شاليه للايجار بقريه عايده بالساحل الشمالى "صور"

شاليه للايجار بقريه عايده بالساحل الشمالى الكيلو77 الشاليه مكون من غرفتين وصاله مفروش بالكامل وبحديقه خاصه وبجانب حمام السباحه الخاص بالقريه
للاتصال بي شخصيا مالك الشاليه "اسلام عادل" للاستفسار 01271475532
للحجز مع المقيم بالقريه 01277891118
الايجار للعائلات فقط اليوم ب 250 جنيه واسعار خاصه لشهر رمضان والمدد الطويله

http://nileup.com/up/uploads/nilemotors_13742706951.jpg
http://nileup.com/up/uploads/nilemotors_13742706952.jpg
http://nileup.com/up/uploads/nilemotors_13742706953.jpg
http://nileup.com/up/uploads/nilemotors_13742706954.jpg
http://nileup.com/up/uploads/nilemotors_13742706955.jpg
http://nileup.com/up/uploads/nilemotors_13742706956.jpg
http://nileup.com/up/uploads/nilemotors_13742706967.jpg

معاك ان شاء الله بعد العيد

بالتوفيق

اقتباس:

المشاركة الأصلية كتبت بواسطة boamengo

بالتوفيق

شكرا لمرورك :36_1_1[1]:

اقتباس:

المشاركة الأصلية كتبت بواسطة hugan

معاك ان شاء الله بعد العيد

ان شاء الله
تحت امرك وكل سنه وانت طيب:,:

بالتوفيق

ممكن ايجار لمدة 3 ليالي ويا ريت تقولنا ايه مميزات القرية؟؟؟

محجوز فى العيد ؟

اقتباس:

المشاركة الأصلية كتبت بواسطة midnightman_74

بالتوفيق

شكرا ليك

اقتباس:

المشاركة الأصلية كتبت بواسطة fepsceasar

ممكن ايجار لمدة 3 ليالي ويا ريت تقولنا ايه مميزات القرية؟؟؟

انا رديت على الخاص بس برضه انا ححط مشاركه ليا كنت كاتبها فى موضوع تانى هنا للافاده

اقتباس:

المشاركة الأصلية كتبت بواسطة eslamrace

لا طبعا من حقك قبل متختار تعرف هتناسب مين ههههههههههههه
هى القريه من اقدم قرى الساحل يمكن من السبعينات على ما اعتقد وهى اصلا عباره عن ارض مساحتها حوالى كيلو طول و600 متر شاطئ ملك جمعيه اسمها مصر الجديده وعلشان كده هى اسمها الورقى " مصر الجديده " ولكن علشان جواها فندق عايده من اشهر واقدم الفنادق فى الساحل فاصبح اسمها المتداول "عايده " الفندق زى مقولتلك اداره منفصله عن اداره القريه والفندق 4 نجوم ومستواه عالى جدا من جوه كخدمه واستايل واتعمل فيه برنامج "مكانش يومك " رمضان قبل اللى فات .

القريه متقسمه قطع اراضى ومملوكه لناس من الجمعيه الجزء اللى من اول الفندق لحد الشاطئ فلل دور واحد وروف فقط ودول الملاك القدام قوى واغلبهم هاى ليفيل من بعد الفندق ولحد اخر صف فى القريه شاليهات بتتدرج دورين وتلات ادوار حد اقصى واخر صف شقق اربع ادوار وكل اللى بيبنى لازم يلتزم بالارتفاعات المحدده ونسبه البناء والحدائق اظن 60% من مساحه القطعه بناء والباقى اما حدائق او حمام سباحه خاص طبعا هى من 5 سنين بالظبط كان البناء واصل لحد بعد الفندق بصف واحد انما بدأت الشغل فيها واتطورت جدا فى السنوات الاخيره فاتعمل حمام سباحه للكبار واخر للاطفال وبحيره صناعيه وشماسي على البحر وحمام السباحه وتم تجديد اعمده النور فى المدخل واعاده رصفه وزياده تشجير الطرق الرئيسيه و مكان للعب الاطفال و كافيتريا على الشاطئ وكافتريا على حمام السباحه
الخدمات جوه القريه فيها 2 سوبر ماركت موفرين كل حاجه ومحل لبيع الاسماك ومسجد و سمعت والله اعلم ان فى كنيسه او مكان تابع للكنيسه جوه القريه

طبعا فى السنوات الاخيره اتبنى كمبوندات كتيره جدا اللى بحديقه خاصه واللى بحمام سباحه خاص واللى بحديقه مشتركه و اللى بيملك الروف مع الدور الاخير بسلم داخلى و اختيارات كتير .

