نفخ كوتشه الماء فى الاوبترا

السلام عليكم
عندى مشكله فى الاوبترا قمت بتغيير ماتور استراد وشغال تمام والحمد لله ولكن عندى كوتشه الماء بتبقى قويه يعنى تحس انها عاوزه تنفجر فقمت بتغيير الترموستات وتغيير حساس الماء ونفس المشكله المشكله ان المراوح بتتاخر على ما تشتغل ولما تيجى تشتغل تشتغل سبع ثوتنى وتفصل فمتلحقش تبرد العربيه ولما اشغل التكييف بيقل الانتفاخ جدا فرحت لكهربائى وميكانيكى محدش عرف يعملها فعملت سلك خارجى من البطاريه مباشر الى المروحه ولما ابطلها اشيل السلك فلاحظت فرق كبير واصبحت الكاوتشه عاديه فطبعا مش معقول كل شويه اشيل السلك واحطه فياريت اللى واجهته هذه المشكله يفيدنا جميعا واتاكدوا برده من كاوتشه الميه اللى عندكم هل هى تحسها لما تيجى تدوس عليها قويه ولا بتنداس للاخر على فكره عربيتى مانوال موديل 2009 ولكم جزيل الشكر ملحوظه من كتر ما حصل ضغط ضربت عندى العلبه اللى فوق بتاعه الراديتر فارجو المساعده

حرام والله العظيم شغل العك بتاع الصنيعيه ده اخر عك عربيه 2009 يحصل فيها كده افترى

بص ياريس اللى اعرفه هفيدك بيه ممكن يكون فى هواء فى الدوره اعمل غسيل للدوره بتاعت التبريد فى اى بنزين وحط مايه خضراء بالنسبة للحراره عندك المؤشر بيكون فين لما الانتفاخ بيحصل وغالبآ الانتفاخ ده هواء وان شاء الله باقى الشباب يفيدوك معانا

دى حاجة من اتنين ياما فية هواء فى دورة التبريد وده ياخر دوارة مراوح التبريد ولو سحبت الهواء 10/10 وحصل الضغط دة تانى يبقى جوان وش السلندر عندك بايظ والموتور هو اللى بينفخ هواء !!

غير غطا القربة

كان عندي نفس المشكلة وطلع الأفيز إللي ماسك الكاوتشة مكسور وبيسرب ميه خفيف ... وبعدين فعلا الكاوتشة ضربت والمية كلها وقعت في الأرض ... غيرتها بواحدة من التوكيل كن تمنها علي ما أعتقد 37 جنية ... ممكن العيب يكون في الكاوتشة ... أنا حبيت أنقل لك تجربة كانت عندي وممكن كلامي ما ينطبقش عليك ... ربنا يوفقك إن شاء الله!!!

شكرا يا جماعه على الرد بلنسبه للهوا انا كنت عامل دوره وطلع كل الهوا وبلنسبه للكاوتشه هى حالتها كويسه والامبير بتاع الحراره ما بيزيد على النص الطبيعى يعنى بس ممكن زى ما قال الاخ يكون بدايه جوان وانتظر رد باقى الاعضاءوشكرا للاستجابه