الموضوع: صني 2010 شكل قديم الفتيس وتوكيل السبع

السلام عليكم اعضاء المنتدي الكرام :
كل عام وحضراتكم بخير بمناسبة الشهر المبارك ,
سوف ابدأ مع شرائي للسيارة نيسان صني 2010 EX اتوماتيك من Auto Egypt. طبعا العربية في فترة 1000 كم كانت في فترة التلين . وابدتيت الصيانة 1000 كم في توكيل نيسان الاسكندرية نظرا لان العائلة كانت في الساحل الشمالي و العربية وصلت لل 1000 كم فحبيت اعمل الصيانة قبل منرجع بيها تاني . وكانت صيانة اعتيادية تماما بدون مشاكل .
ثم ابتديت الصيانة من 10000 كم وفوت صيانة 5000 كم .. الصيانة كانت في مركز السبع .. وكان Auto Egypt ابورواش لسه مفتحش ... وهنا كانت بداية الاعطال .. كان فيه تسريب زيت من تحت السيارة وقالي ده حاجة اسمها اوليستيه (مش عارف لو المسمي صح ولا لأ) وتم التغيير...
صيانة 15000 كم في السع برده .. ةهنا ابتدت تظهر نتشة في النقل ما بين الثاني والثالث واحيانا ما بين الاول والثاني ... وخصوصا لو العربية باردة .. قالي في التزكيل ممكن الزيت لسه مسخنش فاده طبيعي ...وابتدي برده اني اسمع صوت هواء من البابين الاماميين لما امشي علي سرعة 90 كم فيما فوق .. وتم تغيير جلب الكاوتش الي بيقفل عليها الابواب ..
صيانة 20000 كم المشكلة مازالت قائمة والنتشة بتحصل في واحيانا لو العربية ساحنة كمان ... حاول يجرب في التوكيل قالي مفيش اي حاجة .... ومازالت مشكلة صوت الهواء مستمرة
صيانة 25000 كم ومازالت الشكوي مستمرة.
صيانة 30000 كم اول صيانة ليا في Auto Egypt وكانت اول واخر واحسن صيانة للعربية واحسن مهندس استقبال وهوا المهندس اسلام غازي ... كررت الشكوي من التنتيش الي في الفتيس وقالي ان العربية اتحتط علي الجهاز ومفيش مشكلة خالص . وبالنسبة لي مشكلة صوت الهواءقالي اتعدلنا ميزان الابواب والمشكلة اتحلت .
صيانة 35000 كم كانت في Auto Egypt ودي كانت اللحظة الفارقة مع Auto Egypt كانت أسواء صيانة وكل الشكوي تتكرتت من الفتيس وصوت الهواء .. بالاضافة الي اني التكيف كان بيفصل في الزحمة ..... والي زاد الامر سوء ان قالي ان فيه خدمة ان في باص ممكن يوديك كارفور داندي مول ولما تحب ترجع تتصل بمهندس الصيانة وهوا هيبعتلك الباص..... ولما حبيت اروح اتصلت وقالي تمام هوا هيكون عند حضرتك في خلال ربع ساعة امام البوابة الرئيسية ..... وفضلت واقف ساعة ونص في الشمس اتصل بيه محدش بيرده لحدس ماشرف البيه السواق وكان باين عليه لسه طالع من كارفور وعامل Shopping وسايبني في الشمس ... واول ماوصلت التوكيل جخلت عدل علي مدير الصيانة وعملت مشكلة مع المهندس وقدمت شكوي فيه وكلنت شكاوي نيسان في مدي التقصير والاهمال .. ولما اتصلوا بيا يسألوا علي الصيانة قولت زي الزفت .... كل الي اشتكيت مني لسه موجود . وقالولي تعالي وهنعملك كل حاجة قلتلهم لأ انا مش هاجي تاني هنا ...
صيانة 40000 كم كانت في السبع وتم الاهتمام بالصيانة ..... بس برده لسه صوت الهواء الي من الابواب موجود النتشة الي في الفتيس ابتديت تقل . والتكيف مازال يفصل في الحر ... والكرسيين الاماميين بيصدرو صوت مزعحج مع الاهتزازات وتم حل مشكلة الكراسي فقط
صيانة 45000 كم قالي العربية مهتاجة تغيير الضفيرة لضعف السحب وان العربية بطلت علي الطريق .بس هيا مش موجوده حاليا.
صيانة 50000 كم تم تغيير الضفيرة . وابتدي الفتيس يكرر مشكلة النتشة تاني وزيادة الامر سوء ان لما بكون طالع بالعريبة مثلا والعربية هتنقلي علي الغيار الاعلي , لو شلت رجلي من علي البنزين العربية بتعمل صوت خبطة كان العربية حاولت تنقل بس معرفتش ... والمشكلة ده قالي انها كوبلن امامي ومحتاج يتغير ... وتم التغيير .... المساعد الامامي اتغير في الضمان برده ... في صوت تزيئ لما بلف الدركسيون من اليمين للشمال وقالي محتاج رجلاش , ومازال الصوت مستمر . مشكلة التكييف ان الريتداتير كانت درجة سخونة اعلي من الطبيعي فكان بيأثر علي الفريون داخل الكومبريسور وده سبب مشكلة التكييف وتم تغير وحل المشكلة.


