عاوز رأيكم فى بورا موديل 2001 و2002 مميزات وعيوب....؟؟

**goofy301** · 30-08-2008 08:45 PM

ارجو من الخبراء الافادة عن مميزات البورا من حيث قوة الموتور والعفشة وهلى هى فعلاً زى مابيقولوا تقيلة زى البطة (خصوصا مع تشغيل التكييف )..واكشف عليها فين؟

**iBiZa** · 31-08-2008 11:06 AM

البورا من العربيات المتوسطة فى الVW و هيا اساسا Golf بس زودوا عليها شنطة.

اغلبها نزل اوتوماتيك و قليل منها نزل مانيوال.

قطع غيارها موجودة فى كل حتة جديد و استيراد, من الاخر مفيش مسمار مش هتلاقية.

العفشة مش انعم حاجة بس هيا الوسط بين الناعم و الهارد فا هتلاقيها ظريفة و عمرها طويل خصوصا لو بتجيب قطع الغيار الالمانى.

الالمانى فية ميزة عن باقى العربيات فى موضوع التكييف انك مش بتحس ان لية اى اثر على الموتور عشان كدة تلاحظ دايما اصحاب الالمانى دايما مشغلين التكييف حتى لو الجو مش حر اوى.

العربية تمشى عربية شاب عشان فيها خطوط سبور و تمشى عربية عيلة عشان الشنطة.

تكشف عليها عند محمد سمير و انا حاطط عنوانة فى مراكز الصيانة.

انا إن شاء الله ناوى على واحدة بس لما ربنا يسهل فى الفلوس شوية.

**goofy301** · 04-09-2008 01:33 AM

بس بعد اذنك كنت عايز اعرف بعض الناس بتقول ان موديل 2000 يختلف عن موديلات 2001 و 2002 من حيث الموتور ؟ هل هذا صحيح وايها احسن ؟

**iBiZa** · 04-09-2008 09:48 AM

موتور واحد

**polo61** · 15-09-2008 12:43 AM

كل سنة وانتم طيبين
ياريت ياجماعة معلومات عن البورا 2000 سى سى موديل 2002 مواصفات خليجى فول اوبشن
واكون شاكرة ليكم جدا

**iBiZa** · 15-09-2008 10:25 AM

هى نفس شكل ال2000 و ال2001
نفس قطع الغيار و اغلب حاجة العفشة واحدة فا موجودة استيراد و جديد
حاجة الموتور موجودة جديد و استيراد
لو العربية نضيفة اوى و فبريكة بالكامل متقلش عن 110 او 120 الف