بخصوص اللانسر السوبر أكشن

**abou muaz** · 21-07-2013 09:48 PM

هطول عليكم شوية يا أهل الخير
أنا معايا 100 ل 110 ألف جنيه وناوي أشتري عربيه ومن ضمن العربيات اللي الناس رشحتهالي اللانسر السوبر أكشن موديل 2007-2009 فكنت عايز أعرف هل هو اختيار كويس ولا ايه ؟
يعني مثلا بالنسبه للثبات لغاية 170 ستريت من غير غرز
وهل هي عائليه ولا لأ يعني لما أحمل فيها ناس وشنط هتنزل علي الارض وتحك في المطبات ولا هتبقي عادي
بالنسبه لقطع الغيار معقوله ولا غاليه أوي
وإيه هي عيوبها بالضبط يعني مثلا سمعت ان الصاج بتاعها ضعيف شويه وسمعت ان فيه عيب في الايرباج تقريبا وبيتكلف حوالي 1000 جنيه

ولو هيبقي اللانسر اختيار موفق يبقي آخرها كام كيلو يعني لغاية 100000 كيلو مثلا هتبقي كويسه ولا هيبقي كتير علي لانسر موديل 2007 مثلا وهل ممكن يكون ملعوب في العداد ولا دي صعبة وأعرفها ازاي ؟
وأفضل مكان للكشف عليها فين بالضبط
انا عارف اني طولت عليكم بس دول 100000 جوندي
وشكرا ليكم

**john55** · 21-07-2013 11:27 PM

حضرتك معاك مبلغ محترم ممكن تجيب بيه عربيه زيرو افضل كتير من عربيه مستعمله دا راي وشكرا

**Ahmed_Adham** · 21-07-2013 11:48 PM

زود شويه وهات بيجو 301 أو ستروين سي اليزيه زيرو بدل ما تدفع 100 ألف في مستعمل 5 سنين.

**Mamoud salah H** · 21-07-2013 11:54 PM

هي كعربية كويسة جدا دا وثباتها كويس في المستقيم بس انا راي بالمبلغ دة ممكن تجيب بي ام e46 موديل 2001
او جيتا الفتيس القديم او الاحسن لو انت عايز يباني هات سيفيك 2008 وممكن اوي تجيب لانسر شارك 1600
مجرد راي وربنا يوفقك ان شاء الله وعلي فكرة انا معايا لامسر بس كلاسيك مش سوبر كشن

**abou muaz** · 22-07-2013 12:16 AM

john55 و Ahmed_Adham شكرا للمشاركه بس انا نسيت أقول حاجه مهمه جدا اني ناوي ان شاء الله أبيع كمان سنه أو سنتين بالكتير أوي يعني مش عايز أخسر في الريسيل يعني الزيرو لما أجي أبيع هخسر كتير فيه ولا ايه ؟

**Ahmed_Adham** · 22-07-2013 12:19 AM

المشاركة الأصلية كتبت بواسطة abou muaz

شكرا للمشاركه بس انا نسيت أقول حاجه مهمه جدا اني ناوي ان شاء الله أبيع كمان سنه أو سنتين بالكتير أوي يعني مش عايز أخسر في الريسيل يعني الزيرو لما أجي أبيع هخسر كتير فيه ولا ايه ؟

وتبيع ليه لو جبت زيرو؟ فرق الزيريو في الريسيل مش كبير قوي. الخساره الشايعه لأول سنه 15% وبعدين 10% السنه اللي بعدها يعني فرق 5% تقريبا ممكن تصرفهم صيانات على عربيه مستعمله فتجيب زيرو وتتمتع بخيرها وتبقى متطمن وانت راكبها بدون مقالب أحسن.

**abou muaz** · 22-07-2013 12:23 AM

المشاركة الأصلية كتبت بواسطة mamoud salah h

هي كعربية كويسة جدا دا وثباتها كويس في المستقيم بس انا راي بالمبلغ دة ممكن تجيب بي ام e46 موديل 2001
او جيتا الفتيس القديم او الاحسن لو انت عايز يباني هات سيفيك 2008 وممكن اوي تجيب لانسر شارك 1600
مجرد راي وربنا يوفقك ان شاء الله وعلي فكرة انا معايا لامسر بس كلاسيك مش سوبر كشن

جزاك الله خير بس الفكره في اني عايز عربيه متكونش غاليه في قطع الغيار وبيتهيألي الشارك قطع غيارها غاليه
وعايز عربيه تكون عائليه ومتكونش واطيه علشان المطبات فبالتالي السيفيك مش هتنفع

**abou muaz** · 22-07-2013 12:30 AM

المشاركة الأصلية كتبت بواسطة ahmed_adham

وتبيع ليه لو جبت زيرو؟ فرق الزيريو في الريسيل مش كبير قوي. الخساره الشايعه لأول سنه 15% وبعدين 10% السنه اللي بعدها يعني فرق 5% تقريبا ممكن تصرفهم صيانات على عربيه مستعمله فتجيب زيرو وتتمتع بخيرها وتبقى متطمن وانت راكبها بدون مقالب أحسن.

والله اللي سمعته اني لو جبت عربيه زيرو وحبيت أبيع كمان سنتين هخسر فيها علي الأقل 10000 جنيه ( والله أعلم )
وفي نفس الوقت ايه اللي ممكن يتجاب بالمبلغ ده فيه المواصفات اللي أنا عايزها وصعب جدا أزود عن كده

**Mamoud salah H** · 22-07-2013 12:44 AM

طالما حضرتك بدور علي سعر البيع بعد كدة يبقي خليك في اختيارك الاول الانسر بتتباع هوا وانت واقف وممكن تكسب فيها كمان

**mohammed dodda** · 22-07-2013 01:47 AM

لو اعادة البيع اهتمامك الاول يبقى انت بتفكر صح بخصوص البومة وأهم حاجة الحالة والكشف الصح وانسى حوار العداد ده خالص ...لو هتقنى يبقى تجيب 301 زيرو وتمتع نفسك وشكرا..