طول عمرك جامد يا مومبيك ..
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
الاخوة و الاخوات الكرام / مالكي و محبي هيونداي
كل عام و حضراتكم بخير ..
"التسونامي الكوري يعود من جديد ليضرب بقوة طريق القاهرة / بورسعيد بالامس"
هذا هو العنوان المفضل لدي و الذي خطر ببالي بعد أن حطمت الالنترا md بالامس رقما جديدا لم أحققه منذ سنوات ألا بسيارتي الغالية "الياريس"
في حوالي الساعة الحادية عشرة صباح أمس أبلغت و أنا في المكتب بأني يجب أن أتوجهه علي الفور لمدينة بورسعيد لمعاينة أحدي السفن بمخطاف بورسعيد و بعد مداولات و أتصالات أنطلقت في تمام الثانية عشرة ظهرا لأصل بورسعيد في تمام الثانية من بعد الظهر و هو معدل و توقيت طبيعي بالرغم من حالة الطريق المزدحمة و أكمنة الجيش المنتشرة علي طول الطريق و التي تستدعي التوقف أحيانا لمدد تتراوح مابين ال 5 دقائق و الربع ساعة و لكن شاب قيادتي في رحلة الذهاب بعض العصبية نظرا لحالتي النفسية السيئة هذه الايام مع بعض الاستعجال مما أثر علي الاداء و رفع من معدل أستهلاك البنزين الي 7.5 لتر / 100 كم.
و في رحلة العودة و التي بدأت في تمام الخامسة كنت قد قررت أن أصل الي البيت قبل الافطار أي في أقل من ساعتين و هو ماحققته من قبل بالتويوتا ياريس في رمضان قبل عامين ووصلت في ساعة و نصف كنت اسير خلالها علي سرعة تجاوزت ال 170 كم/س في بعض الاحيان
و قررت أن أخوض التحدي (تحدي نفسي) و فعلا بعد أن خرجت من بورسعيد شغلت الجي بي اس و ظبطت الاتجاه و توكلت علي الله و بدأت تدريجيا في رفع السرعة بما يتناسب مع حالة الطريق حتي أستقرت الألنترا علي سرعة 140 كم/س طبعا لمبة الايكو أختفت و معدل أستهلاك البنزين خلاص مش فارق معايا.
تخطي سيارات من اليمين و من الشمال و فرامل و زيادة سرعة و كيك داون الي أن جاءت اللحظة الحاسمة ..
ألنترا md و سوناتا (تسونامي كوري خالص علي الطريق)
في تمام الساعة السادسة ألا ربع كنت قد تخطيت الاسماعيلية و عبرت البوابة في أتجاه القاهرة ليتبق لدي علي الجي بي اس حوالي 90 كم الي البيت و أثناء التحرك تخطيت سوناتا الشكل القديم و كنت وقتها علي سرعة تجاوزت ال 140 كم/س بقليل و حدث مالم أكن أتوقعه , لاحظت أن السوناتا تقترب من يميني و بسرعة شديدة و هنا ضغطت علي دواسة البنزين بأقصي قوة ليرتفع صوت المحرك و تنطلق الالنترا متخطية ال 160 كم/س و لكن كان امامي علي مسافة سيارة نقل فقررت أن ابطئ من سرعتي و أسمح للسوناتا بالتخطي من اليمين و هنا بدأت المطاردة المثيرة مابين الألنترا و السوناتا علي سرعة تجاوزت ال 180 كم/س من بوابة الاسماعيلية حتي مدينة العاشر من رمضان تبادلنا خلالها التقدم و التأخر و تم خلالها عمل كل انواع المناورات و تم أفراز كل الادرينالين (علي رأي صديقنا اللدود فورميلاتور) حينما تخطيت ثلاث مرات من زوايا ضيقة جدا و صعبة و نفذت عدد من المناورات الصعبة و الضيقة علي سرعة تجاوزت ال 160 كم/س لعل أخطرها كان التخطي من أقصي اليمين ثم الانحراف بشكل سريع و مفاجئ لأقصي يمين الطريق علي سرعة بلغت 140 كم/س
خلال تلك المرحلة أدركت أن السوناتا القديمة لايستهان بها أبدا كسحب و قوة محرك و كمان ثبات رائع و قدرة حقيقية علي المناورة و لكن الالنترا أيضا كانت منافس عنيد و صلب حتي مع الوحوش الالمانية علي الطريق التي نازلها التسونامي الكوري و تفوق علي الكثير منها في التسارع و كان ندا صعبا للبعض الاخر الذي تفوق بشق الانفس
