الموضوع: حركة رخيصة جداً من الوكيل

طيب كويس انه ما قاللكش ب3000 جنيه ولا حاجة

في توكيلات كتير بتعمل حركات من دي وخد عندك امثله واقعيه : تلاقيها شايله الكاسيت بتاع الفابريكه و مركبه واحد تاني تعبان مكانه او شايلين العازل الفيبر بتاع الشنطه او مركبين كاوتش نوع رديء او حتي العربيه نازله بجنوط انما الاستبن عجله عاديه بطاسه مش جنط و احيانا لو مش عارفين يشيلوا الاوبشن بيلغوه زي لمض في التابلوه خاصه بكومبيوتر العربيه او الاضاءه في السبويلر و بياخدوا الدواسات اللي بتبقي جايه مع العربيه اصلا . كل الكلام ده لو بصيت لثمنه مقارنه لسعر العربيه هتلاقيه و لا حاجه انما بيضايق المشتري و بيحسسه ان الوكيل مستخسر فيه يركب حاجه كويسه مع العلم انه دافع فيها اكتر من تمنها بكتير مقارنه بالخارج و علي الجهه الأخري قدامه العربيات اللي مش جايه عن طريق الوكيل اللي بيسموها الخليجي مليانه حاجات زياده و مواصفاتها اعلي من بتاعه الوكيل انما معهاش ضمان فيبيقي الكماليات الزياده و السعر القليل قدام الضمان و شويه الحاجات اللي الوكيل بيخلعها من عربياته و ده اللي بيدخل اي مشتري في حيره يجي وكيل و لا خليجي و يعتبر نوع من الاحتكار من ناحيه الوكيل و خاصه بانه بيبيع الحاجات اللي بيخلعها دي من العربيات بعد كده باعتبارها كماليات يعني مش اتسرقت من عربيه و لا اتنين لأ ده هو اللي بيفكها و ده شكله تقليد فرعوني قديم يرسخ مبدأ انه مش شرط علشان دفعت شويه فلوس انك تاخد اللي انت عايزه

يا جماعة أنا معاكوا بس أنا بتكلم عن حاجة أن سعرها مقارنة ب السعر المبالغ فيه اصلاً للعربية لا شيئ و معتقدش حتى أن في ناس كتير هتاخد بالها منها و لو اخدت بالها اشك أنهم يطلبوها

المشاركة الأصلية كتبت بواسطة engherc

يا جماعة أنا معاكوا بس أنا بتكلم عن حاجة أن سعرها مقارنة ب السعر المبالغ فيه اصلاً للعربية لا شيئ و معتقدش حتى أن في ناس كتير هتاخد بالها منها و لو اخدت بالها اشك أنهم يطلبوها

و ليه يحطهولك ببلاش لما ينفع انه يدفعك ثمنه؟ و ابسط من كده حتي ايه اللي وصل سعر العربيه للرقم ده ؟؟ ببساطه بسبب عدم وعي المستهلك بحقوقه و غياب الرقابه يعني مثلا لو اكتر من حد عمل زي حضرتك كده و ما اشتراش علشان حاجه بسيطه زي دي الوكيل هيحطها غصب عنه و لو الناس بطلت تشتري علشان الاوفر برايس التجار هيبطلوا يبيعوا بيه .. هو هو نفس المنطق

خد من ده كتير ،، وفيه مواضيع كتير بتتكلم عن الموضوع ده .
وربنا يهدي .
تفكير عقيم وغريب جدا .