعلومه دى يتعب نفسه ويدور شويه هيلاقى
ثانيا لو حد محتاج عربيه اوتوماتيك يبقى مفيش غير فيرنا اوتوماتيك ب 78 وحاليا ب 76 ولو ينفع هاتش باك ممكن بيكانتو اوتوماتيك ب 70
والعربيات الكويسه اللى الفئه دى هما الافيو والكليو
يا جماعة انا شايف افيو اوتوماتيك في توكيل منصور في سان ستفانو
افيو افضل من حيث الاتى
التوكيل
الصيانة
جودة التقفيل الداخلى
جودة الكراسى
اناقة التابلوة
عدم ظهور عيوب تصنيع
تكنولوجيا حديثة
عدم ظهور عيوب زوايا او عفشة او موتور
بصراحة بها مميزات كتيير وعربية كويسة وارشحها لك
الافيو نفس ماتور الانوس بالملى
اخويا msagher
انت حاطط مقارنه حلوة لكن ما ينفعش تجيب البروتون جنبهم لان اساسا اقل فئة منها ب83000 الف
لكن بصراحة عربية ممتازة انا دخلتها من جوه على فكرة انا بتكلم عن الجين 2 اللي هي اساسا خلت اسم بروتون شوية يمشي في مصر ما ينفعش تجيبها معاهم في المقارنة ده
لكن انا شايف بالنسبة ليك مانيوال هي فيرنا 16000 جي ال اس العربية موتورها حلو وشكلها كمان روعة لكن يمكن عيبها كنبتها ضيقة ورا اما بالنسبة في المطبات لو حكت انا ده وجهة نظري عيب المطب نفسه مش العربية وانا كان معايا عربية امريكي وكانت بتحك هنا عادي فالحكاية كلها واحدة وتكيفها ممتاز ومش بياثر في السحب وقطع غيارها متوفرة بالعبيييييييييط وكمان لو عايز تعملها برا التوكيل اي حد يفهملها بس لازم يكون شاطر بالنسبة للافيو حلوة بس موتورها نفس الانوس يعني معدل عن الانوس وكمان قطع غيارها غالية ده الفانوس لوحده في التوكيل ب700 جنيه حصلت لواحد صاحبي قبل كده انا راي هي الفيرنا ما الاسبرانزا صيني لا تعليق
فعلا فيرنا 1600 افضل اختيار
جماعة انا محتار اوووي نفس الحيرة بتاعت الجميع ودى اول عربية هشتريها ارجوكم تساعدونى باللى عنده خبرة مع الشيفرولية لانوس و هيونداي فيرنا او افيو يدينى نصيحة لوجه الله
انا معايا لحد 85000 وعايز عربية تعيش معايا من حيث الموتور وتشطيبات الصالون يعنى من الاخر مش عشان لعب عايزها عملية تنصحونى باية خصوصا وانا روحت اتفرجت على الثلاثة وشفت اللانوس الجديدة شكلها حلو الصراحة وتحس انها عالية بس الناس بتكرهنى فيها من حيث السحب او الموتور
وبردوا شفت الفيرنا 1600 بس حاسس انها واطية زيادة عن اللزوم واصغر من اللانوس فى الشكل وفى ناس بردوا قلقونى من الفرامل والاتزان فى السرعات العالية فيها والراجل نفسه بتاع الاجنس بيقولى انها صعب تتلم شوية عن اللانوس وانتوا عارفين دى اول عربية ليا يعنى على قدى فى السواقة
وبردوا الافيو كنت مقتنع بيها مبدئيا بس بردوا الناس على المنتدى بتقول انها موتور لانوس قديم ازاى الموضوع ده وياريت تنصحونى شباب زى ما قولت من حيث الموتور اللى يستحمل ومتانة الفرش الداخلى
شكراا جزيلا واسف على الاطالة
الافيو كلها عيوب تصنيع
هي العربية دي مع حضرتك
أصل هي فيها عكس معظم الي انت قولته
1- توكيل من أسوأ التوكيلات
2- تقفيل داخلي سئ جداً
3- ظهور عيوب تصنيع كتير جداً في معظم العربيات
4- تكنولوجيا مش حديثة و لا حاجة لانها تقريباً نفس الانوس
5- أما بقى عيوب الزوايا فتقريباً 99% من العربيات بتدف شمال او يمين مستحيل تلاقي عربية سليمة إلا نادراً
الموتور - عيب الأر بي ام المشهور من ساعة ما نزلت العربية حتى موديل السنة دي و لا يوجد له حل في التوكيل
العفشة دي بقى قصة تانية خالص ( حاول تسوق عربية أفيو و انت تعرف يعني ايه عربية تقريباً من غير عفشة )
و خد اللينكات دي علشان تعرف اني مش مفتري
http://www.nilemotors.net/Nile/176139-a.html
http://www.nilemotors.net/Nile/154755-a.html
http://www.nilemotors.net/Nile/13852...post3872530873