المهم من فرط السرعة و التركيز نسيت أن أدخل من الشروق و تخطيت الفتحة لأمر بعد ذلك من طريق ضيق مكون من حارتين فقط نظرا لوجود أعمال أصلاحات و توسعات بالطريق و كنت أسير بنفس معدلات السرعة تقريبا (120 - 160) كم/س وسط زحام شديد و كان الادرينالين شغال بجد و بحق و حقيقي ألي أن قررت ان ادخل من الوصلة الجديدة (محور سعد الدين الشاذلي) و الذي كنت امر عليه و لأول مرة و طبعا طريق رائع و جميل و لسه بحالته فانطلقت الالنترا تعزف عليه منفردة ألي أن جاءت لحظة هي الاكثر خطرا طوال الطريق
منحني صعب جدا في أخر الطريق قبل الدخول الي الدائري , المنحني نفسه علي شكل دائرة لليمين و انا داخل 140 كم/س و أمامي سيارتين (أوبترا علي اليمين و هوندا سيتي علي الشمال) و قررت أن أمرق من خلالهما و هووووووووووووووب
الطريق بيلف جامد جدا طبعا قولت خلاص ... انا ضعت و مش هألحق ألم نفسي و لا ألم العربية
رفعت رجلي من علي البنزين و بدأت أدوس علي الفرامل شعرة شعرة و أسيب و ادوس و اسيب بشكل سريع (محاولة لتنفيذ عمل الأي بي أس) مع أنحراف الطارة لأقصي اليمين و بدأت بالفعل السرعة تنزل ل 120 ثم 100 ثم 90 لكن كان المنحني أنتهي و لاقيت نفسي داخل علي الدائري خلاص
بصراحة العربية لم تنحرف عن الحارة الوسطي و لم تتجه يمينا او يسارا و لكني شعرت أن كل شئ في العربية و الشنطة و حتي أنا بنلزق في الجانب الايسر و شوية و العجلتين اليمين هايترفعوا من علي الارض
بصراحة مش عارف انا عملت كده أزاي حقيقي قمة التهور و الاستهتار انا باعترف و فعلا يا أخ فورميلاتور الادرينالين ده ليس به اي متعة و احساس سئ جدا
طبعا دخلت الرحاب 6:35 مع العلم اني مشيت مسافة أطول من التي قطعتها بالياريس في المرة السابقة و بذلك تكون الألنترا قد حطمت الرقم السابق
بعد أن وصلت نزلت للاطمئنان علي الاطارات و ذلك بلمسها بظهر يدي لأجد درجة حرارتها مرتفعة قليلا و الجنط درجة حرارته مرتفعة بشكل أعلي و لكنه بالشكل الذي يتحمله ظهر يدي لفترة 10 ثواني مثلا
نيجي بقي لقراءة الرحلة بالارقام :
- المسافة الكلية المقطوعة (القاهرة / بورسعيد / القاهرة) : 360 كم (تقريبا)
- السرعة المتوسطة في رحلتي الذهاب و العودة : 93 كم /س
- السرعة المتوسطة في رحلة العودة فقط : 103 كم / س
- أقصي سرعة (في رحلة العودة) : 180 كم / س
- متوسط أستهلاك البنزين في رحلة الذهاب : 7.5 لتر / 100 كم
- متوسط أستهلاك البنزين الاجمالي : 9.5 لتر / 100 كم
نتيجة مهمة جدا :
- بالدليل العملي ثبت أن السرعة الزائدة وفرت في الوقت حوالي 30 دقيقة و لكن ...
- أستهلاك البنزين أرتفع من 6.8 لتر / 100 كم الي 9.5 لتر / 100 كم اي أن هناك فرق في الاستهلاك يقدر بحوالي 10 لتر زيادة
- الخوف و تعب الاعصاب و التركيز الزائد ثمن أخر تدفعه نتيجة للسرعة الزائدة
بالاضافة لذلك احتمال التعرض لحادث لاقدر الله علي سرعة عالية و زائدة بهذا الشكل غير أن يكون علي سرعة منخفضة فما بالك بسيارة لاتتوافر بها وسائل الامان (أي بي أس - أتزان ألي - ....)
التجربة في حد ذاتها و بالظروف التي كنت عليها بالامس مريعة و بشعة و شنيعة كمان لذا لا انصح بتكرارهالأنها كما قلت في عنوان الموضوع : مغامرة و مقامرة
رقم العضوية : 102986
تاريخ التسجيل : 10Jun2011
المشاركات : 2,082
النوع : ذكر
الاقامة : مدينه الشروق
السيارة: BMW M1
السيارة[2]: Verna 2008 Automatic
دراجة بخارية: لا يوجد
الحالة :
طول عمرك جامد يا مومبيك ..
