النهادة غيرت زيت للكاسترول إيدج للانسر بومة 2013 بدل التوتال إيه رأيكم

**manfromegy** · 18-07-2013 12:41 AM

السلام عليكم.النهارده روحت غيرت الزيت بتاع اللانسر بومة 2013 1600 جبت الزيت من محطة طاقه اللي قبل المنصورة و جبت كاسترول إيدج و روحت البرقان اللي في المنصورة و غيرت الفلتر و عملت صيانه ال 10 تلاف و بصراحة روحت علي الفطار تعبان و وديت العربيه الجراج.عاوز منكم رأيكم للي جرب الكاسترول إيدج و هل دا ممكن في دايموند يستعبطوا لو لا قدر الله حصل حاجة و يقولولي مالناش دعوة الموتور خرج من الضمان و شاكر فضل اللي هايرد بس ياريت اللي يقول رأيه يكون جرب الزيت و شكرا

**Medicalist** · 18-07-2013 01:00 AM

ده 10 الاف يا باشا وصناعته ايه و بكام ؟
ومبروك على الصيانه ربنا يباركلك

**manfromegy** · 18-07-2013 02:03 AM

المشاركة الأصلية كتبت بواسطة medicalist

ده 10 الاف يا باشا وصناعته ايه و بكام ؟
ومبروك على الصيانه ربنا يباركلك

المفروض إنه 10 ألاف و سعره 300 و من أي بنزينه طاقه و تعبئة الأمارات بو أعتقد إنه صناعه هولندي س لسه مسني رأي الأعضاء في الزيت و يهمني رأي الناس اللي جربته

**YahiaAshraf** · 18-07-2013 02:12 AM

زيت ممتاز والدى لسه مستعمله فى فولكس سوران 2009

**Samooh_2003** · 18-07-2013 06:28 PM

مبروك بس معلومة صغيرة اداء كاسترول ايدج في الشتاء ممتاز بس بلاش في الصيف لو عاوز كاسترول في الصيف استعمل ادج سبورت لزوجة احسن في الصيف والشتاء الايدج العادي وتقبل المرور

**manfromegy** · 19-07-2013 12:10 AM

المشاركة الأصلية كتبت بواسطة samooh_2003

مبروك بس معلومة صغيرة اداء كاسترول ايدج في الشتاء ممتاز بس بلاش في الصيف لو عاوز كاسترول في الصيف استعمل ادج سبورت لزوجة احسن في الصيف والشتاء الايدج العادي وتقبل المرور

شكر للمرور اللي حصل بقي لاني اتصلت بخدمة العملاء في كاسترول و قالولي إن الأسبورت تقيل للانسر عموما هاجرب و أتابعه و ربنا يسهل

**Samooh_2003** · 19-07-2013 01:34 AM

ولا يهمك هانت كلها شهرين والجو يضبط ويبقى ميه ميه انشالله بس اهم حاجة تابعو لانه المفروض لكلام موقع كاسترول بيمشي 15000 بس مش هايجيب معاك في الصيف من 6000 الي 8000 على حسب سواقتك كمان وهايعجبك انشالله (y)

**hossamsmsm** · 19-07-2013 07:29 AM

يعنى حلو الزيت ده ولا ايه ؟؟
علشان انا دلوقتى حاطط ليكوى مولى 10000 وبصراحه فوق الممتاز بس التوكيل بتاعه عندنا فى طنطا قفل ومش عارف هعمل ايه لما يجى وقت التغيير ؟

**khmshry** · 19-07-2013 11:48 AM

مبروك ياباشا ده زيت انجليزي متعبي في الامارات وانا مجربه في النيسان والفيرنا واالنيوأكسنت وعن تجربه زيوت فالفولين وشل وكاسترول وتوتال هو افضلهم علي الاطﻵق