جـــديــد ....ومــاعنديــش اى خبــره ؟؟؟؟

تحيه جامده جدا الى اعضاء قسم بروتون الغالــــى...:7bteen:

ندخل فى الموضوع على طول:tooth:

ناوى ان شاء الله اشترى جين2 ....طبعا بعد بحث وقراء للمواضيع اللى فى المنتدى اتشديت للجين تو ...طبعا واكيد اللى خلانى احبها كل اعضاء قسم بروتون وخصوصا اكيد..
استــاذ/ توت:punk:


بس كان عندى كام استفسار لو سمحتم:-


اولا/ واهم حاجه انا لسه جديد فى السواقه ودى اول عربيه ليا واعتبر ماليش خبره فى موضوع العربيات ده خالص الا المعلومات اللى استفدت بيها من هنا وغير كده:wtf:.فهل الجين تو مريحه فى السواقه



ثانيا /الافضل اجيب مستعمل عشان لسه جديد فى السواقه ولا اتوكل على الله واجيب جديد عشان قرف المستعمل
انا حبيت الجين تو جدا .مع ان فى ناس بتقولى بلاش اول عربيه تكون جديده عشان ماتتبهدلش معاك ...بس انا مقتنع بيها وهتعلم عليها براحه ,مش مستعجل...ايه رايكم؟؟

ثالثا/الافضل اجبها من التوكيل ولا من المصريه ولا مش فارقه

هما بس دول اللى حبيت استفسر عنهم دلوقتى .انا الصراحه اطمنت للعربيه دى بعد ماقريت اراء الاعضاء اللى معانا وكانت عاجبهم

وياجماعه لو حد عنده اى نصيحه يقولها او أى راى.....

وانا اسف على التطويل :flirt:

السلام عليكم و بحمة الله و بركاته
أهلا أهلا أهلا بالأخ الكريم أيمن

و كويس إن فيه أعضاء كتير أحبوا جميلة الجميلات بسببي
يارب يباركلكم فيها إن شاء الله

بالنسبة لأسئلة حضرتك

طبعا و أكيد
الجديد أحسن مليون مرة من المستعمل
بس لو أنت من النوع المتهور .......... أنا آسف في الكلمة
بس فيه أنواع من الشباب
متهور .......... و بيحب الجري بدون التفكير في العواقب
و فيه شباب تاني عاقل ......... و بيحب يأخد الموضوع واحدة واحدة و كمان حتى لو محترف سواقة برضه بيسوق بعقل

و أنا مش عايزك تجاوب هنا على النقطة دي
دي تجاوبها بينك و بين نفسك علشان تقدر تحدد ......... جديد أم مستعمل

لو أشتريت مستعمل هاتخسر تصليح ووجع قلب إلا لو وقعت في حاجة لُقطة !!
لو عايز تجيب جديد
يبقى تسوق براحتك خالص
متعاندش مع حد في الشارع ( سيب اللي عايز يعمل حمار ...... يعمل حمار )
اللي عايز يطلع و يغور في داهية سيبه يطلع
اللي عايز يعمل غرزة ......... سيبه يعمل غرزة و إن شاء الله يلبس في عمود
المهم لازم تكون بارد بارد ........ و أنت سايق

و دي على فكرة نصائح للكل ........... بس الجديد أكتر

بالنسبة بقى للعربية و هل هي مريحة للسواقة
طبعا .......... مريحة و ممتعة ,,,,,,,,, و رائعة


و أعتقد أشتريها من التوكيل أفضل
عدد كيلومترات أقل

العيال السواقين بتوع المعارض بشوفهم على الدائري
عايزين رصاصة في المخ الغبي اللي راكب في الجمجمة
بيبقوا طايرين بالعربيات اللي بينقولها للمعارض
و لا هامهم .......... ما هي مش عربياتهم !!!!!!!!!!


