أنا عندى مشكله فى الفيتيس بتاع السويفت

ياجماعه حد يفيدنى أنا معايا سويفت 93 التانى عندى ساعات بييجى وساعات لا مش عارف أصلحه إزاى وفيه ناس بتقولى هات واحد جديد وخلاص وطبعا هيبقى اكيد غالى وهل لو مشيت بيه كده هيأثر عل كفائة الموتور

غويشه
:)
العيب اللي عندك دا هو عيب غويشه
الحل انك تروح لواحد بتاع فتيس و يكون شغله نضيف و تفك الفتيس
حتلاقي الغويشه و غالبا الترس بتاع التاني مش قد كده
تروح لواحد بتاع قطع غيار استعمال تشتري المجموعه كامله بتاع الاول و التاني
بالعامود بتاعهم و تركبهم
الفتيس حيبقي كويس اوي
المجموعه دي في حدود 150 جنيه و انت و شطارتك مع البياع.
الفتيس الاستعمال موجود عند محلات السوزوكي بجوار احمد حلمي ب 500
و ب 600 محلول من موتور .

ألف شكر يا أستاذ حازم وربنا يكرمك وكل سنة وإنت طيب ورمضان كريم بس عاوز أسألك أصلحه ولا أجيب واحد جديد أحسن وهل لو جبته ممكن يبقى فيه نفس العيب ؟؟؟

العفو يا استاذ سامح
بس انا بصراحه محتار
لاني ايام ما صلحته كنت محتار فعلا
لكن انا عارف ان فتيسي كويس و ناعم بالمقارنه بكذا عربيه سويفت ركبتها
و متاكد و واثق من الميكانيكي بتاعي اوي
و رغم كده فكرت اني اغيره
لكن قولت لو صلحته مش حخسر كتير حتي لو باظ يبقي اشتري واحد
فلو انت واثق من الميكانيكي اللي حيصلحه فكه و صلحه

صلحه ياباشا زى مايقولك حازم باشا لانى مريت بالتجربة دى

طالما انت مستريح مع الفتيس بتاعك لانى كان عندى عربية 132 وكان فيه مشكلة فى التانى والكل نصحنى ان اشترى فتيس استيراد وكانت اسوء نصيحة

3 مرات اغير الفتيس اللى يطلع فيه ونة واللى المرشدير بتاعه بينطر واللى الرابع بينطر

وفى الاخر غيرت برميل وغويشة فى فتيسى القديم وبقى زى الفل وفضل معيا 3 سنين لحد مابعت العربية

ألف شكر ياجماعه على الرد الموقع ده والله محترم جدا وفيه ناس زوق جدا أنا هجرب فكرة التصليح