العربيه بتدور عادي وبتجيب غيار اولاني وتاني وكل حاجه
لكن مش عايز تمشي
حد عارف السبب
العربيه كيا برايد سيدان 1998
عرض للطباعة
العربيه بتدور عادي وبتجيب غيار اولاني وتاني وكل حاجه
لكن مش عايز تمشي
حد عارف السبب
العربيه كيا برايد سيدان 1998
ممكن يكون كوبلن او فتيس او اسطوانه دبرياج انا كان عندى كده وطلع فتيس
المشكله ان الحوار ده حصل فجأة
يعني مكنش فيها حاجه وركنتها بالليل
جيت الصبح لقيتها كده
طيب لو طلع فتيس يبقى لازم يتغير ولا صيانه عادي؟
اصل انا بينى وبينك ماعرفش حاجه عن الكيا برايد انا كل كلامى معاك على 128 مش عارف هتختلف ولا لا فى الميكانيكا لو فى مشكله فى الفتيس ودى انا مستبعدها اكيد يأما هيتصلح يأما هتجيب واحد استيراد بس قولى انت زيت الفتيس عندك كان كويس ؟
اه المفروض
انا كنت لسه مغير طقم دبرياج من شهر ونص كده
وغيرت معاه زيت الفتيس كله
وبعد شوية روحت زودت الزيت لان الميكانيكي قالي لما تمشي بيها شوية الزيت هيمشي في الفتيس وهيحتاج تزوده
طيب انت جربت تديها الثالث او الرابع او المرشدير جايز الاولانى هو اللى فى مشكله وكمان فى نقطه ممكن يكون الغيار مش بيوصل للفتيس زى مثلا عندى انا فى 128 بيكون فى حاجه اسمها معلقه موصله حركه العصايه بالفتيس
وحاجه تانى ممكن تجربها ماتدوسش دبرياج واديها الغيار التانى وشوف هيحصل ايه لو لاقيت صرخ تروس عرفنى
بتجيب كل الغيارات عادي لكن المشكله انها مش بتمشي
الغريب بقى اني كنت عند عفشجي قريب وكشف عليها
غير كده كنت قولت كبالن وخلاص
لكن بردو الكبالن بيبقى ليها اعراض قبل ما تقف خالص كده
وده محصلش
الدنيا كانت حلوة لحد امبارح بالليل مكنش في صوت ولا اي حاجه
لكن دلوقتي في زنه خفيفه بتروح لما ادوس دبرياج
طيب ما انا لو اديتها غيار من غير دبرياج طبيعي هتزرجن ده لو هيا دايرة
لا اانا لمه عربيتى جابت فتيس كنت اديها الغيار بدون دبرياج ولا اكنى اديتها حاجه فاهمنى ؟
ده ديسك و اسطوانة
مادام بتقول لما بتدوس على الدبرياج الصوت زى ونة كده بيروح يبقى الاسطوانة الله يرحمها بس انت بتقول لسه مغير طقم من شهر ونص ممكن تبص على زيت الفتيس وشوف اخباره ايه ممكن يكون الفتيس مفيهوش زيت والفتيس اتحرق
أولا قدر الله وماشاء فعل خير ان شاء الله هقولك على حاجة انت ممكن تبطل العربية وتعشق الاول وتدور وشوف هتنط ولا لا وممكن تنور الفتيس وحد يزقك وعشق وشيل رجلك كانك بتنتش وشف اية اللى هيحصل قبل لما تروح للمكانيكى
انا روحت للميكانيكي طلع الكوبلن اليمين محلول من مكانه والكاوتشة بتاعته بايظه خالص غيرت الكاوتش وقعد يكسر ويلحم في السنون بتاعة الكوبلن وخلص الحوار على كده
شكراً ليكوا يا شباب لكل واحد ساعدني بمعلومة
الأساتذة:
ahmed air
lamada
المنسي
محمد بازيد
الحمد لله انها ماجتش فى فتيس ومبروك ياكبيراقتباس:
المشاركة الأصلية كتبت بواسطة amrmaldini
الحمد لله انها جت على اد كده وحاول من وقت للتانى تبقى تبص على كاوتشة الكوبلن علشان لو اتقطعت الشحم هيلم تراب ويبوظ الكوبلن