لو معاك فلوس الجديدة ............ إن شاء الله جديدة و تأمن عليها و ربنا يحفظك

لو كدا يا استاذ ايمن اتوكل علي الله و هات العربية جيدة و ان شاء الله تعجبك جداً في السواقة لانها بصراحة السواقة بتاعتها و خصوصاً علي الطرق السريعة مالهاش حل ...... و طبعاً زي ما قال لك الاستاذ توت هتها من التوكيل احسن ....... و ربنا يبارك ليك و مبروووووك مقدماً ...

اقتباس:

---

المشاركة الأصلية كتبت بواسطة tutankhamoun

السلام عليكم و بحمة الله و بركاته
أهلا أهلا أهلا بالأخ الكريم أيمن

و كويس إن فيه أعضاء كتير أحبوا جميلة الجميلات بسببي
يارب يباركلكم فيها إن شاء الله

بالنسبة لأسئلة حضرتك

طبعا و أكيد
الجديد أحسن مليون مرة من المستعمل
بس لو أنت من النوع المتهور .......... أنا آسف في الكلمة
بس فيه أنواع من الشباب
متهور .......... و بيحب الجري بدون التفكير في العواقب
و فيه شباب تاني عاقل ......... و بيحب يأخد الموضوع واحدة واحدة و كمان حتى لو محترف سواقة برضه بيسوق بعقل

و أنا مش عايزك تجاوب هنا على النقطة دي
دي تجاوبها بينك و بين نفسك علشان تقدر تحدد ......... جديد أم مستعمل

لو أشتريت مستعمل هاتخسر تصليح ووجع قلب إلا لو وقعت في حاجة لُقطة !!
لو عايز تجيب جديد
يبقى تسوق براحتك خالص
متعاندش مع حد في الشارع ( سيب اللي عايز يعمل حمار ...... يعمل حمار )
اللي عايز يطلع و يغور في داهية سيبه يطلع
اللي عايز يعمل غرزة ......... سيبه يعمل غرزة و إن شاء الله يلبس في عمود
المهم لازم تكون بارد بارد ........ و أنت سايق

و دي على فكرة نصائح للكل ........... بس الجديد أكتر

بالنسبة بقى للعربية و هل هي مريحة للسواقة
طبعا .......... مريحة و ممتعة ,,,,,,,,, و رائعة


و أعتقد أشتريها من التوكيل أفضل
عدد كيلومترات أقل

العيال السواقين بتوع المعارض بشوفهم على الدائري
عايزين رصاصة في المخ الغبي اللي راكب في الجمجمة
بيبقوا طايرين بالعربيات اللي بينقولها للمعارض
و لا هامهم .......... ما هي مش عربياتهم !!!!!!!!!!


لو معاك فلوس الجديدة ............ إن شاء الله جديدة و تأمن عليها و ربنا يحفظك

---

والله منور الموضوع بجد يا استاذ/توت:gunsmilie:..
حضرتك من الشخصيات اللى بحترمها بجد...اما بخصوص الجين2 انا ان شاء الله هأخد بالنصيحه واتكل على الله فى الجديد.

بس معلش هو انا المفروض الاول بروح توكيل عز العرب اى فرع واشوفها وبعد كده بحجز ...يعنى ايه الخطوات...انا عارف انها اسئله غبيه شويه بس والله ماعنديش معلومات.. وبحب قبل ماروح اعمل الحاجه اكون فاهم ايه اللى هيحصل


بس والله مبسوط ان حضرتك رديت:011-002:

اقتباس:

---

المشاركة الأصلية كتبت بواسطة momenhamdy

لو كدا يا استاذ ايمن اتوكل علي الله و هات العربية جيدة و ان شاء الله تعجبك جداً في السواقة لانها بصراحة السواقة بتاعتها و خصوصاً علي الطرق السريعة مالهاش حل ...... و طبعاً زي ما قال لك الاستاذ توت هتها من التوكيل احسن ....... و ربنا يبارك ليك و مبروووووك مقدماً ...

