استفسار بالنسبه للسفر بعد التخرج .. للي عنده معلومات اكيده

**الفارس المصري** · 16-07-2013 01:32 PM

السلام عليكم

انارعمري 25 سنه

ولسه مخلص بكالريوس من كم اسبوع

وعندي فرز جيش بشهر 10 او يناير .. ( لسه معرفش مواعيد الفرز ) لاني مواليد النص التاني

المهم عاوز اسافر الامارات الكم شهر دول ... فهل ينفع؟؟ سياحه ؟؟؟ انا سافرت قبل كده ... بسافر مستقل مليش والد ولا والده هناك

عارف انه قانونا مينفعش .. بس سمعت عن ورقه اسمها لمن يهمه الامر دي لازمتها ايه ؟؟

وهل لو رحت هيئه التنظيم والاداره يمشي الموضوع ؟؟

يعني اطلع مثلا مرافق للوالده بسفر زي ماطلعت شهر يناير اللي فات ؟؟

واخر استفسار ... ينفع اطلع اعمل عمره في الفتره دي ولا برضو ممنوع؟؟

اتمني حد يكون متاكد من معلوماته يرد عليا من فضلكم

**أحمد كمال** · 16-07-2013 10:21 PM

و الله على حد علمي ما ينفعش

و موضوع لمن يهمه الامر مش للسفر لانك مش هتسافر بدون تصريح

روح و حاول تطلع التصريح لو طلع خير و بركة ما طلعش تبقى عرفت انه ما ينفعش

**ACC.Eslam Arif** · 17-07-2013 02:52 AM

فى السنة النهائية من الكلية بيتمنع فيها السفر بدون تصريح وزارة الدفاع
والتصريح بالسفر بيكون باسباب مهمة زى للعلاج مثلا
فى فترة انتظار الجيش زى دلوقتى التصريح بالسفر بيبقى صعب جدا وفى الغالب بيترفض لحد متعرف موقفك من التجنيد

**الفارس المصري** · 17-07-2013 09:34 AM

تسلموا عالردود .... بس كمان حتي مينفعش عمره ولا حاجه؟؟؟ يعني طريقي مسدود مسدود؟؟

**أحمد كمال** · 17-07-2013 09:57 AM

المشاركة الأصلية كتبت بواسطة الفارس المصري

تسلموا عالردود .... بس كمان حتي مينفعش عمره ولا حاجه؟؟؟ يعني طريقي مسدود مسدود؟؟

للاسف ايوة

عمرة ما تعتبرش حالة طارئة

و بعدين فيه حاجة ...... الامارات لو طلعت سياحة الفيزا شهر و تجدد لشهر ثاني فقط و بعدها لازم تخرج من البلد لمدة لا تقل عن اسبوعين قبل ما تقدم على فيزا جديدة يعني مش هتقدر تقعد المدة كلها في الامارات