الموضوع: مشكلة خايف انها تدمر حياتي !

المشاركة الأصلية كتبت بواسطة deshahcoka

ربنا يخليكم يا رجالة بجد مش عارف اشكركم ازاي :( والله الواحد مش عارف من غيركم كان حيعمل ايه :)

فعلا انا قلت لمراتي و تقبلت الموضوع و عادي بس مسحت الصورة الي هيا بعتتها عشان مراتي متشوفهاش معرفش بقى تكون لحقت فتحت النت و شافتها من غير ما اخد بالي ولا ايه بس في كل الحالات انا مش حرد على محاولات اتصال الزبالة ديه ولا حتى كأنها موجودة زي ما قولتولي لانوا فعلا دول ناس فاضية و بتجر شكل انا افتكرت انوا تهدييها يبعدها لكن بعد كلامكم النوعية ديه شكل تهددها بيجننها اكتر و يكبر المشاكل !

يلا ربنا يبعد عننا الاشكال ديه و يسترنا و يرزقنا كل خير في الايام المفترجة ديه

متشكرين يا رجالة :) فعلا الصراحة حلوة كدة انا مش شايل هم في قلبي :) لو حصل حاجة جديدة حقولكم

كده انت صح
اي محاولة للاتصال بيك على النت نفض خالص
ممكن تزق عليك حد كمان كام يوم تلاقى هي او واحده بتتصل بيك على التليفون تكلمك
لو لاقيت أي واحده انت متعرفهاش بتحاول تحور عليك أو بتفتح كلام قفل عليها ومتديهاش وش
متسبعدش ان زوجتك تعملك تست صغير بأنها تخلى واحده تتصل بيك عشان تتأكد وتطمن
لو البت اتصلت بيك علطول من غير وسيط او حوارات حاول يكون ردك موزون " خير الامور الوسط " لا تقفل السكه اول ما تعرف ان هيا ولا تنفعل لان ده دليل على الضعف وفي نفس الوقت ميكونش طريقتك معاها ناعمه عشان متفتكرش انك بدأت تحن او مقلق منها
حاول يكون ردك " حاسم " ومتقولش كلام ممكن تمسكه عليك خصوصا لو كانت بتسجل المكالمه وده احتمال وارد