حد يعرف كمية الزيت المستهلك اللى بينزل عند غيار الزيت

كل عام واعضاء نايل موتورز بألف خير ورمضان كريم ..
النهاردة رحت اغير زيت العربية عند الراجل بتاع كل مرة و عنده جهاز شفط الزيت قولت اجربه ..

استخدمنا جهاز شفط الزيت من أعلى ( من فتحة مقياس الزيت ) لاول مرة بدلا من فك الطبة السفلية وانزال الزيت .....
السيارة (كريستالة 1999 مانيوال 1300 cc ) موبيل hxp 20w50
المهم كانت كمية الزيت المشفوطة 2 كليو فقط بدلا من الـ 3 كليو اللى كانوا فى المحرك ... يعنى فى كيلو كامل ناقص !!!!

فكيت الطبة السفلية مانزلش زيت ... يعنى الزيت انشفط بالكامل !!

عاوز اعرف ده طبيعى ولأ ؟ واية مقدار النقص الطبيعى فى الزيت عند تغييرة ؟
علما أنى غيرته على 2500 كم بدلا من 3000 كم والعربية مش بتدخن (مش بتاكل زيت) ومش بتسخن مؤشر الحرارة لا يصل إلى المنتصف..
ومرة تانية صوم مقبول ورحمة ومغفرة وعتق من النار أن شاء الله .

السلام عليكم ورحمة الله
هناك شئ احتج اعرفة منك قبل الاجابة على سؤالك
هل كانت السيارة ساخنة وقت تغيير الزيت ؟؟

اقتباس:

---

المشاركة الأصلية كتبت بواسطة Lord of the flies

السلام عليكم ورحمة الله
هناك شئ احتج اعرفة منك قبل الاجابة على سؤالك
هل كانت السيارة ساخنة وقت تغيير الزيت ؟؟

---

الساعة كانت 12:30 ظهرا وكنت عامل كام مشوار لمدة ساعة و نصف ومؤشر الحرارة أقل من المنتصف بقليل

مع شكرى وامتنانى

جايز يكون فيه زيت فى أجزاء الموتور المختلفة بس المفروض أنه ينزل بعد لما تبطل الموتور بربع ساعة

هو حضرتك متأكد أن العربية مش بتاكل زيت لا قدر الله؟؟؟

ممكن برضه الزيت القديم كان محطوط ناقص شوية

أفضل حل أنك تتابع مستوى الزيت كل 100 كم ولا حاجة وتشوف هيحصل أيه

اتأكد ان كارتيره الزيت مش مسربه او ممكن تكون الطبه مكانتش مربوطه كويس ......
بص على الارض مكان ما العربيه بتبقه واقفه و شوف فيه زيت على الارض ولا لأ.

كل عام وانتم طيبون

اشكر لكم كريم اهتمامكم وتفضلكم بالمشاركة وكنت عاوز اعرف اذا كان فيه حد منكم استخدم جهاز شفط الزيت بدلا من مجرد انزاله دون قياس كميته

ممكن يكون فيه زيت في الفلتر

طبعآ لاوم يكون فيه نقص علشان الفلتر بياخد كيلو انا فى المرسيدس بحط 6 لتر و لما بغير بيبقو 4 و نصف

اقتباس:

---

المشاركة الأصلية كتبت بواسطة ahmedsmg

كل عام واعضاء نايل موتورز بألف خير ورمضان كريم ..
النهاردة رحت اغير زيت العربية عند الراجل بتاع كل مرة و عنده جهاز شفط الزيت قولت اجربه ..

استخدمنا جهاز شفط الزيت من أعلى ( من فتحة مقياس الزيت ) لاول مرة بدلا من فك الطبة السفلية وانزال الزيت .....
السيارة (كريستالة 1999 مانيوال 1300 cc ) موبيل hxp 20w50
المهم كانت كمية الزيت المشفوطة 2 كليو فقط بدلا من الـ 3 كليو اللى كانوا فى المحرك ... يعنى فى كيلو كامل ناقص !!!!

فكيت الطبة السفلية مانزلش زيت ... يعنى الزيت انشفط بالكامل !!

عاوز اعرف ده طبيعى ولأ ؟ واية مقدار النقص الطبيعى فى الزيت عند تغييرة ؟
علما أنى غيرته على 2500 كم بدلا من 3000 كم والعربية مش بتدخن (مش بتاكل زيت) ومش بتسخن مؤشر الحرارة لا يصل إلى المنتصف..
ومرة تانية صوم مقبول ورحمة ومغفرة وعتق من النار أن شاء الله .

---

وانت جاى تسأل هنا طب مانا موجود كلمنى ياراجل اخيرا غيرتلها زيت
اخبار نجيه هانم ايه والله لسيحلك هنا يا فاضحنى

اقتباس:

---

ممكن يكون فيه زيت في الفلتر

---

انا مع الراي ده