عندى مشكلتين فى السيارة و ارجو الرد من الخبراء
1- انا بسمع صوت زنة فى الفتيس زى صوت الغوايش كده على الغيار التانى و الرابع و لما بضغط عالهصاية بايدى لورا الصوت بيروح و لما اسيبها يرجع تانى لما سالتهم فى التوكيل قالولى دى علبة البيئة بس انا مسدئتش طبعا فارجو من الخبراء يقولولى دى ممكن تكون ايه و حلها ايه عالعموم هى دايو لانوس 2008 عاملة 55 الف كيلو اول يد
2- الزجاج الامامى كهربا لما باجى ادوس عالزرار و ارفعه بيحدف فى نصف المسافة لقدام و يقف و مش يرضى يكمل لازم امسكه بايدى و ارجعه لورا و افضل ماسكه و ادوس عالزرار لحد ما يقفل يا ترى دة عيب مكنة رفع ولا ايه بالظبط
ارجووووو الرد اكرمكم الله و كل عام و كل اعضاء المنتدى بالف خير
حل مشكلة الزنة ان شاء الله
السلام عليكم أنا كان عندي بارضو صوت زنة وتقف لما احط ايدي على عصاية الفتيس وكان السبب ان فيه علبة بلاستيك تحت عصاية الفتيس مباشرة لو فكيت الكسوة الجلد السوداء اللي حول الفتيس هتلاقيها ولها اربعة مسامير هتلاقيهم مهويين قرط عليهم و ان شاء الله المشكلة تنتهي و مقابل هذا ارجو منك الدعاء بحقن دماء المسلمين في كل مكان و الامن والسلامة لمصر وللمصرينن وان يولي الله من يصلح و شكرا