مين احسن واحد بيصلح شروخ الازجاج ؟

**Ahmod** · 19-07-2013 05:52 PM

السلام عليكم

كان حصل عندي شرخ في الازجاج اللى قدام في العربية

ورحت لواحد ربنا يكرمه عملهولي

بعد اسبوع بدات الاحظ ان الشرخ بدا يظهر تاني ومع الوقت بدا يظهر اكتر واكتر لحد مابقى اكنه ماتعملش !!

بس انا قلت طالما الشرخ مش بيزيد خلاص مش مشكلة وسبته على كدة

وعدى تقريبا بتاع تلت اربع شهور

النهارده بالصدفة ببص في العربية لقيت الشرخ زااد جدا جدا جدا !! ؟

مع اني متذكر تماما اني راكن العربية كويس ومافيهاش حاجة !! ؟ الله واعلم زاد من ايه

فانا عايز اروح لواحد يخلصلي الموضوع ده نهائيا فياترى حد اتعامل مع تصليح شروخ ازجاج وكان كويس ؟؟

ياريت يكون عن تجربة مش مجرد سمع

**TheUnknown** · 19-07-2013 06:50 PM

انا جربت د.خالد اللي في جامعه الدول, هو كويس اوي

**esamahmed** · 19-07-2013 09:32 PM

بص يا باشا لو الزجاج ده الاصلى يبقى خسارة تغيره
بص حضرتك هو دكتور خالد احسن حد فى الحكاية دى عن تجربة انا كنت بروح الفرع بتاع مصر الجديدة وفى فرع برضه فى اكتوبر جربته وكان برضه كويس او ممكن تشوف برضه الفرع بتاع جامعة الدول اللى قال عليه الاخ الفاضل

**Land_Cruiser** · 19-07-2013 11:05 PM

المشاركة الأصلية كتبت بواسطة aldesha989

هات بربيز جديد افضل بدل ما تقعد تصرف على الشروخ اللى هتصرفه على بربيز جديد

+1
و ممكن تشوف عند د جريش هو بيبقي عنده زجاج معظم العربيات و بكده تحل المشكله من جذورها بس حاول تجيب الكاوتش الاصلي اللي بيركب عليه الزجاج لانه بيفرق عن الكاوتش العادي

**ahmedhilmy** · 20-07-2013 02:17 AM

انا شايف انه لو كان ده الزجاج الأصلي فده مبيتعوضش , انا في واحد جنب توكيل الديب اللي في موبيل شارع الجزاير في المعادي الراجل ده جربناه 3 مرات مره في كارنز بتاعه واحد صحبي عمل شرخ من اكتر من سنه و الحمد لله مفهوش مشاكل لغايه دلوقتي و شرخين في عربيتي الول كان ممتاز و لكن التاني ده عملته من 4 شهور تقريبا و كان طوله حوالي 15 سم من فتره قريبه فتح شويه تقريبا 5 سم رجعتلهم لنهم بيدوك ضمان مدي الحياه الناس الحقيقه بصوا عليها و قالوا طالما مفتحش خالص يبقي مش هنقدر نعمل فيه حاجه لنه مش هيقبل قللي لو زاد تعالي تاني و الحقيقه هو زي ما هو من ساعتها هما ليهم كذا فرع هيب لحضرتك ارقام تليفوناتهم