---

منور يا استاذ/مؤمن والله:002:
والله انا العربيه دى مشدود ليها جدا من ساعة مانزلت وربنا يسهلى وتكون من نصيبى ان شاء الله....انا دايما بتابع ردود حضرتك وعارف ان حضرتك بتحب الجين2 قد ايه.....

ولو فى اى نصيحه اتمنى ان حضرتك تقولهالى

الف شكر ياباشا عالاهتمام:victory:

أهلا بيك يا أستاذ أيمن و أنت منور

و أنا مبسوط إن حضرتك سعيد معانا في المنتدى عموما و قسم بروتون خصوصا و ربنا يباركلك إن شاء الله

بُص يا سيدي
أنت طبعا تروح أي فرع من فروع التوكيل أولا
و تتفرج على العربية و تشوف الألوان و تشوف أنت عايز أيه
و لو الدنيا عجبتك

تحجز عربية طبعا ( لاحظ إن الدفعات بتخلص بسرعة )
بتدفع ألف جنيه للحجز
و تظبط ميعاد للإستلام على أساس أنك هاتروح تدفع بقية المبلغ
و بعدين تروح تستلم

و لما تيجي تستلم .......... أبقى تعالى و قلنا و إن شاء الله نساعدك في موضوع الإستلام

أنا جديد زيك فى السواقة ، يعنى أول عربية إن شاء الله فياريت أقدر أفيدك.

شوف يا سيدى ، أول حاجة بتنزل أقرب فرع ليك ، انا عشان ساكن فى مصر الجديدة فرحت توكيل عز العرب اللى فى مدينة نصر ، رحت هناك وقعدت مع راجل محترم جدا هو المسئول عن الفرع رحب بيا وقلتله إنى جاى بخصوص الجين تو وإنى عاوز أشتريها ، راح خدنى تحت الجراج عشان يفرجنى العربية ، وركبتها واتفرجت عليها وخدت راحتى عالآخر وقعد يكلمنى عن العربية وكدة ، بعدين طلعنا فوق تانى المكتب ودفعت 1000 جنيه حجز ، وأخدت ميعاد الإستلام وروحت ، هى دى بالظبط تفاصيل المشوار.

اقتباس:

---

المشاركة الأصلية كتبت بواسطة Ayman_52

منور يا استاذ/مؤمن والله:002:
والله انا العربيه دى مشدود ليها جدا من ساعة مانزلت وربنا يسهلى وتكون من نصيبى ان شاء الله....انا دايما بتابع ردود حضرتك وعارف ان حضرتك بتحب الجين2 قد ايه.....

ولو فى اى نصيحه اتمنى ان حضرتك تقولهالى

الف شكر ياباشا عالاهتمام:victory:

---

و الله يا استاذ ايمن لو رجعت ايه سبب حبي للعربية دي حتلاقي برده الاستاذ توت لانه بصراحة طريقة عرضه للعربية فيها محايدة كبيرة فبيخلي كلامه فيه مصدقية جامده جداً ......و ان شاء الله ربنا يكرمك و تكون احد اعضاء ملاك البروتون و خصوصاً الجين 2 ..... و انا تحت امرك في اي استفسار و ربنا يوفقك

اقتباس:

---

المشاركة الأصلية كتبت بواسطة tutankhamoun

أهلا بيك يا أستاذ أيمن و أنت منور

و أنا مبسوط إن حضرتك سعيد معانا في المنتدى عموما و قسم بروتون خصوصا و ربنا يباركلك إن شاء الله

بُص يا سيدي
أنت طبعا تروح أي فرع من فروع التوكيل أولا
و تتفرج على العربية و تشوف الألوان و تشوف أنت عايز أيه
و لو الدنيا عجبتك

تحجز عربية طبعا ( لاحظ إن الدفعات بتخلص بسرعة )
بتدفع ألف جنيه للحجز
و تظبط ميعاد للإستلام على أساس أنك هاتروح تدفع بقية المبلغ
و بعدين تروح تستلم

و لما تيجي تستلم .......... أبقى تعالى و قلنا و إن شاء الله نساعدك في موضوع الإستلام

---

استاذ/توت :gunsmilie:

الف شكر بجد عالرد السريع وربنا يجازيك خير بجد عالخدمات اللى بتقدمها لكل الاعضاء.

