هل يوجد مركز للصيانه الدوريه بخلاف التوكيل

**MoDy_OnLiNe** · 21-07-2013 03:09 PM

السلام عليكم ورحمه الله وبركاته

انا عربيتي اوبترا 2010 عامله 56 الف كيلو ، وفاضلي اخر صيانه في التوكيل الي هيا ال 60 الف بإذن الله

انا سألت في التوكيل قالولي عادي ممكن اجي اعمل صيانات دوريه بعد ال 60 الف ما يخلصوا

لكن انا حبيت اسألكو لو فيه مركز بديل بنفس الجوده ، لأن موضوع الصيانات الدوريه ده مريح جدا

لو مفيش ، ياريت شويه معلومات عن عمل الصيانه دي بشكل يدوي ؛ بمعني اني اعمل الصيانه الميكانيكه عند ميكانيكي والصيانه الكهربيه عند كهرباء وهكذا ، خصوصا اني ما اعرفش ميكانيكه ولا كهربائيه وكان كل اعتمادي على التوكيل للأسف :(

**m.radi82** · 21-07-2013 04:23 PM

لو حضرتك من مناطق المنصورة أو شربين أو فارسكور

في مركز محترم اسمه ماستر كير master care على طريق شربين دمياط للسيارات شيفروليه واوبل
ده مركز معتمد وبحس ان المعامله فيه احسن من التوكيل بكتير

**ahmedhilmy** · 21-07-2013 06:21 PM

انا بروح مركز top gear في فيصل م. محمد فضالي مركز ممتاز و معد بصوره كويسه اوي بخلاف ان م. محمد شخصيه فهمه كوبس اوي و شغله ممتاز

**MoDy_OnLiNe** · 22-07-2013 04:25 AM

شكرا ليكو جدا على المساعده ، بس انا من سكان القاهره ، ياريت لو حد عند معلومه عن مركزيكون في مصر الجديده - مدينه نصر - الحرفيين - او المناطق المجاوره يكون افضل
وياريت يا استاذ احمد حلمي لو تديني رقم تليفون مركز top gear علشان اتواصل معاهم
وشكرا ليكم مره تانيه