الاسعار فى القريه متفاوته بطريقه رهيبه ففى الفلل بالملايين والشاليهات من 200 الف جنيه الى 750 الف جنيه والشقق بصراحه مسألتش عنها
الايجارات هناك من200 الى 750 جنيه انتقالا من الشاليهات للفلل
العيوب ان القريه فيها اجزاء مش متسفلته " ولكن كل سنه بيتم دكها " ودى اداره القريه قالت انها مش حتسفلت الا لما يخلص البناء فى اغلب القريه ، المشكله التانيه ان فى الشتاء بيكون فى اعمال بناء وتطوير القريه فبتكون الى حد ما مزعجه ولكن بيتمنع العمال من الدخول من 20/6 الى بدايه شهر 11 وفى الاعياد والمناسبات " عيد الاضحى ، شم النسيم وهكذا " السوبر ماركت بيفضل شغال فى الشتاء لخدمه الناس ، وموضوع ان الاشكال مش شبه بعض برضه بيدايق بعض الناس.
بالنسبه للمستقبل انا شايفها استسمار كويس جدا خصوصا لو القريه مشت بالمعدل اللى بتمشي بيه فى اخر سنتين تلاته فقدامها حوالى من 3-4 سنين بالكتير وحتكون اتقفلت واتغيرت ملامحها بشكل كبير خصوصا ان ادارتها حاليا بصراحه شغاله جامد جدا ولكن العيوب اللى قولتها بتخللى كتير من الناس تقلق منها دلوقتى .
المخطط حسب علمى للقريه انه حيتعمل مول تجارى كبير جوه القريه واتحدد بالفعل مكانه بس لسه مشتغلش وحيتعمل حمام سباحه على الشاطئ وحتتسفلت وتترصف بالكامل وحيتعمل سينما واول مروحت القريه حد قاللى المفروض المسجد حيتجدد ويتعمل مسجد تانى وسط القريه والمفروض ان كان فى اجتماع لاتحاد الملاك من فتره قريبه بس انا محضرتش فمش عارف اتفقوا على ايه تانى بس ان شاء الله اعرف اليومين الجايين.
بصراحه اظن دى كل المعلومات اللى اعرفها حسب معلوماتى ولو افتكرت حاجه تانى حقولك عليها .
بس لانى من عشاق ماربيلا بعيدا عن كل القرى اللى قعدت فيها فمش عايزك تقارن دى بدى خالص لان ماربيلا فيها كلام تانى خالص.
وتحت امرك فى اى استفسار.

بس دى مواصفات عامه ولكن تلخيصا للموضوع فالقريه فيها 2 كافيتريا واحده على الشاطئ وواحده على حمام السباحه وبحيره صناعيه على الشاطئ و2 سوبر ماركت ومسجد وحديقه فيها مراجيح للاطفال وهى قريبه من مارينا فممكن تقضى اليوم هناك بسهوله وجنب مارسيليا وزهران مول فتقدر تتسوق منهم بسهوله بالرغم ان الماركت فى القريه موفر كل حاجه تقريبا ووجود الفندق اللى ممكن تستخدم خدماته وتدفع للفندق مقابله زى المطاعم وحمامات سباحه الفندق .
المشكله هناك هى ان الشوارع الجانبيه والفرعيه مش متسفلته بس .

اقتباس:

المشاركة الأصلية كتبت بواسطة mido

محجوز فى العيد ؟

بص هو فى الغالب اتحجز بس ممكن تتاكد من مؤمن اللى كاتب نمرته للحجز هو حيفيدك اكتر لانه معاه الجدول ولو اتحجز ممكن يشوف لك مكان تانى .

وححاول انزل موقع القريه من جوجل ماب

متشكر جدا لحضرتك يا استاذ اسلام حضرتك كل زوق
و الشاليه بسم الله ما شاء الله ربنا يبارك لحضرتك فيه
و ان شاء الله متبقاش اخر مره
و كل سنة و حضرتك طيب و الاسرة الكريمة بخير :)

لسة في مدد فاضية ولا اتحجز لحد الدراسة ؟
يبعد قد ايه عن البحر وبيشوف البحر ولا لأ ؟؟

اقتباس:

المشاركة الأصلية كتبت بواسطة eng_7amed

متشكر جدا لحضرتك يا استاذ اسلام حضرتك كل زوق
و الشاليه بسم الله ما شاء الله ربنا يبارك لحضرتك فيه
و ان شاء الله متبقاش اخر مره
و كل سنة و حضرتك طيب و الاسرة الكريمة بخير :)

ربنا يخليك يا ا/ حامد وانت انسان محترم واسف على التاخير فى الرد بس انا فعلا مشفتش الرد غير دلوقتى وانا تشرفت بمعرفه حضرتك وكنت اتمنى اقابل حضرتك بس ان شاء الله تتعوض .

اقتباس:

المشاركة الأصلية كتبت بواسطة donzi

لسة في مدد فاضية ولا اتحجز لحد الدراسة ؟
يبعد قد ايه عن البحر وبيشوف البحر ولا لأ ؟؟

هو فى مدد فاضيه ولكن الجدول مش معايا فللاسف مش عارف الوقت الفاضى حيكون امتى لان جدول الحجز بيكون مع مؤمن ورقمه 01277891118 لانه هو مقيم فى القريه وهو المسؤل عن الحجز ممكن حضرتك تكلميه هو حيفيدك اكتر منى لانى مالك الشاليه بس مش بتعامل فى الحجز .
وهو يبعد عن البحر حوالى 350 متر ومبيشوفش البحر .
وتحت امرك فى اى استفسار .

هكلم استاذ مؤمن وربنا يسهل

السعر في شهر 9 كام؟