العزل .... اضاءة الفوانيس .... اضاءة العدادات ... التكييف

**mohamed2341976** · 19-07-2013 03:22 PM

الى منسقى قسم نيسان والى الشباب الخبرة فى العربية دى
عندى عربية نيسان صنى 2011 وعندى 3 مشاكل اساسية:
1. العزل بتاع العربية قليل جدا وعاوز احسنه؟ ايه الطريقة وتتكلف كام؟ وينفع ولا مينفعش
2. اضاءة الفوانيس ضعيفة على طريق السفر فياريت لو حد يعرف مكان بيبيع زينون كويس يكون 55 وات ويكون سريع
3. اضاءة العدادات ضعيفة وقالولى ان احسن حل انى اجيب ورق عدادات ومش لاقى ببصنى ورق العدادات بتاعه فلو اى حد ممكن يساعدنى فى المكان اللى اقدر اشتريه منه او اى حل تانى
4. التكييف بيفصل لوحده وكل لما بروح نيسان السبع زهراء المعادى يقولوا حلوا المشكلة والمشكلة بتتكرر معايا على طول وخاصة على طريق السفر

بفكر ابيعها والله مع انى كنت مقتنع بيها جدا قبل ما اشتريها لأنى راجل عملى
ياريت المساعدة فى تقديم حلول للمشاكل دى لأنى متأكد ان معظم ان لم يكن كل ملاك الصنى عندهم نفس المشاكل دى

**kisho55555** · 19-07-2013 03:57 PM

المشاركة الأصلية كتبت بواسطة mohamed2341976

الى منسقى قسم نيسان والى الشباب الخبرة فى العربية دى
عندى عربية نيسان صنى 2011 وعندى 3 مشاكل اساسية:
1. العزل بتاع العربية قليل جدا وعاوز احسنه؟ ايه الطريقة وتتكلف كام؟ وينفع ولا مينفعش
النيسان المصرى مشكلته كدا فعلا ... هتلاقى كذا موضوع عن العزل فى اللانوس والسيراتو ممكن تعمل زيو ...

2. اضاءة الفوانيس ضعيفة على طريق السفر فياريت لو حد يعرف مكان بيبيع زينون كويس يكون 55 وات ويكون سريع
- من الاخر كدا ... زينون من غير عدسات ...يبقى ملوش لزمة .... وهتعمى اللى قدامك وخلاص ... يبقى تجيب لمبات نايت فيشن فيليبس وتركبها من غيركتاوت .. او تجيب لمبات 260/200 هالوجين .. وتركبها

3. اضاءة العدادات ضعيفة وقالولى ان احسن حل انى اجيب ورق عدادات ومش لاقى ببصنى ورق العدادات بتاعه فلو اى حد ممكن يساعدنى فى المكان اللى اقدر اشتريه منه او اى حل تانى
- انا شفت الاضءه بتاعتها كانت كويسة ... على العموم الميسان ملهاش ورق عداد ... يبقى الحل انك تغير لون العدادات عن طريق تغيير اللمبات اللى جواه ...

4. التكييف بيفصل لوحده وكل لما بروح نيسان السبع زهراء المعادى يقولوا حلوا المشكلة والمشكلة بتتكرر معايا على طول وخاصة على طريق السفر
التكييف بيفصل ... دى ميزة مش عيب وموجود فى كل النبسان ولاحظتها مع ناس كتيرمن زمايلى ... وده عشان توفيير استخلاك البنزين ... ده مش عيب ... لو انت عايز تخليه شغال على طول .. روح لاى كهربائى وخليه يفصل لك الترموستات ..

بفكر ابيعها والله مع انى كنت مقتنع بيها جدا قبل ما اشتريها لأنى راجل عملى
- قبل ما تبيع ... فكر هتركب ايه مكانها .... وبنفس الفئة السعرية ..

ياريت المساعدة فى تقديم حلول للمشاكل دى لأنى متأكد ان معظم ان لم يكن كل ملاك الصنى عندهم نفس المشاكل دى
- ان شاء الله هيفيدوك ..

**asyl84** · 20-07-2013 04:12 PM

هو حضرتك بس مافهمتش يقصد اية من ان التكييف بيفصل..انا فهمت لان عندى نفس المشكلة ...التكيف هنا مقصود بية بيتوقف عن العمل نهائى ودة مالوش علاقة بالترموستات يعنى لو بسطناها وقلنا التلاجة بتشتغل وتفصل ودة الطبيعى فى اى مبرد لكن مش من الطبيعى ان الكهرباء تتوقف عنها نهائى دة الى بيحصل فى تكيف الصنى يقف ويشغل مراوح وبس ...واخر الكلام قالولك الصنى تكيفها بيفصل فى الحر والزحمة ..فنصيحة اخويا ابقى شغلوا والجو حلو او فى الشتاء ممكن بردو شغلوا بارد عادى واتمتع ....يالا الحمد لله الذى عافانا مما ابتلى بية غيرنا ..اهو بردو مشاكلها مش كبيرة اوى ان شاء الله احسن من عربيات تانية