عرض للطباعة
يا عشاق التيدا انا بقالى 5 شهور بدور على عربية و وقعت قدامى تيدا 2011 سوداء
عداد 80000 كم فابريكة بالكامل و صيانة حتى 40000 الف بالتوكيل
هاتشباك هاى لاين اعلى فئة - مطلوب 95000 جم و حالتها كويسة
هل السعر دا كدا كويس يعنى لو اشترتها و حبيت ابيع كمان سنتين او حاجه
مخسرش فيها كتير....... ارجو الافادة و خصوصا الاستاذ احمد tv .. ناس كتير قلولى عاليه انه انسان نحترم
و شكرا
اتكل على الله
عربية زى الفل
بس بخصوص السعر انامش متاكد انه كويس
ممكن تنزل شوية علشان ظروف السوق ؟؟؟؟
العداد بتاعها عالي جدا 80000 الف في سنتين اعتقد ممكن تنزل في سعرها اكتر من كده وبالتوفيق ان شاء الله ومتنساش تكشف عليها في التوكيل
يعنى لو 90000 الف جينيه كدا كويس عليها
أعتقد 85000 - 90000 كويس عليها هى جديدة فعلا وموديل 2011 بس العداد فعلا عالى قوى فى سنتين إكشف عليها الاول وربنا يختارلك الخير ان شاء الله
العداد عالي و يتهيألي ممكن تنزل معاه ل 92 او 91 , عدادها لو من 50 ل 60 ألف المفروض انها بتعمل من 95 ل 100 ألف جنيه , بالتوفيق و ياريت تقول لو خلصت فيها خلصت على كام .
العداد عالي جدا.. انا معايا تيدا 2012 من يناير 2012 و باسافر بيها من الزقازيق ل6 أكتوبر تقريبا كل أسبوعين غير مشاوير الشغل و المشاوير الخاصة.. و عدادها عامل لحد دلوأتي أقل من 30 ألف كيلو.
أعتقد أن 85 ألف ل 90 ألف يبقى كويس قوي عليها.
الكشف عليها مهم علشان الحوادث و الخبطات و ربنا يوفقك في الشراء :)
العربيه عدادها كبير اوي بطريقه تحس انها مكنتش بتوقف
انا شوفت واحده 2009 عامله 100 الف كيلو وخوفت جدا بسبب العداد
انا خلصت على 90000 الف حاولت انزل عن كدا بس الراجل ماسك انها هاى لاين
و كمان هيا 2011 بس هوا راكبها من 11/2010 يهنى بتاع سنتين و نص
و العداد عالى كان بيروح الساحل كتير جدا جدا مشوار من المنصورة طبعا
دا غير انها عربية بيتى مش من تاجر و مضمونه بتاعت واحد اعرفه
دا يعتبر فلوس بردو ولا اييه
ألف مبروك يا باشا , عقبالي لما أللاقي تيدا أنا كمان بدور بقالي شهرين و نص تقريبا و من ساعتها و من بتشعبط في التكاسي لغايه لما جيبي ورم :eyecancer:اقتباس:
المشاركة الأصلية كتبت بواسطة Malek hashesh
خلص على 90000 وربنا يوفقك إن شاء الله التيدا محترمة جدا
نسيت أقولك بارك الله لك فيها ورزقك خيرها وكفاك شرها