عربيتي لانسر بوما 2010 وعندي مشكلة في الجنوط

للاسف من موديل 2010 الي الان العربية اختلفت كلياً للاسواء للاسف المساعدين بتاعت 1300 مع العلم عربيتي 1600 اتوماتيك العفشة 1300 الكبالن 1300 حتي الجنوط للاسف ماسبهاش بردك غير لما عدل فيها ودي المشكلة اللي حالياً قابلتني ومش عارف اعمل اية للاسف الجنط 15 وابعادة ابعاد الجنط 14 شفتو الكارثة انا بتكلم عن الجنوط الاستوك والاسبور الاصلي اللي بتنزل في العربية يعني عندي جنط حالياً باظ لفيت الكرة الارضية علشان الاقي جنط استوك مقاس 15 ابعاد 14 للاسف مش لاقي ولا في الحرفيين ولا في اي حتة ومش عارف اعمل اية وللاسف حتي لو حبيت اغير الجنوط لأسبور بردك مش هاالاقي المقاس الغريب دة .. لو حد يعرف حل للمشكلة دي ياريت يدلني او لو يعرف حد عندة المقاس دة بردك ياريت يدلني ويبقي كتر الف خيرة .. وادي كوارث موزع ميتسوبيشي علشان يكسب يدمر في مواصفات العربية وكلة علي افا الغلابة اللي بتشتري العربية علي انها هي هي نفس المواصفات الموديلات السابقة تفاجأ بالكارثة

اللى فهمته من كلامك ان مقاس الجنط عندك 4*100 مش زى المعتاد فى ال1600 4*114 بس انت لو عابز تجيب جنوط اسبور بالمقاس بتاعك ده سهل مش صعب موجود عادى

هو مين اللي مغير المساعدين وحاطت ال 1300 ؟؟ ده كدة مغير عفشة كاملة بقى على حسب كلامك

ولا اى مشكلة سعادتك تنزل الحرفين وتدور على جنط الاسبور اللى بينزل فى موديلات 2012 و 2013 وهتلاقيه انا لقيتة وكنت هجيبة لعربيتى 1300بس بصراحة الراجل كان عاوز 1000 جنية فى الجنط الواحد ثانيا لو كنت اشتريتة كنت هخسر طقم كاوتش جديد كنت لسة شارية وثالثا الجنط ال 15 كان هيبقى تقيل على عربيتى ال 1300 فعلشان كدا انا جيت طم اسبور تيوانى وركبته وممكن انت تعمل زيى وتشترى طقم اسبور يليق على عربيتك او تنزل زى ما قولتلك وتجيب الجنط الجديد يركب عندك لانه بالفعل ركب عندى بس انا مشتريتهوش