بأختصار
كل يوم بيطلع علينا فى التلفزيون اعلانات جديدة ومش عارفين مين فيهم الصادق ومين الكذاب
أنا كنت عاوز أعرف ، هل يوجد علاج أو دواء حقيقى فعال وليس نصباية لأعادة كثافة الشعر من جديد وقوته ..
بشكركم جميعاً وفى انتظار الرد
عرض للطباعة
بأختصار
كل يوم بيطلع علينا فى التلفزيون اعلانات جديدة ومش عارفين مين فيهم الصادق ومين الكذاب
أنا كنت عاوز أعرف ، هل يوجد علاج أو دواء حقيقى فعال وليس نصباية لأعادة كثافة الشعر من جديد وقوته ..
بشكركم جميعاً وفى انتظار الرد
لو على استعداد تكمل بالدواء ده على طول يبقى جيب اي دواء فيه نمادة فعالة اسمها مينوكسبديل تركيز 5%
بس لو بطلت الشعر اللي طلع هيقع تاني
شكراً أستاذ أحمد على الرد ، ممكن توضيح أكتر أسم الدواء وسعره تقريبً كام وهل بيتطلب يبقى فى فروة الرأس لفترة طويلة
تقريبا على ما فاكر اسمه performa استخدمته لمدة شهرين و ميزته بيقلل تساقط الشعر بشكل ملحوظ اما موضوع انبات الشعر محستوش الصراحه يمكن فيه علاج اقوى منه والله اعلم
نسيت ان سعره تقريبا كان ب ٥٥ جنيه
من شهرين كدة جالي دور برد كالعادة بتاع كل صيف
وكالعاده يروح البرد ويسبلي كحه مستفزه وتطول معايه
روحت لمحل حساسين اللي فاتح في كل حاره محل دة وبيطلع على خليجيه وفاتح في الدول العربيه كمان
اللي واقف قالي في حاجه ب 150 جنيه للكحه .. قولتله ليه غالي كدة
قالي علشان بيجيب مالاخر .. قولتله يعني امتى اخف .. قالي هو كورس تلات شهور !!!!
قولتله انا من غير حاجه في خلال شهر بالكتير هكون خفيت .. راح سايبني وشايف زباين غيري
وروحت لصيدلي شاطر وناصح كدة اداني دوا ب 7 جنيه .. خفيت في اقل من اسبوع والحمد لله
نصيحتي .. سيبك من العلاج العشوائي .. واتوجه لمتخصص .. وممكن اللي ينفع غيرك ماينفعكش
فيه دواء اسبراى يابانى مستورد اسمه كامينوموتو
اقراص pantigor
مع الاستمرار عليها 3 اشهر كما بالروشتة
في دواء
لكن اسمع ان لازم الاستمرار عليه علطول
الموضوع يحتاج استشاره متخصص لأنه في بعض حالات تساقط الشعر العلاج مش بيفيد معاها و من المستحيل اعاده انبات الشعر المتساقط لأن خلاياه بتكون ماتت و لكن الممكن تقليل معدلات التساقط
أنا لسة لما أصاب بالصلع ولكن طبعاً بحكم تقدم السن فالشعر خف من المقدمة شوية ولم يعد بنفس كثافة أيام الشباب ، يعنى اللى أقصده أن نبتة الشعر موجودة ولكن محتاج علاج فعال لاكثارها ولانبات أكثر من واحدة فى المكان الواحد وبالاخص فى مقدمة الرأس ، أرجو كتابة أسم دواء فعال عن تجربة حقيقية
عايز النصيحه من مجرب لمده سنه
هوا بيثبت الشعر كويس وبيعمل زياده فى النمو مختلغه النسبه من شخص لاخر بس مهما كانت طولت بالك هتزهق انا اعدت سنه عليه وبعدين جبت اخرى حسيت انى مريض سكر ! لازم الجرعه اليوميه
المحصله انك مش بس هتخسر الشعر اللى ممكن يكون زاد وبس لا معدل تساقط شعرك هيتضاعف بسرعه رهيبه اوى يو هتصلع بعد 5 سنين فى الطبيعى لو بطلت الدوا مش هتكمل بشعرك 6 شهور
نصيحه اكشف الاول عند اخصائى جلديه والدوا اسمه performa 5% تمنه كان حوالى 52 ويكفيك شهر
ألف شكر ليكم يا جماعة وجزاكم الله خيراً على أهتمامكم، بصراحة أنا قلقت كتير من موضوع تساقط الشعر فى حالة التوقف عن الدواء ، وفى ناس فى منتديات أخرى قالوا انهم أستعملوا كامينو موتو وبرده صاب شعرهم الشيب وأخرين تساقط عندهم الشعر ،بعد التوقف عنه بصراحة أنا خايف قوى تكون الادوية دى سبب قوى ومباشر لأمرض السرطان والعياذ بالله ، عافانا الله وإياكم ، بصراحة الموضوع مقلق جداً وخاصة مسألة تساقط الشعر عند التوقف عن العلاج ، حاجة تقلق كتير .. من الاخر أنا قررت أرجع للاشياء الطبيعية وسمعت وقراءت فى منتديات أخرى أن زيت الخروع وزيت اللوز بيقوى الشعر وخاصة لو تم الدهان منهم بعد مزجهم ببعض ثم دهان فروة الرأس بهم ، وكمان فى ناس بتقول أن الثوم لو تم فركه بالرأس على الاماكن الخفيفة بالشعر فهيعيد لها حيوتها وهينشط الخلايا الخاصة بنمو الشعر ، ياترى أيه رأيكم بالكلام ده
مش عايز احبطك بس مكنش حد غلب على العموم جرب