ارجو المساعدة. تركب لمبات زينون ونظام صوتي جيد كياريو 2013

**hossamlabib** · 17-07-2013 03:10 PM

في البداية بحب اشكر كل افراد الادارة والاعضاء علي المجهود الرائع القائم في المنتدي

الحمد لله استقريت وجبت كيا ريو سيدان خليجي 2013 والسيارة تحفة في كل شيئ

اولاً : انا عاوز اركب لمبات زينون بدل اللي نازل في العربية

- نوع الزينون ورقمة اللي وعدد ريش المبات وايه اللي يتوافق مع العربية
- هل يمكن تركيب عدسات ولا الزينون اضائتة تكفي بدون عدسات

ثانياً : عاوز اظبط الكاسيت شوية لان الصوت مش كويس خالص واطي

- هل ممكن تغيير الكاسيت الاصلي
- هل ممكن تغيير السماعات للأعلي
- هل ممكن تركيب صاب او g.m

منتظر ردكم يا شبـــــاب

**Ahmod** · 17-07-2013 04:28 PM

الكاسيت الاصلي لو غيرته فانت هتخسر ال Multifunction وكمان هتشوه منظر التبلوه !!

لكن بالامكان انك تركب جي ام وسماعات وصبات وكل اللى انت نفسك فيه

لازم بس الاول تتاكد هل الكاسيت فيه مخرج RCA ولا لاء

لو فيه يبقى هتركب الجي ام بدون مشاكل لو مافيهوش هتحتاج انك تجيب RCA convert

وعشان تعمل عدة صوت كويسة لازم تحط الميزانية اللى انت عايز تدفعها

وكمان لازم تقول نوع الصوت اللى انت عايز تسمعه !! ؟ يعني عايز صوت نقي وبيز خفيف ؟

ولا عايز بيز وهبد ورزع وصبات والكلام ده ؟ ؟

**2CODE** · 17-07-2013 04:56 PM

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

**prooo** · 17-07-2013 05:02 PM

المشاركة الأصلية كتبت بواسطة 2CODE

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

انا معرفش هو ايه ال Arkamys ده الصراحة بس انا خليجي والصوت عندي زي الفل مفيش اي مشاكل والصوت نقي جدا ..... طب نتأكد ازاي من استاذ Arkamys ده موجود عندنا ولا لا ؟

**Tmhami** · 17-07-2013 06:26 PM

فيه بس حاجه مهمه
فى الوكيل الهاى لاين فيه ست سماعات ,أنما بقيه الفئات فيها أربع سماعات بس زى حالاتى (أنا معايا الفئه ألى قبل الهاى لاين سيدان و مفيهاش غير أربع سماعات بس )

**Ahmod** · 17-07-2013 09:03 PM

المشاركة الأصلية كتبت بواسطة prooo

بص ياباشا اولا مبروك على العربية ثانيا الزينون لو ركب هيعمي الناس اللي قدامك لانك معندكش عدسات على عكس كشافات الهاتش باك اللي فيها عدسات .... ومش هينفع تركب عدسات عشان انت جايب عربية جديدة وملهاش لازمة تفتح الفانوس الفابريكه وبعدين انت الاضائة عندك كويسة جدا ... بس لو حابب تركب انت نوع اللمض عندك h4 العالي والواطي في لمبة واحدة .... والفوجات h8 .... امما بالنسبة للصوت مش عارف ازاي انت حاسس انت الصوت واطي انت عندك اربع سماعات في الابواب و 2 تويتر في القوايم انت بس حاول تظبط الصوت من الكاسيت ومنصحكش تركب سماعات عشان كده كده مش هتعرف تشغل اكتر من اربع سماعات بس فلو ركبت سماعتين ورا هتضطر تشيل اللي في الابواب .....

لا يا باشا هيركب سماعات ورا من غير مايجي جمب سماعات الباب

انا مش عارف الريو بتنزل بسماعات بيضاوي ورا ولا لاء !! ؟

لو مش بتنزل فهو هيسيب الاربع سماعات الفبريكة بتوعها زي ماهما وهيقوم عامل رف خشب ورا يحط عليه سماعتين بيضاوي او اربعة هو ومزاجه وهياخد الخرج بتاعهم من جي ام مش من الكاسيت

اما لو بتنزل بسماعات بيضاوي ورا فهو هيسيب سماعات الابواب وهيغير السماعات اللى ورا

المشاركة الأصلية كتبت بواسطة 2CODE

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

المشاركة الأصلية كتبت بواسطة prooo

انا معرفش هو ايه ال Arkamys ده الصراحة بس انا خليجي والصوت عندي زي الفل مفيش اي مشاكل والصوت نقي جدا ..... طب نتأكد ازاي من استاذ Arkamys ده موجود عندنا ولا لا ؟

