امبارح حصلي موقف غريب وعجيب جدا

شفت عربية شكلها مألوف جدا كان لونها مش اسود

كانت العربية دي ماشية قدامي وبعد تدقيق وتمحيص اكتشفت انها رينو فليونس (العربية السوداء للأبد)

طبعا كانت مفاجأة مذهلة نظرا لأن دي اول مرة اشوف العربية دي بلون تاني غير الأسود

هو ايه اللي حصل في البلد يا جماعة؟

وازاي المرور رخصلة عربية غريبة بالشكل ده وهي لونها مش اسود؟

المهم بعدها بساعة شفت واحدة تانية مش سودا

انا قلت اكيد الصيام عامل عمايله معايا :)

هل في حد شاف عربيات فليونس مش سودا قبل كدا يا جماعة؟

يا ريت يحكيلنا تجربته ويقولنا كان احساسه ايه ساعتها

وشكرا