ياريت اعرف رأى اعضاء المنتدى فى اختيار سياره من بين الباسات الفئة البيز ب 272 و الفولفو اس60 ب289 ...ارجو الاهتمام وشكرا
عرض للطباعة
ياريت اعرف رأى اعضاء المنتدى فى اختيار سياره من بين الباسات الفئة البيز ب 272 و الفولفو اس60 ب289 ...ارجو الاهتمام وشكرا
هوة المنتشر في مصر الباسات ودة هيفرق معاك بعدين في سعر اعادة البيع و اسعار قطع الغيار
ياريت يارجاله الاهتمام,انا عارف انى سألتكوا كتير عن العربيات دى بس انا خلاص هشترى وبجد مش عارف اخد قرار
زود شوية وهات بي ام 316
الفولفو أحسن فى رأيي
موتور اجمد وشكل أحلى ورياضى أكثر وتجهيزات أعلى
والاهم الفتيس مش dsg اللعين.
لو العربية حتقعد معاك فترة اكثر من 5 سنين يبقى الفولفو
وسيبك من قصة اعادة البيع. كله بيقع بعد اول سنة ماعدا كام موديل بالاسم اللى ماسكين نفسهم فى سوق مصر العظيم. فمش ده المقياس بالنسبة لي
البيجو 508 عربية ممتازة وما سمعتش عنها مشاكل برضو وفخمة وموتورها حلو واسمها فى مصر احسن من الفولفو طبعاً.
بس أنا شكلها بيضايقنى من الجنب مش عارف ليه الكبوت فى زاوية عالية مش عاجبانى. فلو هى لأ أفضل السيتروين c5 نفس العربية بالظبط بس على شكل تانى احلى من وجهه نظرى.
طبعا ده ﻻ يعيب البيجو لأن دى أذواق مش أكثر.
بالترتيب
s60
508
باسات
508
s60
passat
s60
passat
c5
508
راي خيار وسط الـ 508 ..
الفولفو افضل...
وبعدين كل حاجة ليها سوق انشاء الله... ده غير انك بتتكلم في فئة وماركات معمرة جدا ما شاء الله...
انا شفت الs60 والs80 في اباظة من شهرين كده واتوهمت بصراحة... الs60 فيها فئة بيكون الفرش لونين بني × اسود كانت رهيييبة والصالون شييييك جدا وخامات لا يعلى عليها...
اتفرجت على باسات هايلاين وهي اوسع من الs60 بشوية... بس على فكرة شنطة الفولفو مش كبيرة...
انما في النهاية رأيي ان الفولفو كصانع وعلامة ومتانة صناعة وامان وفخامة تتفوق عن الفولكس... وان كانت الفروق مش كبيرة لان الشريحة واحدة... بس عن نفسي احب امتلك الفولفو!!