الموضوع: الحقققققققققققققققونى مترشحلى عروسة من محافظة تانية اعمل اى؟

المشاركة الأصلية كتبت بواسطة ruqi

آولا بحيي استاذسبعاوي واضح انه فاهم الآمور كويس علي الارض

ومع احترامي للجميع آنا صاحب تجربة مشابهه

آنا اسكنداني متجوز وعندي اولاد لكن قبل مراتي كنت اتعرفت علي بنت قاهرية في اسكندرية المهم مطولش عليكوا خطبتها

هي من اسرة مستواها العلمي آقل من مستوي عيلتي بكتير وهم مستواهم المادي آعلي من مستوي عيلتي بكتير

كنت باشوفها فقط يوم الجمعة باركب قطر 10 الصبح علي ما اوصل اقعدمعهم لحـد 8 اركب وارجع اسكندرية فقط 8 ساعات في الآسبوع وطبعا تلات آربعهم مجاملات متبادلة بيني وبين اسرتها والنهاردة عملينلك فطير علي شوربة بط تاكل صوابع وراه وتعدمني لو ما آكلتش دي من ايدي ، ده غير الحلو والشاي

المهم الموضوع بيرسي علي ساعة وساعات اقل فقط دردشة مع خطيبتي

والتليفون كان صعب لان الموبيل كان لسه طالع و الدقيقة كانت بـ 2.25 بالضريبة

فقولي كنت حدرس خطيبتي امتي ؟؟؟

المهم المرة الوحيدة اللي قعدت عندهم مدة طويلة كان تلات ايام بعد الخطوبة عملنا خطوبة وكانت في العيد وحلفوا عليا اقعد عندهم تلات ايام الاجازة


المهم قعدت التلات آيام ورجعت للماريا ام تراب زعفران ومن يومها ما رحتش القاهرة تاني وماشوفتش خطيبتي تاني ولا شوفت شبكتي

تلات ساعات في القطر من التفكير العميق واول ما رجعت اسكندرية فسخت الخطوبة في التليفون

لا العادات ولا التقاليد ولا التدين ولا وضع الراجل في البيت ولا سطوة الزوجة و لا طريقة تربية الاولاد ولا تقييمهم للانسان علي قدر ما يملك من المال يناسب وضعي ولا يناسب اسرتي
ولا يمكن ان اظلم نسلي بان اجعل لهم اخوال وخالات من هـذه العينة من البشر

انما طبعا اللي هتشوفوه انت قد لا يكون بالمستوي اللي انا شوفته وممكن يكونوا ناس ممتازين
انما انا لا انصح اي انسان انه يخرج من بيءته لان هو نفسه مش حيستحمل

ونصيحة استخير ربنا وتوكل علي الله هو مش حيتم الجوازة لو مش مناسبة

كلامك صح كنت حتظلم ابناءك و يفضلوا فكرينهالك طول عمرى الفرق الاخلاقى و العلمى لا يمكن التنازل عنه نهائي و دا عن تجربة لقتهم بيشتموا لمجرد انى فكرت اغير معاد الخطوبة علشان والدى المتوفى عن قريب

بشكركم جدا على مشاركتكم ليا بالاراء و الخبرة و التجربة

الحقيقة انا سئلت ناس يعرفوهم كويس من القرايب اكدولى ان اخلاقهم و طباعهم و عيشتهم مش زيى خالص يبقى كدة الموضوع محسوم

و شكرا ليكم