عرض للطباعة
السلام عليكم
أنا مقبل على شراء عربية إن شاء الله و أنا محتار جدا أنا ميزانيتي ٨٠٠٠٠ و عايز عربية تعيش معايا لأن أنا مشاويري طويلة يعني ممكن أعمل بالعربية ٢٥٠٠ - ٣٠٠٠ كم في الشهر
أنا محتار أجيب Kia Picanto ولا Dacia Logan ولا Proton Saga ولا Brilliance FRV
أنا كمان يهمني قوي استهلاك البنزين عشان كده أنا مايل أكتر لل Kia Picanto
و عايز أعرف كمان هل قطاع غيرها غالية ؟ مقارنة بل Logan
والله حرام تدفع مبلغ زي ده في عربية بيكانتو قد علبة السجاير
دور على النترا 2009 -2008 مش ماشيه كتير .. هتعملك كل اللى بتدول عليه .. عمليه .. موفره فى البنزين و قطع غيار متوفره جدا و اسعارها حلوه فى الصيانه .. دا غير المساحه و الشكل الجميل
اللوجان افضل اختيار من الاربعة يليها الساجا ..
الكيا بيكانتو مفيش عوامل أمان و قيمة لا تقابل الجودة
الفكرة إن أنا حجبها تقسيط و أنا حسبها حساب إمكانياتي يكون توتال السيارة ٨٠٠٠٠
حضرتك ممكن تقسط مستعمل على فكرة تبع كونتكت كارز .....اقتباس:
المشاركة الأصلية كتبت بواسطة 3elwa
بس الفائدة عليا قوياقتباس:
المشاركة الأصلية كتبت بواسطة prooo
حرام تدفع كل الفلوس دى فى بيكانتو نصيحه هات اللوجان افضلهم و وبالنسبه لقطع الغيار اسال فى التوكيلات عليها و قارن و هتلاقى الفرق قليل زياده و نقص بس بالمقابل القطع معمره والعربيه كمجمل بتتحمل وخامات و تقفيل عالىين و استهلاك البنزين كويس
هات البيكانتو عربية عملية ومنتشرة وستهلاك قليل جدا فى البنزين
لوجان و توكل على الله
اللوجان جميلة بس أنا دخلت على المنتدى هنا شفت ناس كتير بتشتكي من حاجات مختلفة زائد إن أقل استهلاك للبنزين سمعته كان ٧ ليتر لكل كم أما البيكانتو ممكن توصل ٥ و أقل كمان أنا مشكلتي كلها مع البيكانتو حجمها و عجبني فيها استهلاك البنزين و إن مسمعتش حد بشتكي منها و تقفلهأ بيشكر فيه قوياقتباس:
المشاركة الأصلية كتبت بواسطة silent~dream
إلي مخوفني إن اللجان روماني مش فرنساوي فرقة إيه عن الماليزي ؟اقتباس:
المشاركة الأصلية كتبت بواسطة sergiooo90
هي أخبارها إيه مع حضرتك إيه مشاكلها و كده ؟ و أسعار قطع الغياراقتباس:
المشاركة الأصلية كتبت بواسطة ahmedsrs
لو بتدور علي اقل استهلاك بنزين يبقي ألتو ووفر فلوسك بقى :)
لكن البيكانتو عربية غالية جدا و مفيش اي وسايل امان اطلاقاً ....
الالتو 800cc حتموت لو شغلت التكيف وأنا ححتاج اشغله كتير وفرق بينها وبين البيكانتو 15000 أنا شايف إن الفرق يستحق إني اجيب بيكانتو وكمان أنا عايز عربية عشان إن شاء الله بعد فترة 4 سنين مثلا اجيب واحدة تانية كبيرة واسيب البيكانتو لمراتي إن شاء الله فـعايز عربية تستحمل وتعيشاقتباس:
المشاركة الأصلية كتبت بواسطة NourElmansy
وااله البيكانتو دي اقل خبطة هتلاقيها اطبقت وبقت علبة سجاير ولا قدر الله مفيش حد من اللي جوه هيطلع سليم
عندك اللانوس اقل من 80 واستهلاك بنزين كويس ومعمرة
بيكانتو عن تجربه عربيه لا يمل منها
استهلاك البنزين للبيكانتو الأوتو مقارب لأستهلاك اللوجان المانوال
قطع غيار اللوجان ارخص من البيكانتو
مع احترامي للوجان شكلها كئيب وتكييفها مش حلو وبالنسبه لاستهلاك البيكانتو المنيوال هي بتمشيني التفويله وهي ٣٥ لتر حوالي ٤٥٠ كيلو وده استهلاك مناسب وموتورها قوي بالنسبه لحجم السياره وعفشتها حلوه بالمقارنه لفئتها والميزه انها واسعه من الداخل علي الرغم من شكلها الذي يوحي بالصغر انا عربيتي خليجي وفرقها عن الوكيل الجربان منهم لله جنوط وايرباچ وفوج لايت وكرسي السائق بيعلي ويوطي وميزه بها انك تنسي اي احتكاك للسياره بالمطبات حتي مع وجود حمل بها وبالتوفيق في اختيارك واي اسفسار انا موجود