WhatsApp me....... 01222223482
[OVERLINE]FaceBook me Assem Hussein[/OVERLINE]
[mtohg=null]http://i1230.photobucket.com/albums/ee500/itbossmaster/11-1-20129-51-51AM.jpg[/mtohg]
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
ههههههه
تعرف يا باشمهندس سمير
هيونداي المفروض تجمع مغامراتك دي في كتاب و تنزله دعايا عن الالنترا
بصراحه طريقة سردك مثيره جدا
و انا ابتديت اشك انك راكب النترا مثلا او ان عربيتك special edition منها ههههه
انا بروح كل يوم من محور الشاذلي و فعلا الملف اللي اخره ده عنيف فعلا
و الجيش حاطط يفط ان اقصي سرعه و انت داخله 40
انا شخصيا اكتر سرعه جبتها و انا داخله 90
بال i10 حسيت زي ما انت بتقول كده ان العربيه فاضل لها سيكه و تتقلب
اما ال bmw فكانت اهون كتير بس برضه صعب ازود عنها
عموما الحمد لله علي سلامتك و كل سنه و انت طيب و متعملش كده تاني ههههه
Sharief Mansy شريف منسي
شكرا نايل موتورز
Farewell my Cayenne, you were the best car i ever had and driven
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
طيب مش تقول أن الملف ده عامل زي الملف اللي في توقيعك .... هههههههههه
فعلا أنا لما دخلته كنت عامل زي اللي دخل نفق ظلمة مرة واحدة و مش عارف هايطلع منه أمتي و ازاي ... فعلا ربنا هو اللي بيسترها انا لو راكب بي ام و حد قالي هاتدخل الملف ده علي 90 هأقول له أنت أكيد أتجننت
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
هههههه لو كنت سالت كنت قلت لك
و احنا بالفعل حذرنا منه في الموضوع اللي كان بيتكلم عن افتتاح المحور ده
و اصلا الحواجز الجانبيه الشمال تحديدا دليل ان حصل فيه ما لا يحمد عقباه
و الحق يقال 90 سرعه عاليه جدا علي الملف ده و صعب جدا تتلزم بحارتك و انت علي السرعه دي او هتبذل مجهود خرافي عشان تعمل كده
انا بقيت في العادي بهدي قبله بكتيييير عشان ادخله علي مهلي و التزم بحارتي
بس هو مغري لل drift بصراحه ههههههه
و اوقات كتير بتخيل نفسي راكب عربية drifting و بدخل بيها الملف ده
Sharief Mansy شريف منسي
شكرا نايل موتورز
Farewell my Cayenne, you were the best car i ever had and driven
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
حواجز
هو كان فيه حواجز ؟؟؟
تصدق أنا من الرعب ماكنتش شايف أي حاجة غير الحارة اللي انا فيها و الأسفلت و عداد السرعة و خايف أطلع من الحارة يمين أو شمال لألبس في عربية من العربيتيتن اللي كانوا ورايا
أنا بعد ماطلعت من المنحني ده قعدت أشتم في الجيش اللي عمل الطريق ده و أشتم في الالنترا و أشتم في نفسي
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
هههههه
ايوه كان في حواجز
و متعلم عليها تعليم السنين
و من فتره كان في نقل محمل بطيخ خيش فيه و لحد النهارده بلاقي بذر علي الطريق هههههههه
و علي فكره اليفط بتاعة السرعه القصوي دي اتحطت متاخر
تقريبا بعد ما ناس كتير خيشت
و كمان عاملينها اصفر فوسفوري عشان تبان ليل و نهار
و مقدر طبعا موقفك ساعتها خصوصا و انك كنت سايق بقالك فتره
انا ببقي خارج من العبور و لازم اركز قبلها
مشكله الطريق انه جديد و مفتوح و الاسفلت لسه بشوكه فالكل بيجري عليه و يفاجئ في الاخر بالملف
انا خبرتي البسيطة علمتني انه لما اكون باخد الطريق لاول مره لازم امشي علي مهلي
لكن لما اتعود عليه و احفظه بفتح التيربو هههههه
Sharief Mansy شريف منسي
شكرا نايل موتورز
Farewell my Cayenne, you were the best car i ever had and driven
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
تصدق يبقي بذر البطيخ ده هو السبب و هو اللي خلي الالنترا تعمل كده .... ههههههههه
و الله أنا بأعمل كده لما أمشي علي طريق لأول مرة بأكون مهدي لحد ما أعرفه كويس لكن تقول أيه بقا في قلة العقل اللي كنت عليها امبارح و تقريبا العربية لما فتحت السرعة ما كنتش عايزه تهدي تاني , زي ماتكون ماصدقت تخرج علي طريق مفتوح بعد عذاب الزحمة اللي في القاهرة
ربنا يسترها معانا كلنا و ياريت فعلا الكل يأخد باله
رقم العضوية : 74241
تاريخ التسجيل : 30Jun2010
المشاركات : 3,685
النوع : ذكر
الاقامة : Egypt Fayoum
السيارة: ٍSpectra 2002
السيارة[2]: Nubira 1997
دراجة بخارية: No
الحالة :
حمدالله على السلامة ياباشا
وشكرا على نقل المغامرة اللى الواحد متخيل انى انا اللى كنت سايق ههه
رقم العضوية : 25719
تاريخ التسجيل : 20Nov2008
المشاركات : 168
النوع : ذكر
الاقامة : JEDDAH-KSA
السيارة: BMW 520i 2013/نيسان چوك 2014
السيارة[2]: تويوتا برادو 2007/النترا 2012/سبورتاج 2012
دراجة بخارية: ﻻيوجد
الحالة :
انا ان شاء الله لو نزلت بالعربية مصر لازم يا باشمهندس تعملها تست درايف وتقولى الفرق اصل لحد دلوقتى اخرى ٩٠ كم عايزين نطلع امكانياتها المكبوتة
المفضلات