مشكله دواره نوبيرا 2

**Lord of the flies** · 21-07-2013 01:33 PM

السلام عليكم و رحمه الله و بركاته و كل عام و انتم الى الله اقرب.

عندى مشكله فى الدواره وهى انى بعد ما بفتح الكوناتك بسمع صوت الطرمبه بتحضر و بعد كده صوت تك و مافيش صوت مارش.

المشكله دى كانت بتحصل على فترات بعيده و بمجرد ما اقفل المفتاح و اجرب تانى مره او اتنين بيشتغل, بس مع مرور الوقت زادت المشكله و بقت بنظهر على طول و جد عليها ان لما العربيه تيجى تدور صوتها كأن البطاريه نايمه و صوت المارش بطئ جدا و بعد كده تشتغل.

انا بصيت على العين بتاعت البطاريه و لقيتها خضراء (سليمه).

هل ده عيب مارش ولا دينامو و ايه اسعرهم و لو مارش هل يتفك و يتغير جلب ولا كله يتغير و شكرا

**mada3030** · 21-07-2013 01:48 PM

اعتقد مارش مادام بيشتغل بطى وكان البطاريه نايمه بس هيا مش نايمه لان النور شغال
لو الاعراض دى يبقى مارش
انما لو ما فيش اى استجابه ممكن يكون كات اوت المارش

**Ahmed Nasser** · 22-07-2013 01:26 AM

الاول راجع على كبلات البطارية وعلى الاراضى والفيش بتاع الكنتاكت

**Lord of the flies** · 22-07-2013 08:33 PM

المشاركة الأصلية كتبت بواسطة mada3030

اعتقد مارش مادام بيشتغل بطى وكان البطاريه نايمه بس هيا مش نايمه لان النور شغال
لو الاعراض دى يبقى مارش
انما لو ما فيش اى استجابه ممكن يكون كات اوت المارش

على ما اسمع ان المارش بتاع النوبيرا مش بيتصلح ولازم يتجاب جديد او استيراد؟؟

يا ريت حد يصحح المعلومه او يقلى سعره كام؟

**Lord of the flies** · 22-07-2013 08:40 PM

المشاركة الأصلية كتبت بواسطة Ahmed Nasser

الاول راجع على كبلات البطارية وعلى الاراضى والفيش بتاع الكنتاكت

كله تمام قطاش و كبلات و فيوزات ... بس المشكله زادت ان العربيه بقت مفيش دواره خالص

**Lord of the flies** · 23-07-2013 03:10 PM

امبارح زقيتها 5 متر كده دارت و قفلت و فتحت كذا مره دارت على طول من غير ما تعلق ولا مرهّ!!!؟؟
حد عنده فكره ايه الى بيعلق؟

**Ahmed Nasser** · 23-07-2013 07:31 PM

غالبا مارش

**kenesh** · 23-07-2013 09:52 PM

حصلت معايا بالنوبيرا 2008 اتوماتيك و بعد ما دوخت طلع القواطيش بتهرب غيرتهم باتنين نحاس قدام جدا كانوا عندي اشتغلوا زي الفل جرب كده

**mhopa2440** · 24-07-2013 02:33 AM

لو بتسمع تكة صغيرة لما تشغل والمارش مفيش استجابة

دا عيب كتاوت بتحصل معايا بس قليل ولما افصل واشغل تاني تشتغل على طول

حاول تشوف كتاوت المارش وتغيره ودا طبعا بعد تغيير قطاش البطارية

لو عملت كل اللي فات هيكون العيب الاخير هو المارش بس ابدا زي ما قلت لحضرتك الاول توفيرا ف النفقات