الموضوع: اوكتافيا ولا بي ام الفئة التالتة -مقارنة غير منطقية

المشاركة الأصلية كتبت بواسطة ahmed_adham

أوكتافيا سعرها زاد لأنها عربيه جديده ملهاش علاقه بالقديمه وعلى فكره نسبه زياده سعرها عن القديمه أقل من نسبه زياده السيراتو الجديده عن القديمه ولو ان الفرق بسيط. العربيه دي لو مفيهاش موضوع الفتيس ده كانت تحتفظ بمكانتها في السوق في مصر كعربيه محترمه وبديل اقتصادي للعربيات الالماني العاليه زي بي ام و مرسيدس انما موضوع الفتيس ده هيوقع مبيعاتها بشكل كبير في مصر زي ما نزول بيجو 301 وستروين سي اليزيه موقع مبيعات الكيا ريو وهيونداي اكسنت.

واضح من المواصفات انها مختلفه عن القديمه و استغرابي أزاي يفكروا ينزلوا حاجه بالسعر ده مع السمعه السيئه بتاعه الفتيس اللي هيوقعلهم الماركه ده. المنطق بيقول انهم كانوا يغيروا الفتيس و يخلليهم في نفس السعر او يزودوا حاجه بسيطه علشان يحافظوا علي الشريحه بتاعتهم انما اللي عملوه ده مخاطره كبيره بصراحه. مينفعش نقارنها بال سيراتو القديمه و الجديده لان حتي السيراتو القديمه مكنش فيها مشاكل كبيره زي موضوع الفتيس دي و بالتالي لما ينزل عربيه بمواصفات اعلي ده يبقي مفهوم و عنده أمل انه بيبيع انما الاوكتافيا حاجه تانيه لان القديمه خوفت الناس منها . برضه نزول ال 301 و الاليزيه اثر علي مبيعات الريو و الاكسنت لسبب تاني و هو انهم نازلين بسعر اقل و امكانيات اعلي او علي الاقل متساوية و نتيجه طمع كيا و هيونداي عن طريق رفع السعر و دخول اسعار عربياتها في شرائح سعريه لا تتناسب مع امكانياتها و اعتمادها علي ان المستهلك مفيش حاجه في ايده غير انه يشتريها لان مفيش بديل غير الصيني اللي لسه لم يختبر و كانت المفاجأه ان البدائل اتوجدت و من شركات كبيره و بكده كيا و هيونداي بقوا في موقف لا يحسدوا عليه لانهم تركوا الشريحه اللي كانوا مسيطرين عليها و راحوا شريحه تانيه المنافسه فيها اشرس بكتير فاصبحوا عاملين زي اللي رقصوا علي السلم . انا متوقع الفتره اللي جايه ان شركات تانيه أوروبي كبيره كمان هتحاول تنزل عربيات في الرينج بتاع ١٠٠ - ١٣٠ الف زي فيات مثلا لان ده يمثل شريحه كبيره قوي من المستهلكين و فرصه ممتازه للانتشار