الموضوع: اسوأ نصاب بتاع تصليح شروخ الزجاج فى 6 اكتوبر

السلام عليكم

اسوأ واحد بتاع تصليح شروخ الزجاج وكمان نصاب فى 6 اكتوبر بجوار بنزينة التعاون اللى فى اكتوبر (اللى عند المرشدى بعد ميدان الحصرى) اسمه مصطفى ومعاه واحد تانى اسمه شوقى

النهاردة العصر بعد الشغل طالع اركب العربية الكيا لاحظت شرخ بسيط اوى طالع من نقرة قديمة فى الزجاج الامامى فخوفت انه يمتد اكتر وقلت اروح اعمله بسرعة , فكان واحد صاحبى عالج نقرة كبيرة فى زجاج عربيته من طوبة على الدائرى عند واحد بجوار بنزينة التعاون اللى فى اكتوبر اللى عند المرشدى بعد ميدان الحصرى ولما سألته عنه قال لى شغال فقولت اروح اجربه دخلت على المحل فطلع واحد وبدأ يشتغل فى العربية حط المكبس اللى فيه المادة على الزجاج وبدا يلف القلاوظ بتاع المكبس جامد فلقيت فجأة النقرة طلع منا شرخ كبير من فوق ومن تحت فقولت ايه ده قال لى متخفش ده هيختفى وقعد يحط المادة ويسخن بالولاعة من تحت فلقيت الشرخ اختفى قلت تمام حاسبته ومشيت وبعد خمس دقائق لقيت الشرخ رجع تانى فاتصلت بشريكه اللى معاة فى المحل قالى تعلالى بعد الفطار وكله هيبقى تمام رحت له بعد الفطار فقعد يجيب المكبس ويحاول يحقن ويقعد يسخن تانى بالولاعة ويضغط جامد على الزجاج ويرمى المادة على الزجاج من برة والشرخ زى ما هو فقعد يحور على بص يا باشا ودخل جاب لمبة نيون بيضاء بدل البنفسجى ويعمل افلام كده وفى الاخر فالى بص يا باشا الصبح ان شاء الله الشمس هتجمد المادة والشرخ ده حيروح تماما وكله هيبقى تمام ومشيت مش مصدق ومش عرف اعمل ايه وانا حاسس بالنصبه اللى عملها على والزجاج اللى مش عارف اعمل فيه ايه فقلت لازم اتصرف فيها النهارده فرحت بسرعة على فرع الكتور خالد وشرحت له كل اللى حصل وبدا يشتغل فرق السما من الارض بفضل الله عمل خرم صغير جدا بشنيور مخصوص وحقن بالمادة والحمد لله الشرخ اختفى بنسبة 75% او 80% وقدر الله ما شاء فعل وبعد ما خلصت رجعت للنصاب وزعقت له واخت فلوسى منه اللى دفعتها فحبيت انبه الناس لنستفيد من اللى حصل

اسف للاطالة

بتروح بنسبة معقولة
وكمان هو بيقولك تنفع تروح ولا لأ