انا سالت علي مقاس 195_50_15 و سعر الفرده 490 جنيهاقتباس:
المشاركة الأصلية كتبت بواسطة Akram
عرض للطباعة
انا سالت علي مقاس 195_50_15 و سعر الفرده 490 جنيهاقتباس:
المشاركة الأصلية كتبت بواسطة Akram
أنا أؤيد كلام عبدالله , الفردة ديه يا باشا تشتريها و أنت مغمض حلال فيها الفلوس و الغالى تمنه فيه و مش هتندم , العجل بالذات لازم يكون حاجة ماركة مشهورة و ليها تاريخ , انا عن نفسى لما احتاج عجل جديد هجيب نفس اللى كان راكب يريدجستون تورانزا حتى لو ب 500 جنيه. شوف الويبسايت ده يا هانى برده علشان تاخد فكره وربنا يوفقك:
http://www.egytyres.com
والله يا هاني انت بتثير موضوع مهم جدا ، بص اولا الكاوتش يستاهل فرق السعر ده عن الكاوتش العادي هو لاشك ان السعر غالي بس ده لان كل حاجة بقت غالية انت فاهم قصدى لاكن هو الكاوتش يستاهل فعلا
ثانيا انا مع عبدالله في وجود فرق بين الاندونيسي والياباني بل ووجود فرق بين شركة يابانية غير معروفة او ليس لها خبرة واخرى يابانية معروفة لان الخبرة ليها تمن اكيد
اخيرا بقي موضوع الياباني والاندونيسي فده راجع ليك انت بس الاندونيسي ممكن يكون حلو ونقشته جميلة ومريح بس عمرة استحالة يكون زي الياباني وان كان اوفر من اليابابني ممكن بنسبة 30- 40 % فبشكل تاني انت في الاندونيسي هتوفر فلوس وفي الياباني اشتريت عمر اطول وراحة بال وبراند طبعا
(مثال)
انا مثلا كان عندى مقاس 165/65/13 مقاس توك توك يعني وده كان قارفني اخر قرف لان الكاوتش كمان كان صناعة ايراني وكان متخزن لحد ما عفن المهم عيوب الكاوتش ده كانت كالتالي
مع التسارع القوي الكاوتش كان بيفرك ( يلف حوالين نفسة لانة مش ماسك في الارض كويس)
مع اقل الفرملة علي اقل حبة تراب بييزحف ولا كانة في جليد الاسكا
وطبعا النشوفيه المطلقة
لو كنت هجيب نفس المقاس كنت هاجيب براند ( وانا انصحك تعمل كده ) بس مشكلتي اني كنت عايز العب في المقاس
فجيبت 185/55/14
يعني كبرت الجنط وصغرت الكاوتش وعرضتة بس طبعا المقاس الخزعبلي ده مش موجود ونادر جدا فجبت ماركة اسمها (accelera) هي الشركة في فرنسا بس بتتصنع فين مش متاكد
المهم انا قولت مفيش مانع اني اغامر بالاربع فرد دول لاني بردوا لسه بجرب مزايا وعيوب المقاس المفتكس ده ولو تعبني هجيب مقاس تاني
شكرا على المعلومة
185/60 يا وائل كان هيبقى ممتاز معاك ولو انى شايف ان 185 كتير على البرايد, الكاوتش الى على 55 قليل اوى وغالى عن الكاوتش الى على 60, يا ترى انت عملت ايه فى العربية ؟؟
عبدالله انت كلامك صح وانا فعلا متخوف جدا من التغيير بس اللي انا اخترت مقال 55 عشان اعوض الفرق تكبير الجنط من 13 ل 14 وبصراحة التغيير كان يستاهل من الناحية الشكلية لان سمك الجنط الصغير 55 خلي شكل الجنوط ال 14 كائنها 15 وده بدون تغيير كبير في المحيط الاجمالي للعجلة كمان خلي العربية اثبت علي الارض خاصة مع تعريض الجنط الاسبور
المشكلة كانت في كون المقاس الرفيع ده هيعمل نشوفيه علي العفشة بس انا محستش بكده لان الجنط القديم اصلا كان ناشف بالاضافة لان العفشة طرية اصلا مش ناشفة وانت جربتها
المقاس 185 هو اللي كان مغامرة حقيقية لانة مقاس عربيات تقيلة وعزمها عالي بس انا لقيت فيه حل لمشكلة ان العجل كان بيفرك مع التسارع (بيلف حوالين نفسة ) فلما الجنط زاد العربية بقت مكلبشة في الارض اكتر سواء في التسارع او مع الفرملة خاصة مع الرمل والارض المبتلة نوعا لسه مجربتش زحاليق الشتاء !!
الحاجة التانية ان التصميم الاصلي واللي اتعمل عشانة مقاس الفابريكا 165/65/13 كان 1100 سي سي والسابا 1300 حقن وده والوزن هو هو فده خلاني احس ان فيه وفر فى العزم يمكن استغلالة في صالح زيادة الثبات كمان تغيير النقشة باخرى رياضية وتغيير الجنوط العادية بالاسبور ( الاخف ) هيساعد علي تحقيق اقصي استفادة من عزم الدفع وادينا بنجرب :mrgreen:
http://www3.0zz0.com/thumbs/2007/09/27/19/53240096.jpg
Is this the price of the tire in the photo ?اقتباس:
195_50_15 سعر الفرده 490 جنيه و الصناعه ياباني و شكل الكاوتش يخوف والنقشه عجيبه لكن جميل قوي
Is it Adrenalin RE-A01 ??
What is the speed and load rating for it ?
Thanks
Eng.Sherif Shaker
[quote="SAbuhashem"]بالفعل السعر للكاوتش اللي في الصورهاقتباس:
Is this the price of the tire in the photo ?
Is it Adrenalin RE-A01 ??
What is the speed and load rating for it ?
Thanks
Eng.Sherif Shaker
و هوه فعلا بوتنزا RE001
بالنسبه لمعامل التحميل و السرعه للمقاس اللي انا اخترته W 82
كل المقاسات W اما معامل التحميل فيتراوح من 82 و حتي 100 لبعض المقاسات
اللينكات دي فيها معلومات اكتر عن الاطار
www.potenza-adrenalin.com
www.bridgestone-mea.com
صحيح با جماعة .... هوا الكاوتش بيبقى مكتوب عليه تاريخ الانتاج؟ ولحد امتى يبقى جديد ؟ (اقصد اقول هل له عمر افتراضى وهو عند المحل
وشكرا)
اقتباس:
المشاركة الأصلية كتبت بواسطة amrrashed
عمر انا بحييك علي السؤال ده
الكاوتش بيكون مكتوب عليه التاريخ بالاسبوع و السنه يعني 2207 و ده معناه الاسبوع 22 و سنه 2007 و المفروض ان صلاحيته 5 سنوات من تاريخ الانتاج بشرط التخزين السليم و التخزين السليم ده مشكله جامده قوي لان ما فيش حد بيلتزم بالقواعد السليمه للتخزين اللي هي
عدد الفرد لا يزيد عن 10 في كل عمود تخزيني
نفس النقشه و المقاس في كل عمود تخزيني
تبديل موقع الاطارات في كل عمود تخزيني كل اسبوع بالتبادل اللي فوق ييجي تحت و اللي تحت يطلع فوق
عدم وجود مواد كحوليه في مكان التخزين
طبعا الكلام ده مش بيحصل لكن انا شفته بعيني عند بريدجستون