السلام عليكم
كنت عاوز اعرف سعر قربة المياه للـ m 11 لأن الغطا بتاعها بيفوت والمياه بتخر زى الحنفية منها
وغيرت الغطا وبرضو نفس الوضع والميكانيكى قاللى ان القربة نفسها هى اللى عاوزة تتغير
وشكرا
عرض للطباعة
السلام عليكم
كنت عاوز اعرف سعر قربة المياه للـ m 11 لأن الغطا بتاعها بيفوت والمياه بتخر زى الحنفية منها
وغيرت الغطا وبرضو نفس الوضع والميكانيكى قاللى ان القربة نفسها هى اللى عاوزة تتغير
وشكرا
سعرها من 120 الى 150
سعرها فى التوكيل 130 جنية بس كويسة
ليه قربه الميه بتاعه ال m 11وال 620 دايما بيسربوا ويتغيروا وبعد فتره تانيه سنه مثلا بيسربوا تانى
سعرها فى الضمان رمضان اللى فات كان 175 والغطاء حوالى 25 يعنى كله 200
معرفش هل سعرها انخفض اليومين دول زى ما الاخوة الاعضاء بيقولو ولا ايه؟؟
عموما بقالها معايا سنة (كنت مغيرها ضمان) وانا حاسس انها الحمد لله افضل من اللى كانت جاية مع العربية
حمدا لله علي سلامتك خالد باشا
فينك مختفي ليك فتره كبيره جدا عن المنتدي
كل ما اخل علي البروفايل بتاعك لقيتك لم تدخل المنتدي من 7او8 شهور
لعل المانع خير
الله يسلمك يا هوجان ربنا يخليك
انا تمام الحمد لله وانت اخبارك ايه؟
والله مشاغل بس مبقاش فيه وقت الواحد يفتح نت ولا حاجة وكمان انت شايف ظروف البلد مخلية الواحد مقريف ومش طايق حاجة بس ربنا يسهل كل ما اعرف ادخل اكيد هدخل واعمل مشاركات
تحياتى لك ولكل الاعضاء المحترمين
الاربه بتتباع عند اي حد قطع غيار الصيني وتمنها 100ج
اما ليه بتبوظ بسرعه ....... وده فعلا لانها بتتصنع من اردأ انواع البلاستيك ومش عاملين حساب ان الاسبيرانزا من نوع العربيات اللي موتورها بيسخن جدا زي الدايوهات كده وهما مش عاملين حساب الحته دي لانها مكلفه جدا فى الصناعه وكعادة المصري اللي بيدور علي المكسب السريع بيصنع ارخص حاجه ويبيعلك قطعة الغيار رخيصه بالنسبة للانواع الاخري فتفرح بيها وتقول "وماله ماهي حاجتها رخيصه ومتوفره كمان"
نفسي حد يصنع قطع غيار الاسبيرانزا بضمير شويه حتي ولو غاليه
ده ازا صمدت سنه كامله ........... انا كل 3-6 شهور بغير واحده تخيل!!!!
