عدم وجود علبة وحدة التحكم الخاصة بفلوانس 2013
زى ما أنتو عارفين أنى غيرت الرادياتير فى الضمان من كام يوم، فقابلت واحد جارى عندة بردة فلوانس كان جايبها قبلى بشهرين فحكيتلة على الموضوع فطلب منى ابص لة على عربيتة و أكشف عاى مستوى المياة عندة
المهم لما فتحت الكابوت لقيت عندة صندوق أسود لحماية وحدة تحكم العربية ال VALEO مزودة بفتحة تهوية زى اللى فى الصورة
http://nileup.com/up/uploads/nilemotors_13744019921.jpg
بس عربيتى للأسف ما فيهاش الصندوق دة زى ماواضح فى الصورة
http://nileup.com/up/uploads/nilemotors_13744019922.jpg
المهم روحت التوكيل مخصوص للموضوع دة ولقيت أن فتحة دخول الهواء عندى مقفولة وفى العربيات المزودة بالعلبة دى فتتحة الهواء مفتوحة !!! معنى كدة أن العربية موديل 2013 الشكل القديم تقفيل المصنع مش مزودها بالعلبة و بالتالى قافل فتحة دخول الهواء
فياريت ملاك الفلوانس 2013 اللى إستلموها بعد 12/2012 يقولولنا هل عربياتهم فعلا من غير العلبة دى عشان نقدم شكوى ليهم يزودولنا العربية بالعلبة دى نظرا لأهميتها فى حماية وحدة التحكم من التراب و حرارة الموتور و لا دى حالة فردية أتكلم فيها عن عربيتى بس