استشاااااااارة بخصوص تجديد شامل للانوس

**mohamedwasel** · 17-07-2013 11:06 PM

السلام عليكم ورحمة الله وبركاته :-
انا معايا لانوس احمر كاملة مو 2002 بقالها حوالي سنة تقريبا العربية فابريقة الحمد لله بالكامل بس هيا فيها شوية خرابيش غالبيتها في الحزام و الجانب اليمين عندي في خبطة في البابين او ترييحة جامدة شوية و الكابوت في شوية نقر و تطبيقة صغير كدة .

انا كنت ناوي اني ابيعها واشوف مثلا نوبيرا او فيكترا b تكون حالتها كويسة طبعا و عارف اني هازود شوية فلوس

فالحمد لله قررت اني ارش العربية فمش عارف والله ارشها كلها بالكامل او اني اكتفي بالحزام انا قولت ياواد خليها شويه ارشها و اظبطها لنفسي انا كركوبة و خصوصا اني مابخرجش بيها مثلا غير مرة ولا مرتين في الاسبوع و هاحتاج اغير فانوس امامي و وية لمب للفوانيس و شوية تفنيشات كدة

فاية رايكوا ؟؟؟؟؟؟
ياررريت تشاركوني في الاختيار علما اني عامل ميزانية بحواااااالي 3500 ل 4000 جم و لو هاشدها كلها هاشدها شدة محترمة ياعني

**Ahmed Nasser** · 18-07-2013 04:21 AM

لو ناوى تبيع قريب رش الاجزاء اللى عايزة تترش بس
اما لو هتركب رشها رشه محترمة

**tarek_2005** · 18-07-2013 11:00 AM

لو هترش رش حزام فقط لو السقف والقوايم سليمه علشان يرفع سعر البيع لو فكرت تبيع بعد كده والميزانية الي انتا عاملها كتيرة اوي

**MMamdouh** · 18-07-2013 11:09 AM

رش حزام فقط

MMamdouh

**mohamedwasel** · 20-07-2013 03:24 AM

المشاركة الأصلية كتبت بواسطة mostafa mahmod

رش حزام بس لو عندك السقف و الكبوت سليم و لونه كويس
و عندك ورشه نايل موتورز فى الحرفيين كويسه جدا و هتطلعلك حاجه نضيفه

والله يا استاذ مصطفي هوا السقف الحمد لله كويس و الشنطة فيها حته حوالي 10سم *5 سم ضايعة خالص و الكبوت في شوية نقر و تطبيقة ياعني مش باينة اوي بس هوا الفرق بين رش العربية بالكامل ورش الحزام ممكن يفرق كتير

**mohamedwasel** · 20-07-2013 03:29 AM

المشاركة الأصلية كتبت بواسطة tarek_2005

لو هترش رش حزام فقط لو السقف والقوايم سليمه علشان يرفع سعر البيع لو فكرت تبيع بعد كده والميزانية الي انتا عاملها كتيرة اوي

هوا السقف و القوايم الحمد لله كويسين و الشنطة فيها حته حوالي 10سم *5 سم ضايعة خالص و الكبوت في شوية نقر و تطبيقة ياعني مش باينة اوي بس هوا الفرق بين رش العربية بالكامل ورش الحزام ممكن يفرق كتير؟
و بالنسبة للميزانية انا عامل حساب علي فردتين كاوتش و شوية اكسسوارات كدة ياعني