وان شاء الله هروح فى اقرب وقت عشان احجز انا كنت كلمتهم من يومين وقالوا ان فى دفعه فى شهر 9 ان شاء الله .

بجد بجد حضرتك شخصيه محترمه جدا ....ربنا يخليك

واكيد كل جديد هابلغكم بيه ان شاء الله


الف شكر ياباشا على اهتمامك

اقتباس:

---

المشاركة الأصلية كتبت بواسطة IslamGen2

أنا جديد زيك فى السواقة ، يعنى أول عربية إن شاء الله فياريت أقدر أفيدك.

شوف يا سيدى ، أول حاجة بتنزل أقرب فرع ليك ، انا عشان ساكن فى مصر الجديدة فرحت توكيل عز العرب اللى فى مدينة نصر ، رحت هناك وقعدت مع راجل محترم جدا هو المسئول عن الفرع رحب بيا وقلتله إنى جاى بخصوص الجين تو وإنى عاوز أشتريها ، راح خدنى تحت الجراج عشان يفرجنى العربية ، وركبتها واتفرجت عليها وخدت راحتى عالآخر وقعد يكلمنى عن العربية وكدة ، بعدين طلعنا فوق تانى المكتب ودفعت 1000 جنيه حجز ، وأخدت ميعاد الإستلام وروحت ، هى دى بالظبط تفاصيل المشوار.

---

استاذ/ اسلام:002:
منور ياباشا...الحمد لله ان حضرتك جديد زى فى موضوع السواقه
انا ساكن فى مدينه نصر هنزل فى الفرع اللى موجود فى الطيران....بس هو فى فرع جنبى فى ابو داود مكتوب عليه -اميـر وجوزيف- هو دا معرض ولا صيانه؟؟

معلش هو حضرتك استلمت منيوال ولا اتوماتيك؟
وهو ايه الافضل بالنسبه لواحد جديد؟

الف شكر بجد عالتفاصيل وربنا يباركلك فى العربيه ...

الف شكر عالاهتمام ياباشا:sifone:

اقتباس:

---

المشاركة الأصلية كتبت بواسطة momenhamdy

و الله يا استاذ ايمن لو رجعت ايه سبب حبي للعربية دي حتلاقي برده الاستاذ توت لانه بصراحة طريقة عرضه للعربية فيها محايدة كبيرة فبيخلي كلامه فيه مصدقية جامده جداً ......و ان شاء الله ربنا يكرمك و تكون احد اعضاء ملاك البروتون و خصوصاً الجين 2 ..... و انا تحت امرك في اي استفسار و ربنا يوفقك

---

منور يا استاذ/مؤمن:chef:

استاذ توت بجد هو اول واحد خلانى التفت للجين تو ...ربنا يجازيه الف خير

وماشاء الله كل واحد بيشترى الجين2 بيثبت على كلام الاستاذ/توت

والف شكر ياأستاذ/مؤمن على اهتمامك ..وانا ان شاء الله اى حاجه محتاجها اكيد ماعنديش غيركم:smartass:


الف شكر على اهتمام حضرتك

مع احترامى الشديد لردود الاخوة الافاضل

بس انا لو مكانك استحالة ابقى جديد فى السواقة و اروح اشترى عربية زيرو

انا رايى هات عربية مستعملة مشى بيها نفسك لحد لما تلاقى نفسك متمكن تماما و ساعتها تجيب الزيرو بقى علشان تستمتع بيها

اقتباس:

---

المشاركة الأصلية كتبت بواسطة Ayman_52

هنزل فى الفرع اللى موجود فى الطيران....بس هو فى فرع جنبى فى ابو داود مكتوب عليه -اميـر وجوزيف- هو دا معرض ولا صيانه؟؟

---

لا أنا رحت عز العرب نفسه الفرع الموجود فى مدينة نصر اللى فى الحى السابع 35 شارع ذاكر حسين ، معنديش فكرة عن أمير وجوزيف.

