تغيبى عن المنتدى

**YahiaAshraf** · 22-07-2013 01:48 AM

بسم الله الرحمن الرحيم
وبه نستعين

أنا بإذن الله داخل تالته ثانوى و ابتديت دروس خلاص و مش هعرف ادخل تانى على المنتدى او النت عموما بسبب انى مش عايز اشغل تفكيرى بالسيارات و الكلام ده كله لان دى المرحله الفاصلة فى حياتى اللى هتحدد هبقى إيه

يمكن أنا متواجد يومين كده ولكن برده مش باستمرار يعنى بفتح بعد صلاة التراويح بس بعد كده مش هفتح تانى

فأنا أقبل ما امشى اتمنى انى ما اكونش زعلت حد ولا حد زعلان منى

وأسألكم الدعاء دى بتحقيق امنيتى و هى هندسة جامعة الاسكندرية

وباذن الله اشوفكم على خير لو ليا عمر شهر 6 - 2014م باذن الله

Yahia Ashraf

**hugan** · 22-07-2013 02:25 AM

ربنا معاك
وتحقق كل اللي تتمناه
مع اني كنت متخيل انك ماشاء الله مخلص جامعه
هاتحرمنا من موضوعاتك المصوره الجميله

**ahmedhilmy** · 22-07-2013 03:21 AM

ربنا يوفقك و يقسملك الخير

**YahiaAshraf** · 22-07-2013 03:26 AM

المشاركة الأصلية كتبت بواسطة mr_vampire

ربنا يوفقك وتحقق امنيتك.

بس نصيحة من اخ اكبر منك بشوية كدة كان في مكانك من كام سنة وكان مقضيها يمين وشمال ولف ودوران ( فالحدود المسموحة يعني عشان مانتفهمش غلط ) .

خد الموضوع ببساطة جدااااااااااا ومتقفش علي نفسك لان الثانوية العامة ده اعصاااااااااااااااب قبل ماتكون مذاكرة. تلاقي ناس حافظة صمممممممم وتدخل متوترة تعجن الدنيا.. وتلاقي واحد تاني اعصابه في تلاجة ومذاكرته علي اده تلاقيه جاب مالاخر.

وفالاخر الحمد لله جبت اكتر ماكان الكل متوقعلي ( مع اني بحمد الله كنت واثق بالله اولا ) ثم واثق فاللي كنت عامله واللي كنت ماشي عليه. بس كنت بهاودهم وخلاص واقول لنفسي سيبهم وهيعرفو فالاخر.

وبفضل الله فعلا اللي كنت متوقعه حصل. ودخلت الهندسة اللي كنت عايزها الحمد لله واتخرجت.

عموما ربنا يوفقك ان شاء الله.

الف شكر يا باشا على النصيحه
المشكلة بسبب النظام الجديد ده كنا مطنشين سنه اولى و تانيه كمان لما بقت تانيه نقل

وبالتالى دخلنا مره واحده على تالته بخلاف اللى قبلينا كانوا فى تانيه و تالته يعنى اتعودوا