محتاج مشورتكم.. الماتور بيرتل

السلام عليكم
وكل سنة وانتم طيبين يا أحلى أعضاء
المشكلة كل مافيها وهى إن العربية أصبحت بترتل وفيه ريحة بنزين من الشكمان غير كامل الإحتراق... غير بوجيهات ولسة المشكلة زى ماهية .. ودا الموضوع بالمختصر المفيد
ياترى فى حد قابلته المشكلة دى قبل كدة..؟

متابع مع حضرتك ولكن هتحتاج لضبط في الموتور ومش عارف الحقبقه هيكون في انهى جزء

فيه دخنة سودا
وهل العربية بتغيب فى الدوارة ؟؟

العربية مبتغبش فى الدوارة ومفيش دخنة سودا.. ( الرشاشات اللى عندى بتاعة هيونداى وزى الفل )

جرب تغير سلوك البوجيهات وشوف النتيجة ...

بوجيهات او سلوك بوجيهات.

بسم الله الرحمن الرحيم
ممكن تكون البوجيهات
و ممكن يكون كويل الكهرباء
و الله اعلم

اكشف على اسلاك البوجيهات ,غالبا هتلاقى سلك قاطع

اعمل سكان لحساس الاكسجين ( الشكمان ) ...لو قراءاته مش مظبوطه ممكن يعمل معاك الاعراض دي .

جبت طقم كابلات بوجيهات وشوية كدة لما العربية تهدى وهركبه وهبقة أقولكم النتيجة

تم تركيب طقم الكابلات والحمد لله العربية إتظبطت

شكراً ليكم ياجماعة وكتر الف خيركم
ورمضان كريم

الف مبروك على حل المشكلة

شكراً ليك أحمد بك وشكراً لكل اللى ساعدنى وتحياتى الخاصة لمحمد بك الشامى