اقتباس:

---

معلش هو حضرتك استلمت منيوال ولا اتوماتيك؟
وهو ايه الافضل بالنسبه لواحد جديد؟

---

هستلم إن شاء الله مانيوال ، أنهى الأفضل؟ هى مش هتفرق حسب مانت عاوز ، لكن لو انت بتحب السواقة هات مانيوال هيكون أصعب فى الأول على أى واحد جديد ، خاصة إنك جديد فالسواقة هتكون ممتعة غير إن السحب أفضل فى المانيوال وأقل استهلاكا ً للبنزين.

اقتباس:

---

المشاركة الأصلية كتبت بواسطة ahmedsiyam

مع احترامى الشديد لردود الاخوة الافاضل

بس انا لو مكانك استحالة ابقى جديد فى السواقة و اروح اشترى عربية زيرو

انا رايى هات عربية مستعملة مشى بيها نفسك لحد لما تلاقى نفسك متمكن تماما و ساعتها تجيب الزيرو بقى علشان تستمتع بيها

---

+1 انت لسه جديد في سواقة اشتري عربية مستعملة وتكون صغيرة زي 128 اتعلم عليها السواقة لمدة سنة على الاقل وبعد كده ابقى اركب جديد

تحية حارة لكل فرسان بروتون الأعزاء
الحمد لله استقرت أخيرا علي الجين 2
التي لم أكن أعلم عنها شيئا الا من خلال هذا المنتدي وخلاني صممت عليها وحبيتها من كلام الأستاذ / توت - عليها خاصة
وغيره من الجيناوية وذلك بعدما كنت في حيرة شديدة
واتفرجت عليها في معرض العجوزة ثم ذهبت الي معرض الصحرواي بجوار كارفور داني مول وعجبتني زيادة فقمت بحجز اللون الفضي أوتوماتيك في الدفعة الأخيرة التي وصلت وأبلغوني أنها موجودة وجاهزة لاستلامها فقمت ببيع سيارتي القديمة ال 128 وإن شاء الله سأذهب غدا الأحد لاستلامها
فشاكر جدا لهذا المنتدي الجميل اللي دلني علي ال جين 2 وشكر خاص للأستاذ / توت - الفارس الأول ل جين 2
وأرجو نصيحة لي أو أي شيء أخد بالي منه عند الاستلام

وفي حاجة أنا سأقوم بسداد الثمن بشيك مصرفي من حسابي بالبنك الأهلي فمدير المبيعات أبلغني هاتفيا بأني سأنتظر حتي يتم صرف الشيك يمكن تاني يوم فأعمل أيه أنتظر وأعطيه الشيك أم ماذا ؟

اقتباس:

---

المشاركة الأصلية كتبت بواسطة وليد عفيفى صابر

تحية حارة لكل فرسان بروتون الأعزاء
الحمد لله استقرت أخيرا علي الجين 2
التي لم أكن أعلم عنها شيئا الا من خلال هذا المنتدي وخلاني صممت عليها وحبيتها من كلام الأستاذ / توت - عليها خاصة
وغيره من الجيناوية وذلك بعدما كنت في حيرة شديدة
واتفرجت عليها في معرض العجوزة ثم ذهبت الي معرض الصحرواي بجوار كارفور داني مول وعجبتني زيادة فقمت بحجز اللون الفضي أوتوماتيك في الدفعة الأخيرة التي وصلت وأبلغوني أنها موجودة وجاهزة لاستلامها فقمت ببيع سيارتي القديمة ال 128 وإن شاء الله سأذهب غدا الأحد لاستلامها
فشاكر جدا لهذا المنتدي الجميل اللي دلني علي ال جين 2 وشكر خاص للأستاذ / توت - الفارس الأول ل جين 2
وأرجو نصيحة لي أو أي شيء أخد بالي منه عند الاستلام

