مشكلة خايف انها تدمر حياتي !
رجالة
بأختصار شديد ! بعد كل سنة و انتوا طيبين رمضان كريم :)
انا انسان متعلم و ابن ناس محترم من 4 سنين كان حصلي موضوع كنت حكيت عليه هنا انو في واحدة اكبر مني اتعرفت عليها عن طريق قريب ( خال فاسد منه لله ) و كان هدفه تدميري و تضيع مستقبلي و هذا ما اكتشفته في وقتنا الحاضر ! المهم الانسانة ديه عرفتها سنة و كان مشرف على العلاقة خالي محصلش بنا اي حاجة عشان انا كنت اصغر منها و هيا اكبر و هيا هدفها استغلالي و اخد الفلوس و اشتغل عندها تاكسي و منظر بس و هيا كانت على علاقة ب 5 اشخاص و داحكة على واحد و خطباه و مقضيها ( اكتشفت ده بعد كدة برضه ) و عملى عليا خاضرة الشريفة !
المهم كنت زعلان انها سابتني و انا معملتش حاجة بس كنت فلست ( الحمدلله انوا ربنا بعدها عني ) عشان اهلي الطيبين و دعاوتهم ربنا خفف القدر بدل ما كانت تبقى مصيبة و كانت عاوزة تتجوني و البس انا خروف معلش في اللفظ الحمدلله انها جت على قد الفلوس ! و انتهت العلاقة حاولت تفضحني قال يعني عشان ارجعلها هددتني حتيجي عند بيتي و تسيح و بتاع ( هيا شخص بيئة من مساكن سيدي بشر الناس الطبقة الي هيا بتاعت الشرشحة ) ( مش قصدي عنصرية انا بس بتكلم في واقع ) المهم وقفتلها و مخفتش و جت زعقت و شتمتها مشيت و مسمعتلهاش خبر بقالي 3 سنين اهو !
المهم انا الفترة الي اعرفها صرفت كتير و هدايا و فلوس ليها كاش و مخدش بيهم حاجة ولا حتى كنت بصرف على نفسي كله كانت اخدها اول بأول :( المهم ربنا كبير مرة كانت عاوزة تعمل سوفت للموبيايل ده قبل ما تسبني باسبوع و عملتهولها على اللاب فاخدت بالك للموبايل على الجهاز و نسيت خالص امسحها او ربنا كان عاوز كدة او ممكن فضول مني معرفش ! و لقيت ليها صور قالعة و رسايل قليلة الادب و متصورة في بيوت و ارقام تلفونات و بلاوي ! المهم في الفترة ديه سابتني فانا انهرت و حكيت قبل كدة الي حصل كنت مش قادر اسيبها بس لما شفت البلاوي ديه قلت الحمدلله بس برضه الشيطان بيوسوسلي و بيغسلي دماغي ! بس الحمدلله ربنا قواني و كملت حياتي و لحقت نفسي وفقت لنفسي و انقذت نفسي و مستقبلي بس طبعا مفيش حاجة من الي اخدتها هيا رجعت ! و انتهى المووضع على كدة بقالها 3 سنين !
في الفترة ديه ربنا كرمي بانسانة بنت ناس و عيلة و محترمة و متعرفش حد و مؤدبه و معليهاش كلمة و الانسانة ديه ربنا يجعلها تحبني و ربنا سهل و اتجوزتها معرفش ازاي و دلوقتي بقى لينا ولد بينطط ما بينا و الحياة كويسة الحمدلله مع المشاكل الزوجية العادية و المصاريف و الجو ده لكن غير كدة حياتنا الحمدلله العيلتين كويسين و احنا مع بعض كويسين و حياة نضيفة و هيا اتأكد مكنش ليها علاقات قبل كدة من النوع الي من الكلية للبيت و البيت للكيلة بسواق بعربية و شكرا و هيا مكنش ليها علاقات و سالت زمايل شباب اعرفهم و متأكد و الحمدلله انوا ربنا عوضني بيها
المهم من اسبوع الاقي الزبالة بتبعتلي رسايل على الموبايل و الفيس بوك عاملة واحد جديد و كان خالي مصورني صورة عادية معها واقف جنبها باحترام مفيش فيها حاجة يعني و لقيتها بعتهالي في رسالة ! انا عملت بلوك برضه بس فكرت في حاجة
انا مراتي تعرف اني كنت اعرف واحدة زبالة و استغلتني وووو الكلام ده و بالعكس وقفت جنبي و عضوتني كل حاجة و مستعدة تفديني بعمرها
بس انا خايف الزبالة تبوظ علاقتي بمراتي عشان ديه نجسة و شطان و خالي يكون زقها عليا عشان هوا انسان حاقد عيلنا من زمان و يتمنالي الدمار زية شغال عنده مصنع قماش و معلم لكن ولا هوا مهندس ولا هوا بيفهم ولا مخة نضيف !
انا مقلتش لمراتي انها بتاحول تتصلي بيا و تبعتلي رسايل و مراتي مشفتش الصورة الي حنا جنب بعض ديه بس خايف اوريهالها تغار و تزعل بسبب وحدة زبالة و نفسيت مراتي تفضل شايلة و انتوا عارفين الستات و الموضوع مش مستاهل عشان واحدة زي ديه !
انا عمري ما أذيتها وا فكرت ارد اخد القفا و قلت الحمدلله و ربنا باخدلي حقي و اجرني في مصيبتي و عوضني و ربنا عوضني !
دلوقتي فكرت اني عندي صورها ديه مخزنها على سيديهايا و راكنها هل ابعتلها صورة منها عشان هيا متعرفش اني اخدتهم ولا هما موجودين و اقولها لو حاولتي تبعتلي او تكلميني او توصليلي تاني الصورة ديه و الباقي الي انتي عارفها كويس حيتنشر على النت و على عنوان بيتكم يتبعت وووووو يعني كلام كدة زي الي كانوا عاوزين يهددوا بيه اثيوبيا ههههههههه بعد مؤتمر ابله باكي :)
محتار يا رجالة :( خايف على الرزق الانسانة الي ربنا بعتهالي تتاثر بزبالة و خصوصا اننا عايشين كويس و بينا ولد و حياتنها الحمدلله مفيهاش حاجة كبير وحشة يعني لازم يكون في مشاكل صغيرة واهلا ميكونش في حب ! على فكرة مراتي بتغير جامد حتى من زميلي الي في الشغل الي هما مهندسات رايحين في ستين داهية مش حلوين بس هيا عندها عقدة انوا الراجل الوحدي الي حبته و اتجوزته ممكن حد يشاركها فيه او يجي جنبه عشان انا بتاعها بس ! ديه بتغير من صحابي الرجالة لما انزل على قهوة ولا اتسحر بره هو اسبها بالواد لوحديها هههههههه