السلام عليكم ورحمة الله وبركاته وكل سنة وانتم طيبين , السؤال زي العنوان كده :)
عشان انا هجيب galaxy مستعمل ان شاء الله واللى لاحظته ان high copy ارخص ومش عايز اتخدع واجيب الاصلي ويطلع copy
السلام عليكم ورحمة الله وبركاته وكل سنة وانتم طيبين , السؤال زي العنوان كده :)
عشان انا هجيب galaxy مستعمل ان شاء الله واللى لاحظته ان high copy ارخص ومش عايز اتخدع واجيب الاصلي ويطلع copy
متابع
يا جماعة حد يرد علينا :(
المضروب هتحس بيه كدة من اول ماتمسكه سواء حجمه او شاشته او السوفت وير بتاعه.
للاسف الاتنين زى بعض بالظبط , وعشان تفرق مابين الاتنين لازم تمسك تليفون s3 اصلى
طيب الاصلي بيكون made in eh ??
صعب تفرق مبنهم اوي انا شفت مع واحد صحبي واحد copy هو هو الاصلي كل حاجه تتش سريع جدا سوفت وير نسخه من الصلي نفس البرامج التطبيقات الماركت كله زي الصلي بالظبط و موفق
الكوبي دايما فيه حاجه ناقصه وغالبا سينسور او اتنين وبيفقدوا معاهم مميزات في الاوبشن مبتشتغلش .. لازم تبقي حافظ الاصلي اولا
زي سينسور بصمة العين
الموقع ده حضرتك بتحط فيه رقم ال IMEI بتاع الموبايل و هو بيقولك الموبايل ده شركته إيه و نوعه إيه :)
فيه طريقه تانيه عن طريق موقع ساسسونج نفسه بتدخل فيها الرقم ده و تشوف هايطلعلك بيانات الموبايل ولا لأ بس مش عارفها الصراحه :)
http://www.numberingplans.com/?page=analysis&sub=imeinr
وصله علي اي كمبيوتر وشوف حيقراه ايه
بس يكون متسطب عليه برنامج kies
كده انا هحتار بقى !! , انا هجيبه اليومين دول وخايف البس فواحد ويتنصب عليا فيه
ادخل بيه اي محل موبايلات واساله
خليه يركبه علي كمبيوتر
الحكايه سهله مش صعبه هتدخل على الستينج وبعدين تدخل على about phone هاتظهرلك البيانات
شوف السيريال لو لاقيته ارقام مسلسله يعنى زى 1234 يبقى كوبى لكن لو ارقام وحروف ومن غير تسلسل يبقى اصلى
الحاجه التانيه تقفل الجهاز وتفتحه تانى وتدخل على نفس الماكان وتشوف عداد التشغيل لو لاقيته بيعد من اول وجديد يبقى كوبى ولو لاقيته عادد وقت قديم يبقى اصلى
للدرجادي التقليد بقى شبه الاصلي , والله الصين دول ولاد جنّيَه فعلا
الفرق في الوان الشاشة بيبقى كبييييييييير جدا
غير الاصلي بيكون Made in Vitnam
وده في الاغلب
وبيكون المعالج بتاعه مزدوج وليس رباعي النواه
وحدود سعره 1600 جنيه ويمكن اقل
وتقريبا حتلاقي منه الS4 وكمان النوت 2
نفس المواصفات .
وده معمول في مصاتع سامسونج في فيتنام بس بمواصفات اقل
أنا عندي S4 فيتنامي 4g I9505 سنابدراجون وبكل المواصفات العاديه بروسيسور كواد كور 1.9 ghz ورام 2 جيجا وميموري 16 وييجي 13 سنسور وأكدت ال IMEI بتاعه من الموقع ده SNDeepInfo - All information on the phone's IMEI or serial number وكله تمام.
افضل حل انك توصله بالكمبيوتر و في طريقه بستخدمها مثلا لو هتشتري s3 تشغل الكاميرا و تشوف النقاء بتاعها و حضرتك طبعا بيكون عندك علم بكل موديل نازل فيه الكاميرا كام ميجا وتاخد لقطه و بعدين تعمل زووم للصوره و تشوف الرزيليوشن بتاعها نقي ولا شوش بس دي بستخدمها مع الموبايل الكوبي و بتكشفه بسهوله اما الهاي كوبي بصراحه ممسكتوش قبل كده ف مش هعرف افيدك
ممكن يكون صيني تقليد (لأن فيه S4 بيتصنع في مصنع سامسونج الصين وفعلا أصلي) وكاتبين عليه انه فيتنامي. وممكن يكون فيتنامي فعلا بس تقليد وأكيد في الحالتين سعره قليل جدا يعني ممكن 500 جنيه ولا بالكتير ألف.
انما سهل التفرقه بين الاصلي والتقليد من ألوان الشاشه واستجابه التتش وجوده صور الكاميرا (نقل الصوره على الكمبيوتر وعمل زووم عليها) لأن الشاشه والكاميرا تكلفتهم عاليه ومستحيل يكون جهاز تقليد فيه شاشه أصليه وكاميرا أصليه.
فيه برضه برنامج اندرويد بينزل على S3 و S4 ويعملهم بنشمارك ويقول الجهاز اصلي ولا لاء.
https://play.google.com/store/apps/d....genuinegalaxy
https://play.google.com/store/apps/d...m.hotdog.truth