عرض للطباعة
انا نزلت امبارح لفيت على اغلب المعارض الكبيرة الى فى القاهرة
لقيت ان اوتو سمير ريان ارخص واحد بيبع اللانوس والافيو حسب ما لفيت
وفقررت اجيب من عندة
انا لقيت اللانوس ب 67 والافيو ب 74 كاش
فكنت عايز اعرف هو احوالة اية
يعنى عايز اعرف سمعتة فى السوق من الاخر
علشان انا ناوى بعد بكرة اروح اشتريها من عندة
انا ليا تجربه قديمه معاه من سنتين ملخصها انى لما رحت بالفلوس الكلام اتغير و السعر اختلف فسبته و مشيت . طبعا السعر اختلف بالزياده
الاسعار الي بيقولها غير الي بيبع بيها
انا كنت هشتري من عنده فيرنا ومظبط كل حاجة بعد كده لقيته بيقول العربية غليت وحورات تعبانة فسبته يعني
أسعار الاعلانات "كلام جرايد" زى ما هم بنفسهم قالولى رغم إنى اشتريت من عندهم
معلومات القائمين على العرض مضللة وجاهلة (كأغلب المعارض)
ميزته فى كم المعروض ماشاء الله كثير وممكن تاخد أقل من السوق فعلا بس مش أكتر من 500 جنيه فرق
هو انا الاسعار دى عرفتها لما رحت المعرض وقابلت واحد من الى شغلين هناك
ورحت الطارق فى احمد فخرى مدينة نصر لقيت الفرق بينة وبين سمير 500 جنية بس
طيب معلش
انا عايز اعرف احسن معرض اجيب منة ونفس الوقت ما يكنش مغلى فى السعر
مافيش (أحسن)
فيه أحسن الوحشين - على حد علمى
وفى أى معرض طالما المواصفات اللى طالبها موجودة والسعر زى أو أقل من غيره وورق العربية جاهز وسليم يبقى توكل على بركة الله
بس قبل ما تروح لازم تكون دارس إختياراتك كويس قوى وسائل ولافف كويس
شكرا على سرعة ردك يا دكتور احمد
طيب معرض الطارق اية رايكم فية ؟
معرض الطارق لم أجربه ولم أزره
بص انا كنت شاري من عندهم ماروتي وكانت بصراحة معاملتهم معايا محترمة جدا انما الاسعار متهيالي زي سعر السوق