وفي حاجة أنا سأقوم بسداد الثمن بشيك مصرفي من حسابي بالبنك الأهلي فمدير المبيعات أبلغني هاتفيا بأني سأنتظر حتي يتم صرف الشيك يمكن تاني يوم فأعمل أيه أنتظر وأعطيه الشيك أم ماذا ؟

---

اولاً الف الف مبروووووووووووووووووك يا استاذ وليد علي العربية و ربنا يبارك لك فيها ويكفيك شرها

ثانياً اهم حاجة راجع الكوريك و العده كاملة و جرب الازاز - المرايات الكهريا - السنتر - التكيف اقتح الشنطة و شيك علي الاستبن و الكتالوجات و الضمان - جرب الكاسيت ال CD صوتي فقط - المالتي فنكشن في الدريكسيون

ثالثاً بالنسبة للشيك بصراحة انا معنديش فكرة

الاخ وليد

الف مبروك و ربنا يكرمك فيها ان شاء الله

موضوع الشيك مافيهوش اى مشكلة مادمت اخدت ايصال مكتوب فيه بيانات الشيك بالكامل و ده يعتبر استلام للمبلغ من قبل المعرض و يتم الغاءه فقط فى حالة رجوع الشيك لاى سبب كان
وبعدين الشيك المصرفى زيه زيى الفلوس بالظبط بس هم الجماعة بتوع المعارض بيقلقوا من الشيكات انما كله سهل و توكل على الله

اقتباس:

---

المشاركة الأصلية كتبت بواسطة ahmedsiyam

مع احترامى الشديد لردود الاخوة الافاضل

بس انا لو مكانك استحالة ابقى جديد فى السواقة و اروح اشترى عربية زيرو

انا رايى هات عربية مستعملة مشى بيها نفسك لحد لما تلاقى نفسك متمكن تماما و ساعتها تجيب الزيرو بقى علشان تستمتع بيها

---

انا مع الاستاذ احمد صيام في رايه هات عربيه مستعمله اتعلم عليها كويس حتي لو خبطتها اوجرحتها مش هتصرف كتير في التصليح وبعد كام شهر هتبيعها مش هتخسر فيها كتير انما الجديد مكلف جدا لوحصله اي حاجه لاقدر الله وقيمته بتقل كتير لوحصله اي خدش وربنا يوفقك

تحيه لكل الاعضاء..

بالنسبه لنوع الفتيس انصحك يا استاذ/ ايمن بالاوتوماتيك لانه اسهل فى الاستعمال عموما عن المانيوال خصوصا إن محور فتيس الجين2 المنيوال وضعه مائل شويه ناحيه السائق علشان الطابع الرياضى للسياره وكمان مكان تغيير النقلات عاوز تعود.
انا بقولك كده لانى فى نفس ظروفك تقريبا وجديد فى السواقه ولكن لما شوفت فتيس المانيوال وقارنته بالاوتوماتيك اخترت الاوتوماتك.:3gears:

اقتباس:

---

المشاركة الأصلية كتبت بواسطة ayman_52

تحيه جامده جدا الى اعضاء قسم بروتون الغالــــى...:7bteen:

ندخل فى الموضوع على طول:tooth:

ناوى ان شاء الله اشترى جين2 ....طبعا بعد بحث وقراء للمواضيع اللى فى المنتدى اتشديت للجين تو ...طبعا واكيد اللى خلانى احبها كل اعضاء قسم بروتون وخصوصا اكيد..
استــاذ/ توت:punk:


بس كان عندى كام استفسار لو سمحتم:-


اولا/ واهم حاجه انا لسه جديد فى السواقه ودى اول عربيه ليا واعتبر ماليش خبره فى موضوع العربيات ده خالص الا المعلومات اللى استفدت بيها من هنا وغير كده:wtf:.فهل الجين تو مريحه فى السواقه



