ما هي افضل طريقة لادخال سيارة من الامارات لمصر

سلام الله عليكم
انا لجأت لكم لاني فعلا تعبت وجبت اخري وقربت اتجنن , انا كنت في الامارات واشتريت سيارة سوزوكي sx4 موديل 2008 2000 سي سي ,انا اول مالك ليها كنت باقسطها من البنك وخلصت اقساطها , ملحقتش اتهني بيها وتم انهاء خدمات كل المصريين في الشركة اللي كنا شغالين فيها , المهم رجعت مصر وسبت العربية هناك مع واحد قريبي, ولما حبيت اني اجيبها هنا قالوا لي اني العربية هتكون جماركها عاليه جدا لانها 2000 سي سي , وانا ميزانيتي ما تسمحش باي قرش للجمارك , لان كل اللي حوشته دخلت بيه في مشروع مع اخويا , المهم بعد بحث دام شهور , ناس قالت لي هات العربية متقطعة علي انها خردة وناس قالت بيعها هناك ولو بعتها هناك هاخسر فيها كتير لان المستعمل هناك رخيص , محتاج نصيحتكم يا اصحاب الخبرة ازاي اجيب عربيتي بدون ما اجمركها, مش عارف اعمل أفيدووووووووووني رحمكم الله

موضوع انها 2000 سى سى
مصعب الموضوع قوى لو هى 1600 سى سى
كنت قولتلك دخلها عاى ورق سيارات معاقين

السلام عليكم ورحمة الله وبركاتة
أخى الفاضل عوضك الله خير منها
اول شى نت مالك اول والعربية ممكن تدخلها مصر عربية كاملة لا قصة قطع الغيار صعبة لانك معندكش سجل تجارى ولا بطاقة استيرادية بس انت بما انك المالك الاول والعربية 2008 بتكون تقريبا الجمارك عليها قليلة انت ممكن تتصل بالجمارك فى القاهرة ممكن تعرف قيمة العربية والجمارك

اقتباس:

---

المشاركة الأصلية كتبت بواسطة محمد بازيد

السلام عليكم ورحمة الله وبركاتة
أخى الفاضل عوضك الله خير منها
اول شى نت مالك اول والعربية ممكن تدخلها مصر عربية كاملة لا قصة قطع الغيار صعبة لانك معندكش سجل تجارى ولا بطاقة استيرادية بس انت بما انك المالك الاول والعربية 2008 بتكون تقريبا الجمارك عليها قليلة انت ممكن تتصل بالجمارك فى القاهرة ممكن تعرف قيمة العربية والجمارك

---

والله سالت في جمارك سفاجا وقالوا لي جمارك السيارة ال 2000 سي سي بتكون 165% وحتي لو خفضوا لي سنين الاستخدام جماركها هتتعدي ال 140000 جنيه ,

اقتباس:

---

المشاركة الأصلية كتبت بواسطة أبو يوسف

موضوع انها 2000 سى سى
مصعب الموضوع قوى لو هى 1600 سى سى
كنت قولتلك دخلها عاى ورق سيارات معاقين

---

موضوع المعاقين بعيد عني جدا

طيب ما تمشيها تربتك

اقتباس:

---

المشاركة الأصلية كتبت بواسطة karim ibiza

طيب ما تمشيها تربتك

---

ما ينفعش لاني نزلت نهائي واقامتي اتلغت , واذا حبيت انزلها باسم حد تاني لازم يطلع بيها في خلال 6 شهور

استاذ كريم ربنا يكون في عونك هو اعتقد اسهل حل ان العربيه تتباع لانه مش هتلاقي طريقه تدخل بيها مصر بدون جمارك الا متقطعه وده لازم بتاجر يكون معاه بطاقه استيراديه وسجل تجاري

بس انا عايز اسال حضرتك امت الموضوع ده حصل لاني بفكر اسافر لابويا هناك زياره وادور على شغل ف هل اليومين دول الموضوع بقى سهل بعد ما الريس اتعزل ولا لسه برضو الموضوع فيه مشاكل في الاقامه وكده

يا اخي الموضوع صعب جدا علشان 2000 سي سي بعها هناك احسن وربنا يعوض عليك يارب .... خليه يصورهالك كام صورة نضيفة وبعها على الموقع ده وان شاء الله تجيبلك مبلغ كويس

expatriates.com

أنت زنقت نفسك انك اشتريت عربية زيرو 2000 سى سى
لو كانت مستعملة كنت هتبيعها بأى تمن والخسارة مش هتكون كبيرة
لو زيرو بس 1600 سى سى أو أقل جماركها هتكون معقولة
ربنا معاك

اقتباس:

---

المشاركة الأصلية كتبت بواسطة حماده المصري

استاذ كريم ربنا يكون في عونك هو اعتقد اسهل حل ان العربيه تتباع لانه مش هتلاقي طريقه تدخل بيها مصر بدون جمارك الا متقطعه وده لازم بتاجر يكون معاه بطاقه استيراديه وسجل تجاري

بس انا عايز اسال حضرتك امت الموضوع ده حصل لاني بفكر اسافر لابويا هناك زياره وادور على شغل ف هل اليومين دول الموضوع بقى سهل بعد ما الريس اتعزل ولا لسه برضو الموضوع فيه مشاكل في الاقامه وكده

---

الموضوع حصل من 5شهور , بس اعتقد الامور احسن من الاول لانهم كانوا مقفلين الاقامات علي المصريين عشان مرسي والاخوان والان لازم يفتحوها شوية عشان يحببوا الناس في نظام الحكم الجديد , انا من اول يوم رجعت فيه قدمت علي مواقع توظيف قطرية وربنا كرمني بشغلانة هناك.

اقتباس:

---

المشاركة الأصلية كتبت بواسطة #maam#

يا اخي الموضوع صعب جدا علشان 2000 سي سي بعها هناك احسن وربنا يعوض عليك يارب .... خليه يصورهالك كام صورة نضيفة وبعها على الموقع ده وان شاء الله تجيبلك مبلغ كويس

expatriates.com

---

عملت اعلان علي دوبيزل الامارات وفيه واحد هندي اتصل يشتريها بس المستعمل هناك سعره ميت ,
انا سمعت ناس بتقول ممكن اجيبها علي اسم واحد في السودان وبعدين ادخل بيها مصر عادي لان الجمارك بين مصر والسودان مرفوعة او قليلة صحيح الكلام ده ولا لا