حجزت أكسنت rb 2013 و شوية استفسارات مهمة...

**x_gomgom** · 19-07-2013 03:02 AM

اولاً رمضان كريم و كل عام وأنتم بخير.....
انا الحمد لله حجزت اكسنت 2013 RB الوكيل اللي فيها ABS+Air Bag و الصراحة لحد الأن مش عارف بالظبط ايه مواصفتها لان كل مرة اسأل اسمع كلام مختلف....
انا على حسب ما عرفت ان الفتيس 6 سرعات هل دا صحيح ولا اربع نقلات؟ المواصفات على النت شوية 4 و شوية 6 ومش عارف يالظبط.... ثانياً هل العربية فبها اموبلايزر ولا لا؟ انا شفت لمبة حمراء بتعمل فلاش في الكاسيت هل دا له علاقه ولا مجرد اشتغاله؟؟ ثالثاً وده الاهم انا على حسب ما شفت الموتور كان سير الكاتينة جنزير بس لما دخلت و بحثت لقيت حاجات غريبة لقيت في حد بيتكلم عن طقم كتينة و بلي !!!
يا ريت حد يفيدني لان المندوب اللي في المعرض من الواضح انه مش عارف مواصفات السيارة الحقيقية و هيتوهني معاه.....
اخوكم كان معاه BYD و قبليها بولونيز و حاسس اني تايه يا ريت حد من الوحوش يفيدني بدل التوهان اللي انا فيه دا....
و شكراً .... رمضان كريم

**M I D O** · 19-07-2013 03:26 AM

الاكسنت فتيس 6 سرعات ومحرك قوي 124 حصان ومفيهاش ايموبلايزر دة الي اعرفة عن الاكسنت ار بي بس كرأي لية مفكرتش بالسعر بتاعها تجيب عربية تانية زي كيا ريو فيها مواصفات امان اكتر بمراحل و اوبشن اعلي او حاجة ياباني زي لانسر بومة

**x_gomgom** · 19-07-2013 03:41 AM

اخر كلام يا جماعة 4 ولا سته للموديل 2013؟؟ امال 6 دي بناء على ايه؟؟ و يا ريت حد يقول اللمبة اللي في الكاسيت الي بتعمل فلاش احمر دي ايه هي تحت الجانب الايمن من شاشة الكاسيت....
يا ريت يا استاذ toty_305 تقولي موضوع سير الكاتينة ده جنزير ولا كاوتش....
شكراً

**Mohab555** · 19-07-2013 04:03 AM

الاكسنت فتيس 4 سرعات زى فتيس الكيا ريو .... و العربيه مفيهاش ايموبلايزر ... وسير الكاتينه جنزير
واى استفسار تانى تحت امرك ... بس ليه مفكرتش فى حاجة تانيه تكون فيها وسائل امان اكتر ..

**x_gomgom** · 19-07-2013 04:08 AM

يعني كدا المندوب اللي كان بيبيع لي العربية مش فاهم حاجه و انا اتخدعت ولا هل في فعليا فتيس 6 سرعات؟ انا بصراهت مش فاهم ايه الدوخة دي

**x_gomgom** · 19-07-2013 04:13 AM

طيب سؤال غبي هو ايه اللمبه اللي في الكاسيت دي؟ و ايه وظيفتها؟
انا عارف اني متقل عليكم جيعاً جزاكم الله كل خير

**x_gomgom** · 19-07-2013 05:11 AM

وانا بدور على النت لقيت في منها 6 سرعات اتوماتيك؟ طيب الفرق في ايه تحديداً؟ وتتعرف ازاي انها 4 ولا 6؟

**hamaka** · 19-07-2013 05:21 AM

الفتيس 4 سرعات و مفيش اموبيلايزر ، عموماً هى عربية حلوة و صيانتها سهلة ، بس يعيبها قلة عوامل الأمان و عدم وجود اموبيلايزر ، عموماً الكيا ريو أحسن فى رأيي لو عايز كورى ، و الافضل بيجو 301 لو عايز أوروبى و على فكرة قطع غيارها فى التوكيل أرخص من الأر بى لو من التوكيل برضه ، و شوف الأسعار بتاعة قطع الغيار فى التوكيلين و قارن و انت تعرف.....