ياريس او سيتي او sx4 او سوران او لانسر او لينيا او سيريون عايزين نقارن
يا اخواني عذرا اني جبت عربيات من فئات مختلفة وباسعار بفرق 10 الاف جنيه بس الحقيقة ده لاسباب حيرتني كتيــــــــر جدا العربيات كلها فوق الممتازة بكلام كل اصحابها حقولكم دلوقتي علي كل عربية ايه قدرتها وايه سعرها حاليا وعايزين نقارن بينهم وبين بعض من حيث جودة الوكيل ومعاملته للعملاء قوة جسد العربية وادائها وشكلها ووسعها وحقول بردو متطلباتي بس للمقارنة المطلوبة كل واحد يقول رايه وياريت اللي مجربها يحكي عن كل مميزاتها وعيوبها من رايه
تويوتا ياريس 1300 اتوماتيك 103000
سوزوكي sx4 ي1600 اتوماتيك 112000
هوندا سيتي 1300 اتوماتيك 94000
فولكس واجن سوران 1600 مانيوال 100000
ميتسوبيشي لانسر 1600 اتوماتيك البوما 110000
فيات لينيا 1400 مانيوال 110000
دايهاتسو سيريون تقريبا ديه الوحيدة اللي هاتش باك ولو فعلا كدة يبقي انا بستبعدها من المقارنة
كل العربيات يا جماعة سيدان وكاملة فيه اتوماتيك وفيه مانيوال بس اللي انا طالبه بالظبط هو اللي عايزين نقارن علي اساسه يا جماعة ياريت ومتعتبرونيش مش فاهم انا فاهم وعارف فيه كدة ظلم لبعض العربييات بس نحاول مع بعض نوصل للي صح وتمام علي قد ما نقدر
متطلباتي محتاج عربية واسعة مريحة ليا كسائق وللقاعدين ورا لو رجله طويلة ميتضيقش وتكون الكنبة كويسة كدة علشان عندي احجام كبيرة شوية تكون في البنزين يعني موفرة لو ممكن بس اتا عارف طبعا كدة 1400 وال 1300 يكسبو بس مش مشكلة لو فيه عربية حتبقي افضل في الاداء من دوول محتاج عربية تكون عالية بس راسية او تكون وسط بين الاتنين يعني بحيث اني اهم حاجة محكش في المطبات بتاعة بلدنا الحلوة واهم حاجة باه يكون البدي بتاعها يكون كويس شوية معقول يعني وطبعا محتاج تكون العربية منتشرة او قطع غيارها اسعارها معقولة ومتوفرة وياريت تكون فيها اوبشنز طبعا الواحد كان عايش في جهل بالعربية اللي معايا ممكن في بعض العربيات ميبقاش فيها المميزات ديه كلها بس يعني عايزكم يا جماعو توصلوني لاحسن اختيار ممكن اوصله وانا معايا لغاية ال 112000 لاني كدة كدة حدفع حوالي 50% واقسط الباقي واسف علي التطويل ده واتمني الكل يشارك يا جماعة وطبعا كله بردو يناقش موضوع التوكيل وايه اخباره مع العملاء
