الموضوع: فكره انشاء قاعدة بيانات خدمية

طب كويس ان الفكره عجبت الناس
انا كنت متخيل انها مش هتنجح قوي (و لحد دلوقتي ههههه)
و طبعا كل المقترحات و الاضافات مرحب بها
المهم ال data نفسها بقي

المشاركة الأصلية كتبت بواسطة Ahmed_Adham

خليني أخمن. عندك شقوق رفيعه في الدهانات؟ طب في كل الشقه ولا أوض معينه؟

لا خالص
انا اصلا المحار اللي كان عامل الشقة كان مرتكب افظع الجرائم في شغله
و مكانش في عمود او زاويه نازلين عدل كله معجوع و مموج و الحاله كرب
و ده ارهق النقاش جدا و استخدمت كميات مهوله من المعجون في محاوله لاصلاح العيوب
و العيب اللي ظهر ان في كام حيطه في الطرق تحديدا ابتدي الدهان يقشر من عليهم و لما جبت نقاش تاني قالي دي رطوبه في الحيطه مع انها لا فيها مواسير و لا اي حاجه
و قالي سيبها فتره عشان تضمن انها تنشف تماما و بعدين هعيد دهانهم بالكامل

ده غير حيطان عندي عليها ورق حائط ابتدي يفك
و حاجات صغيره كتير بقي

المشاركة الأصلية كتبت بواسطة ahmed_adham

الرطوبه بيبقى سببها الاول ان المحاره منشفتش كويس قبل ما تبدأ شغل المعجون والدهانات وبتبان أكتر في أخر الحيطه من تحت فوق وزره السيراميك. والرطوبه كده سبب تقير ورق الحائط برضه شكلك كنت مستعجل في التشطيب.

خالص انا مشكب في اكتر من 8 شهور
و انا مستلم الشقه علي المحاره اصلا
بس زي ما قلت الي عملها كان عبقري

المشاركة الأصلية كتبت بواسطة eng\ahmed

الاماكن اللى ظهر فيها الموضوع ده قرب الحمامات ؟؟
ركبت الارضيات قبل الدهانات على طول؟؟

في منها قرب الحمامات و في منها لا
و الارضيه ركبت قبل وش اللون لكن بعد المعجون
و الارضيه رخام بالمناسبه

المشاركة الأصلية كتبت بواسطة eng\ahmed

طيب كده فى احتمالين والاتنين انا جربتهم قبل كده :))

1- نفس المشكلة ظهرت عندى بعد المعجون فى حيطة الطرقة اللى فى ضهرها المطبخ ودى كانت تقريبا بسبب ان العمال ساعة تركيب الارضيات كانوا بيعملوا المونة فى المكان ده فى المطبخ وبكميات كبيرة وتقريبا كانت اديهم كريمة فى المية فالحيطة شربت رطوبة وظهرت بعد كده فى المعجون ودى حلها انك تسيبها لحد ماتنشف بس شوف سباك يكبس دورة المية جوه الشقة علشان تتأكد ان مفيش تسريب .... انا كده ولا كده ماكملتش تشطيب غير بعدها بفترة فا مكانتش فارقة معايا اوى

2- ودى ظهرت عند والدى بعد التشطيب وللأسف الشقة بتتقفل فترات طويلة فا مشوفنهاش غير مره واحدة بعد مالحوائط اتبهدلت وملهاش حل غير الدهان ... نفس المشكلة اللى فوق ظهرت بعد التشطيب واستخدام الشقة فى كل الحوائط اللى ناحية حمام واحد بس والغريب ان مفيش حاجة ظاهرة فى الجراج تحتها على طول .. طبعا بعد الكبس والتخمينات والاستنتاجات اكتشفنا ان البية اللى ركب البيبة بتاعت الحمام ده مقفلش حواليها كويس فا كان فى فاصل بين الارضية والبيبة بيسرب مياه تحت الارضية ودى كانت السبب اتقفلت كويس وخلاص .. وفى النهايه بردة ملهاش حل غير انك تسيبها لحد ماتنشف خاالص وتشطب تانى


للأسف ايا كان السبب اللى عندك ملوش حل غير انك تسيبها لحد ماتنشف وتبقى تشطب تانى بس الاهم تعرف سبب الرطوبة ايه علشان تصلحه والا هيفضل مستمر

تحليل منطقي و سليم كمان
و فعلا تقريبا العمال كانوا بيعملوا مونه في الاماكن اللي ظهرت فيها الرطوبه دي
و طبعا زي ما انت قلت و اتقالي من النقاش حلها الانتظار