المشاركة الأصلية كتبت بواسطة Tmhami

فيه بس حاجه مهمه
فى الوكيل الهاى لاين فيه ست سماعات ,أنما بقيه الفئات فيها أربع سماعات بس زى حالاتى (أنا معايا الفئه ألى قبل الهاى لاين سيدان و مفيهاش غير أربع سماعات بس )

انا طبعا مع احترامي الشديد لإرائكم بس فيه حاجة مهمة

مهما كانت العربية نازلة بنظام صوتي كويس فهو بيبقى غير كاافي لواحد متعود يسمع Sound system صح !!

واقصد بيه (جي ام / بازوكا وصب وهبد وترزيع) هو بيبقى متعود على صوت معين مش بيعرف يغيره او يسمع اقل منه مهما كان الصوت بتاع العربية الاصلي كويس

**hossamlabib** · 17-07-2013 11:32 PM

المشاركة الأصلية كتبت بواسطة prooo

بص ياباشا اولا مبروك على العربية ثانيا الزينون لو ركب هيعمي الناس اللي قدامك لانك معندكش عدسات على عكس كشافات الهاتش باك اللي فيها عدسات .... ومش هينفع تركب عدسات عشان انت جايب عربية جديدة وملهاش لازمة تفتح الفانوس الفابريكه وبعدين انت الاضائة عندك كويسة جدا ... بس لو حابب تركب انت نوع اللمض عندك h4 العالي والواطي في لمبة واحدة .... والفوجات h8 .... امما بالنسبة للصوت مش عارف ازاي انت حاسس انت الصوت واطي انت عندك اربع سماعات في الابواب و 2 تويتر في القوايم انت بس حاول تظبط الصوت من الكاسيت ومنصحكش تركب سماعات عشان كده كده مش هتعرف تشغل اكتر من اربع سماعات بس فلو ركبت سماعتين ورا هتضطر تشيل اللي في الابواب .....

الله يبارك فيك وشكراً علي زوقك

انا مستبعد فكرة فك اني افتح الفانوس علشان اركب عدسة

يعني لما اجي اشتري اسأل علي لمبات زينون h4 العالي والواطي h8 للفوجات طب هما كام ريشه

هو ممكن اغير سماعات الابواب الخلفية علشان الصوت يزيد ويكون عالي شويه بس السوال هل اي سماعات تركب عليها (دائري او بيضاوى) وعلشان اركب سماعات في التبلوه الخلفي لازم اعمل فتحه في التبلوه

**hossamlabib** · 17-07-2013 11:53 PM

المشاركة الأصلية كتبت بواسطة Ahmod

لا يا باشا هيركب سماعات ورا من غير مايجي جمب سماعات الباب

انا مش عارف الريو بتنزل بسماعات بيضاوي ورا ولا لاء !! ؟

لو مش بتنزل فهو هيسيب الاربع سماعات الفبريكة بتوعها زي ماهما وهيقوم عامل رف خشب ورا يحط عليه سماعتين بيضاوي او اربعة هو ومزاجه وهياخد الخرج بتاعهم من جي ام مش من الكاسيت

اما لو بتنزل بسماعات بيضاوي ورا فهو هيسيب سماعات الابواب وهيغير السماعات اللى ورا

انا طبعا مع احترامي الشديد لإرائكم بس فيه حاجة مهمة

مهما كانت العربية نازلة بنظام صوتي كويس فهو بيبقى غير كاافي لواحد متعود يسمع Sound system صح !!

واقصد بيه (جي ام / بازوكا وصب وهبد وترزيع) هو بيبقى متعود على صوت معين مش بيعرف يغيره او يسمع اقل منه مهما كان الصوت بتاع العربية الاصلي كويس

المشاركة الأصلية كتبت بواسطة 2CODE

تقريباً يا جماعة الخليجي مش نازل فيه نظام الصوت Arkamys اللي نازل في الوكيل

بصراحة نظام الصوت الاصلي في العربية اللي نازل في الوكيل Arkamys اكتر من رائع

شكراً لمتابعتك الجيد للموضوع وواضح انك عندك فكرة عن الكيا بصفة خاصة

هو انا عندي الخليجي بس مش الهاي لاين عندي اربع سماعات فقط في الابواب

قصة الـ GM ايه المعقول اللي يناسب السيارة وصوت يكون جيد (النوع-الفئة) التكلفة مش مهم

ايه هو بقي Arkamys ؟؟؟