ما هيا اجرائات استرجاع تليفون منزلى بقالى فتره مدفعتش الفاتوره

**Ahmed_Adham** · 29-07-2013 11:06 PM

المشاركة الأصلية كتبت بواسطة shaddadfalcon1

بدون الدخول في محاضرة دينية
الشركة اللي تسيب خطها شغال سنتين بدون دفع فاتوة تبقي بيتهرج ومعندهاش اي نظام
ولسه تجبرني ادفع فاتورتك وانا شغال نت بس؟ دفعني الضربية بتاعة النت بس لكن مدفعنيش اشتراك وجوارات تانيه مش مستفيد بيها
احنا في 2013 والله ياجماعة والمصرية للأتصالات عايشه 40 سنه ورا

بدون الدخول في محاضرة دينية

قانونا عدم استخدامك للخدمه لا يعني عدم دفع مقابلها مادام الاشتراك يدفع دوريا بنص العقد بغض النظر عن قيمه الاستخدام (دقايق المكالمات) وطالما الخدمه كانت متوفره للاستخدام من المزود ومعنى ان ال dsl شغال يبقى التليفون كان يقدر يعمل مكالمات وكده الشركه عداها العيب.

معاك ان المصريه للاتصالات عايشه في زمن البطيخ بس مادمت وافقت على دفع اشتراك شهري بغض النظر عن الاستخدام وقت توقيع العقد يبقى لازم تلتزم.

أعتقد برضه لو حاول يقدم على خط تاني هيلاقي الفواتير القديمه طالعه قدام الموظف بالرقم القومي.

**أحمد كمال** · 30-07-2013 12:30 AM

المشاركة الأصلية كتبت بواسطة shaddadfalcon1

مع كامل احترامي لرايكم بس ده غباء من الشركة نفسها انها ملغتش الخط خالص

مش المفروض يفضلو سايبين الخط سنتين عشان ببساطه شديده انا ممكن مكنش محتاجه فعلا السنتين دوول عشان مسافر بره يبقي بالمنطق لما ارجع وعايز ارجعه ليه ادفع تمن حاجه انا ماخدتهاش؟

مينفعش اتحمل غباء الشركة يعني

لللعلم: احنا كان عندنا خط في بيت العيله ومع رخص الموبيلات محدش كان بيستعمله غيري عشان لنت بس ومع ذلك فاتوة مش اقل من 50 جنيه كل مره- طيب ليه.؟
والدتي راحت تلغي الخط ساعتها الموظفة المحترمة قالتلها كبري دماغك وهو كده كده لما تبطلي تدفعي الفاتوة هيقف لوحده

يبقي ده اسمه ايه؟

المفروض يبقي زي النت كده - لو انت مدفعتش شهر واحد يقفل عليك وعايز ترجعه يبقي تدفع من دلوقتي مش تسيبني عايش حياتي وبعد كده تقولي اصلك بقالك 3 سنين مدفعتش

هيثم ..... لو انا مأجر لك شقة بعقد سنة ....... و انت ما قعدتش فيها ينفع تقول لي كنت مسافر و مش هادفع؟

ما جيتش احصل الايجار كل شهر و جيت بعد 9 شهور تقول لي و انا مالي؟

اتق الله و النصيحة ممكن توديك في داهية لان ده مال و خقوق

**أحمد كمال** · 30-07-2013 12:33 AM

المشاركة الأصلية كتبت بواسطة shaddadfalcon1

بدون الدخول في محاضرة دينية
الشركة اللي تسيب خطها شغال سنتين بدون دفع فاتوة تبقي بيتهرج ومعندهاش اي نظام
ولسه تجبرني ادفع فاتورتك وانا شغال نت بس؟ دفعني الضربية بتاعة النت بس لكن مدفعنيش اشتراك وجوارات تانيه مش مستفيد بيها
احنا في 2013 والله ياجماعة والمصرية للأتصالات عايشه 40 سنه ورا

الاهمال في جمع الدين لا يسقط الدين ...... روح اسال اي شيخ قبل ما تقول كلام في فقه البيوع و الدين (الدين من الديون) ممكن واجد يعمل بيه و تبقى الفلوس دي في رقبتك

**shaddadfalcon1** · 30-07-2013 09:03 AM

خلاص ياجماعة انا بسحب نصيحتي وانا بريء من اي حد يعمل بيها

**احمد المصرى** · 30-07-2013 09:12 AM

السلام عليكم

كل سنه وانتم بخير يا اعضاء نايل موتورز وكل عام وانتم الى الله اقرب

بخصوص التليفون انا ان شاء الله خلال ساعات هكون رايح دافع الفواتير القديمه ومرجعه تانى مع انى مش بستخدمه وملوش اى لزمه اطلاقا لان الموبيل حاليا بقا عملى جدا وارخص من الارضى مليون مره بس ذى ما قلت استخدامه الوحيد فى النت غير كدا ملوش اى لزمه

ثانيا :- محدش سال نفسه هما صابرين ليه عليا سنتين لانهم مستفيدين منى برضوا لانهم اكيد ليهم نسبه مش شركه النت مش هيدخلوا نت ببلاش يعنى وانا فى 6 اكتوبر وعدد المستخدمين للتليفون المننزلى بيقل عام عن الاخر علشان كدا مش محتاجين الخط بتاعى فى حاجه بس لما يحتاجوه اكيد كان هيتلغى وهيروح لحد تانى يدفع اكتر الموضوع موضوع اقتصادى بحت مش اكتر

على العموم انا كدا كدا هروح ارجعه وربنا يسهل بس لازم الشركه دى تفوق من الغيبوبه دى لانها خلال سنوات قليله هيكون عدد مستخدمين التليفون الارضى صفر والاستخدام الوحيد هيكون النت ولو فى بديل افضل اكيد الناس كلها هتروحله ويغور التليفون الارضى

**A.Saad** · 30-07-2013 10:28 AM

المشاركة الأصلية كتبت بواسطة shaddadfalcon1

بدون الدخول في محاضرة دينية
الشركة اللي تسيب خطها شغال سنتين بدون دفع فاتوة تبقي بيتهرج ومعندهاش اي نظام
ولسه تجبرني ادفع فاتورتك وانا شغال نت بس؟ دفعني الضربية بتاعة النت بس لكن مدفعنيش اشتراك وجوارات تانيه مش مستفيد بيها
احنا في 2013 والله ياجماعة والمصرية للأتصالات عايشه 40 سنه ورا

وانا اقدر اديى لحضرتك محاضرات دينية
حضرتك من الناس المعروفة بتدينها
بس الموضوع فنى بحت
الشركة قطعت الخدمة المباشرة منها
النت بيتقطع بطريقة تانية
واصلا مفيش حاجة اسمها خدمة نت مستقلة
عايز نت يبقى فيه تليفون ارضى وليه اشتراك وضريبة
بالتالى العميل هنا بيدفع الاتنين سوا

**احمد المصرى** · 30-07-2013 10:59 AM

الموضوع حاليا خرج عن مساره خالص يا شباب وهيسبب مشاكل ملهاش اى لازمه ارجو من جميع الاخوه الافاضل المحابه فى الله والبعد عن المشاحنات ال ملهاش اى لازمه

وكل عام وانتم بالف خير يا شباب وافتكروا اننا فى رمضان افضل الشهور