أيام و نكون ان شاء رب العالمين نكون فاتحين قولوا يارب
بفضل الله و معونته و كرمه
و جهود الشركاء اللى معايا اللى هاعرفكم عليهم فى موضوع تانى
خدنا مكان جديد
المكان فى شارع رئيسى فى شارع 105 فى المعادى
مكان كبير و تكاليف اكبر
بس الله المستعان
و تم التعاقد بالفعل على الأجهزه و خلال الأيام القليله القادمه تكون وصلت
و تم الأتفاق مع صنايعية محترمه
و ركزوا قوى فى كلمة محترمه دى
اعمارهم صغيره
بس متعلمين و ايديهم نضيفه و تتلف فى حرير
و الحمد لله العمل جارى على قدم و ساق ان احنا نفتح خلال الأسبوع القادم باذن الله
الأجهزه اللى جايبينها و الحمد لله الأحدث و الأعلى فى السوق
يعنى على سبيل المثال لا الحصر
جهاز التكييف من شركة تكسا الأيطالية موديل 710 و ده تالت جهاز من نوعه فى مصر يكون عندنا
و ده افضل بمراحل من الفئة السادسه القديمة عشان قاعدة بياناته مبنيه على اوتوداتا
و جهاز كشف الأعطال الأول ( ليه الأول برضوا عشان ان شاء الله فى تعاقد على جهاز تانى بس ده هياخد حوالى 6 شهور على ما يتم استلامه و ده هيبقى مفاجأة )
الجهاز الأول عام لجميع انواع السيارات
جهاز اسرع و افضل من الموديل القديم
و هو لانش اى فى
غير بقى معدات تانى كتير
و اجهزه
و هيبقى كمان فى الحسبان خدمات اكتر مما تتخيلوا منها الكاوتش و ان شاء الله ظبط الزوايا عشان يبقى مكان متكامل
و اكيد اسعار بما يرضى الله
مش هاقول اقل من السوق
بس الأفضل فى نوع الخدمه المقدمه
و حتى انواع الفريون هتبقى حسب رغبه العميل
عشان محدشى يقول غالى و رخيص
يعنى فيه مصرى و امريكى و انجليزى
و حتى نوع الزيوت بتاعت الفريون هتبقى انواع ان شاء الله
و ان شاء الله جارى التعاقد مع بعض شركات الزيوت و موردى قطع الغيار الأصلية ( فقط الأصلية ) فى الوقت الحالى
و هيبقى فى القريب ان شاء الله قسم للأكسسورات و قطع الغيار
عايز نفسكم معانا
ربنا يعلم ان احنا كلنا حطينا اخر قرش فى بيوتنا عشان نقدر نجيب الأفضل و نقدم الأحسن من غير ما نوفر او نستخصر اى حاجة عشانكم انتم بس
و هيتم الأتصال بكريم منير و ادارة المنتدى عشان يبقى موجود كمان صله وصل بينا و بين الأعضاء
و الله المستعان