ثانيا /الافضل اجيب مستعمل عشان لسه جديد فى السواقه ولا اتوكل على الله واجيب جديد عشان قرف المستعمل
انا حبيت الجين تو جدا .مع ان فى ناس بتقولى بلاش اول عربيه تكون جديده عشان ماتتبهدلش معاك ...بس انا مقتنع بيها وهتعلم عليها براحه ,مش مستعجل...ايه رايكم؟؟

ثالثا/الافضل اجبها من التوكيل ولا من المصريه ولا مش فارقه

هما بس دول اللى حبيت استفسر عنهم دلوقتى .انا الصراحه اطمنت للعربيه دى بعد ماقريت اراء الاعضاء اللى معانا وكانت عاجبهم

وياجماعه لو حد عنده اى نصيحه يقولها او أى راى.....

وانا اسف على التطويل :flirt:

---

الله موضوع من التراث .... مون ايام ماكان لسه بيتعلم الكلام .. قصدى الكلام على بروتون ... ياختى كميله عسول اوى :36_1_35[2]:

اقتباس:

---

المشاركة الأصلية كتبت بواسطة densfog

الله موضوع من التراث .... مون ايام ماكان لسه بيتعلم الكلام .. قصدى الكلام على بروتون ... ياختى كميله عسول اوى :36_1_35[2]:

---

ايه رايك يامعلــم:36_9_4:

شوفت فضايح احسن من كده :36_1_35[2]:

بس تصدق فعلا انا ماشفتش التوبيك دا من زمان جدا ... بس لما رجعت قريته افتكرت ذكريات لذيذه ... ساعة ماكنت بحلم انى اجيب العربيه والوقت الطويل لحد ماستلمتها ويوم ماستلمتها وكانت واقفه تحت البيت .... يااااااااه كانت ايام حلوهhttp://i122.photobucket.com/albums/o...th_popcorn.gif

شوف يا ايمن كمان من ساعه ما كتبت التوبك ده ولغاااااااااااااااااااااي ه دلوقتي كسبت كام اخ
وساعدت كاااااااااااااااااااااااا ااااااااااااااااااااااااا م واحد وكام واحد اشتري بروتون بسببك
وكام واحد بيحبك وبيشكر حضرتك

حلو التوبيك ده

توبيك من أيام الطفولة البريئة.....حتى كمان أبيض واسود....دلوقتى ما شاء الله....كل توبيكاتك تيكنى كلر

اقتباس:

---

المشاركة الأصلية كتبت بواسطة ramyar

شوف يا ايمن كمان من ساعه ما كتبت التوبك ده ولغاااااااااااااااااااااي ه دلوقتي كسبت كام اخ
وساعدت كاااااااااااااااااااااااا ااااااااااااااااااااااااا م واحد وكام واحد اشتري بروتون بسببك
وكام واحد بيحبك وبيشكر حضرتك

---

ربنا يجازيه خير ويجعل مجهود أيمن فى مساعدة الناس فى ميزان حسناته إن شاء الله


_________________
مشرف الكورى والماليزى العام-2

يارب نبقى دايما بنحب بعضينا وقلبنا على بعض

اة كان نفسى اشوفة من زمان من الاول كدة حلوووووووووووووة اوى اوى

بهزر اكيد فعلا المواضيع القديمة بتحى الزكريات لمالاك قدام وبداية صداقات وعلاقات مع الاعضاء الى تحولت للاخوة

ويا ترى أشتريت ولا لسه مقلق يا أستاذ أيمن
تعاله المكتب وأنا هعملك تخفيض ييجى 1000 جنيه
متنساش .

بجد موضوع جميل اوى يا ايمووون

D:
و دلوقتى يا ايمن نفسك فى ايه ؟

فضحتك يا ايمن هاهاهاها