سكوتر ولا بايك !!! ساعدوني بالله عليكم
السلام عليكم ..
أنا يا جماعة عندي حيرة شديدة جدا ومش عارف ايه الإختيار المناسب ليا ..
أنا بعد ما بعت اخر عربية ليا قررت إني أخد راحة من سواقة العربيات لإني بجد زهقت وقرفت من الزحام والخوف عليها من السرقة وأسباب كتير جدااا .. عشان كده نويت إني أشتري سكوتر او بايك أروح بيه شغلي ومشاويري وخصوصا إني مش متزوج ..
مشواري اليومي من فيصل لشارع قصر العيني مرورا بالدائري ومحور صفط اللبن .. يعني ممكن نقول 20 كيلو رايح و 20 راجع ..
أنا عاوز حاجة تكون شيك وإعتمادية ومشاكلها قليلة .. والأهم من كل ده إن عزمها ع الطريق يكون كويس ..
محتار بين إني أجيب سكوتر 150 سي سي بغض النظر عن النوع .. وإني أجيب بايك صيني 150 أو 200 سي سي .. تفكيري مش بيروح للهوندا لإنها موديل قديم ومستهلك من شباب وأنا مش عاوز أقرف نفسي وأكيد طبعا الشريحة السعرية للبايك الهوندا فوق 11000 جنيه إنما الاسكوتر او البايك الصيني بنتكلم فى شريحة أقل من 8000 جنيه ..
محتاج بقى مساعدتكم فى تحديد الإختيار المناسب .. هل أجيب سكوتر ولا بايك صيني زي البينللي أو الريس الليفان أو مثلا الموديلات الشبابية اللى شكلها مقبول بتاعة حلاوة ودايون !!! مين فيهم أفضل وأحسن من حيث الإعتمادية والسحب ع الطريق وقلة المشاكل !!!!!