حاليا حالة السيارة كالأتي :

- العربية عاملة 58000 كم .. وفترة الضمان انتهت في شهر 6
- صوت الهواء من البابيين لسه موجود
- الفتيس احيانا وبصورة متباعدة ممكن بعمل النتشة في النقل , ولكن صوت الخبطة الي يحصل لما تكون العربية هتنقل وانتا تشيل رجلك لسه موجود وقالي ده طبيعي وجربنا عربية تانية نفس الموديل وعاملة نفس الكيلومتر تقريبا .. وكان فيها نقس المشكلة.

دلوقتي انا عاوز رأي اعضاء المنتدي والخبراء هل صوت الخبطة الي بيحصل ده طبيعي .... ولو في حد معاه صني الشكل القديم يجرب الموضوع ده ويشوف فعلا هوا طبيعي ولا لأ ...

مستني اراءكم وردودكم ... عشان ابلغ بالكلام ده في الصيانة القادمة 60000 كم

اسف علي الاطالة

المشاركة الأصلية كتبت بواسطة ramy rateb

حضرتك قعدت 3 سنين تشتكى من مشاكل محددة و انت فى الضمان و ماتحلتش .. تفتكر بعد الضمان ما ينتهى هتكون النتيجة إيه ؟ .. اتمنى أنى أكون مخطئ فى ظنى و تتحل مشاكل العربية.

انا معاك في كل حاجة ... ومعاك برده في ان في بعض الناس ممكن تقول ان المشكلة فردية ... بس محدش بيتعلم ببلاش انا لما حبيت افكر في عربية كان همي الأكبر انها تكون ياباني وطبعا بالسعر المناسب ... والتوكيل بيتعها يكون محترم.... لما اعقد ادور علي كل ده ملقتش غير الصني ... انا كنت عاوز تيدا صراحة بس كانت غالية .... العربية ياباني (اسما وليس موضوعا حيث انها لا تمت للياباني بصله).... التوكيل محترم مفيش كلا مهوا محترم وبيستجييب للشكاوي وديه حاجة مهمة مش زي غبور مثلا اشتكي من هنا للسنة الحاية ولاهيعبرك... بس النيسان لو مش عجابك السبع روح اتوت ايجيب مش عاجب رو مودرن ... مش عاجبك كلم نيسان اشتكي وهتلاقي متابعة .. بس في بعض الحالات الي زي حالتي ان المشكلة مش بتظهر مع التجربة في التوكيل بيكون صعب التوصل فيها لحل ولاون الامر مش بالمستحيل بس الحلو مايكملش......
لو توكيل نيسان كان سئ العربية ديه كانت راحت في داهية فعلا لان لو كل واحد بص علي حجم القطع الي اتغيرت حتي لو علي الضمان فمش لازم ننسي انها عربية زيرو مش مضبوط ان كل ده يتغير ..... اتمني سوق السيارات يستقر وربنا يكرم ونعرف نغيير