تجربتي مع اول الف كيلو اكسنت 2014 اوتوماتيك
بسم الله الرحمن الرحيم
الحمد لله تميت الالف كيلو وزيادة شوية مع محبوبتي وجميلتي الاكسنت :ma(36):........ التقييم هيكون درجات من 10 يساعد اي حد ان شاء الله على الشراء لو شايف انه عاوز يشتريها ومحتار او شاكك في اي حاجة وعقبال ما اكمل المليون يارب :_Alshmokh22[1]:
الموديل : اكسنت 2014
اللون : اسود
الجير : اوتوماتيك
الموتور : 1400
التوكيل : الوعلان في الرياض
1 - البنزين : بفولها ببنزين 91 التفويلة بتعمل 350 كيلو تقريبا داخل المدينة انا حسبتها ازاي :U_thin1[1]: انا فولت 3 مرات لحد ماوصلت ل 1050 كيلو يبقى كده التفويلة 350 كيلو انا معرفش التنك بتاعها بياخد كام لتر ولا لما اللمبة الصفرا بتاعت البنزيين بتنور يبقى كده معناها اللي متفضلي كام لتر المهم تقييمي للبنزين 10 / 10
2 - الثبات : لحد 120 ممتاز وده اللي انا وصلتله بيها بس انا بتكلم على الفئة ده اقصد اني انا بمقارنهاش بفئة اعلى ....... يعني الثبات للفئة ده من السيارات وكمان لما بكون السرعة اعلى من 80 بحس ان لو عربية كبيرة مشيت جنبي بسرعة اعلى بحس ان الهوا بيحركني شوية وتقييمي 8 /10
3 - اللون الخارجي : ممتاز وثابت جدا ومفيهوش الهوا 10/10
4 - الصالون الداخلي : شكله شيك جدا والكاسيت اضائته زرقا وواسع من جوة 10/10
5 - الشنطة : ممتازة وواسعة بس بتحس انها في الوسط ضعيفة شوية الجزء اللي فوق الكاوتش قصدي على ارضية الشنطة 10/8
6 - الفرامل : انا حاسس انها مش جامدة اوي مش عارف يمكن انا علشان كنت راكب مانيوال قبل كده ولا انا لسه ماخدتش على التعامل مع الفرامل بس فيه ناس ركبتها وبتقول عليها ممتازة انا بقول احساسي بالعربية 7 / 10
7- العلو عن الارض : ممتاز جدا جدا جدا ...... مش عارف لو نزلت في شوارع المحروسة هحس انها كده ولا لأ بس بالنسبة لطرق الرياض ممتازة 10 / 10
8 - العزل : 7 / 10
9 - التكييف : 9 / 10 بحس اني انا متلج على سرعة 2
مجمل تقييمي عربية رائعة بمعنى الكلمة :B4_048: وموفرة جدا وتحس بمتعة :36_2_33:وانت راكبها ومش عاوز تنزل منها خالص وعقبال تقرير المليون كيلو ان شاء الله :coming-soon[1]: ........ الصيانة هنا عند 5000 ان شاء الله وربنا يحفظهالي يارب