حجزت fsv كاملة مانيوال ... ان شاء الله حستلم يوم الاحد ... نصايحكم ايه عند الاستلام واول 1000 كيلو
عرض للطباعة
حجزت fsv كاملة مانيوال ... ان شاء الله حستلم يوم الاحد ... نصايحكم ايه عند الاستلام واول 1000 كيلو
الف الف مبروك وربنا يبارك لك فيها ويحفظهالك
ويعطيك خيرها ويكفيك شرها
وبالنسبه للاستلام الافضل انه يكون فى النهار على شان تقدر تشوف العربيه كويس
وتبص بصه كامله على الصاج وتاخد بالك لو فى تجريح ولا حاجه
وتبص عليها من جوه والفرش والزجاج تجربه كله
وتراجع على الانوار والانتظار
وتجرب الكاسيت
وتشغل التكييف تجربه ايه الاخبار بيجيب هوا ساقع كويس
وتبص على الاستبن وشنطه العده والكوريك
وتبص على عداد الكيلوعامله كام كيلو
المفروض انها تكون غير متجاوزه ال50 بحد اقصى المفروض تبقى فى حدود 18 الى 25
وتبص على الزيت والمياه
والافضل لو عليها اللصق الابيض تشيله وتبص على البويه تحته هل اللون مظبوط ولا خالف
وتشوف الكتالوج والضمان بتاع البطاريه موجودين فى التابلوه
ده بالنسبه الحاجات اللى تاخد بالك منها
اما بالنسبه 1000 كيلو
يجب اولا انك فى المشى لا تحرق على الغيارات يعنى عند rpm اتنين ونص ثلاثه على الاكثر تكون ناقل الغيار
والسرعه باى حال من الاحوال لا تتجاوز ال 100
التكييف يفضل انه لا تشغله الا بعد ال 500 كيلو
لا تقوم بالفرمله المفاجاءه قدر المستطاع
لا تدخل فى طرق وعره ومكسره قدر المستطاع
لا تقوم بتحميل السياره حموله زائده او تقوم بجر عربيه اخرى اطلاقا
وبعد الالف اعمل كل اللى انت عايزه بقى
وربنا يحفظهالك
استملت الحمد لله fsv كاملة مانيوال لون اسود
مبروك يا باشا و ربنا يحفظهالك و مستنين منك التقرير :)
الف الف مبروووووووك ربنا يعطيك خيرها ويكفيك شرها ومنتظرين من حضرتك صور و تقارير عن العربية
حعمل تقرير ان شاء الله مقارنة كده بسيطة بين العربيتين اللي كانت معايا m11 و الـ fsv