هنا كفائة السيارات .... حتلاقيها فى جودة قطع الغيار والكفائة العامه
ربنا يوعدنا بحاجه اوروبي جميله
انا على وشك اغير واحده بتشاور عقلها فى شرخ بسيط جدا من الجنب ومن فوق انا مغيرها من 9 شهور
طيب هل فى حل للموضوع ده وهل ممكن يكون فى بديل فى السوق افضل من كده وياترى المفروض العمر الافتراضى كام هل كل السيارات كده ولا اسبرانزا بس
بص ياباشا احنا ممكن نجيب اربه مياه بتاعه اى عربيه تانيه ونعملها قاعده ونسبتها وبكده انسى بقى وعموما انا ان شاء الله هعمل الحل ده لو حصل حاجه عندى تانى لأن انا لسه مفيرها قريب واللى خلانى معملش الحل ده ان كنت مستعجل ومسافر
طالما لقيت شرخ , كده اكيد الميه قلت عندك وبتسرب طول مانت ماشي علشان بتسخن ومنسوب الميه بيزيد وبتخرج بره القربه
لازم تغيرها قريب.......لان الاسبيرانزا من السيارات اللي مواتيرها بتسخن بشده واحنا فى صيف حاد وفى ظروف صعبة يعني ممكن تحتاجها ضروري وتلاقي المحلات قافله حظر زفت تجوال او خلافه
الحل بقه انك تجيبلك 4-5 قرب وتخليهم فى البيت عنك ....... كل ما واحجه تضرب غير اللي بعده بنفسك مش محتاجه ميكانيكي لانها سهله
ولو حتقولي دي تكلفه غاليه ...... حقولك 5 قرب * 100 جنيه = 500ج يعني تقريبا تساوي قربة اي عربيه اوروبي او ياباني ...... بس هما بيغيروها كل 3-4 سنين مره
ودمتم فى امان الله
القربه و ما ادراك اللى عملته فيه القربه
امبارح السبت رحت مشوار و كانت الدنيا زحمة جدا و فجاه لقيت مفتاح الحراره اللى فى الطابلوه منور مع ان الحراره فى العداد مكنتش وصلت لل 90
طبعا ركنت على جنب بعد معاناه علشان الزحمه و فتحت الكبوت لقيت القربه فاضيه فضلت واقف شوية و اشتريت مياة معدنيه و بعد كده فتحت القربه و دورت العربيه و حطيت الميه لقيت ان فعلا فى تنقيط بس معرفتش احدد مكانه
المهم انى اشتريت كذا زجاجة مياة معدنيه و بقيت كل شوية انزل و ازود مياه و امشى لحد ما وصلت للبيت الحمد لله
طبعا النهارده الاحد فمعملتش اى حاجه و بكره ان شاء الله هشترى القربه و بالمره احط المياه الحمراء اللى اشترتها من وولف ربنا يسهل
بس الحمد لله ان العربية عندنا بتنور مع قلة الميه مش زي باقي العربيات تنور بعد خراب مالطة لما المتور يكاكي....
انا اول قربة باظط بعد سنة ...
التانية ركبت ظمان باظط بعد سنة
التالتة ركبت ضمان نغيرها من شهر ولا شهرين ....
كلهم بيبقا شكلهم حلو و محمل في الاول بس كله بيشرخ .......
اخر قربة اللي انا اشتريتها كان فيها مدخل مطبب و رحت عملتلها واحد عند الخراط ...
سمعت عن ناس ركبت بتاعة اللانوس ..بس المشكلة ان احنا عندنا فيشة في القربة ... اللي بتنور لما المية تقل ...لو ركبت اللانوس يبقي مفيش فيشة ....
انا فعلا بعد كل مشوار جامد بمعنى مشوار 6 سعات فى الحر الشديد لازم تانى يوم ازود مياه خضراء بس مش بتخرج خالص بره القربه هل ده طبيعى ان ازود مياه خضرا بعد المشوار الجامد ده فى الحر الشديد هل ده طبيعى لان الراجل بتاع الردياتير قال كل العربيات كده عشان الجو حر
انا اشتريت القربه من عند زكى جرجس فى شارع دمشق ب 140 جنيه و فيها الحساس بتاعها و فى عنده ب100 جنيه بس خامتها مش كويسه
هل ممكن نغير القربه بتاعه ال 620 ببتاعه الاوبل فيكترا انا سمعت انه ممكن هل فعلا ده صح ؟
ليس من الطبيعي تزويد مياه لاي عربيه الا كل فتره كبيره بعد الكشف عليها .... يعني مثلا كل سنه او سنتين مره لكن لو بتزود كل مشوار طويل كده اكيد فيه تسريب او الغطا بتاعها بيفوت
وكلام الميكانيكي ده غير علمي وغير عملي ...... لان كل السيارات الحديثه ومن ضمنها الاسبيرانزا ذات دورة مياه مغلقه لاتسرب ولايزود لها ماء ابدا الا كل فتره طويله
انا كان معايا زمان كيا برايد ..... قعدت معايا 7 سنين لم ازود لها ماء الا بعد حوالي 5 سنوات وكانت صيانه مش اكتر