فولكس بيتل ألماني 1302 .. حالة ممتازة .. صور

السلام عليكم و رحمة الله

للبيع ان شاء الله

فولكس بيتل ألماني 1302

موديل 1972

العربية بحالة ممتازة .. دواخل فابريكة .. مرفوعة فترة طويلة

الموتور الأصلي 1300 حالتة ممتازة و معمول له عمرة من أقل من سنة (سبايك و كرنك).

العفشة بحالة ممتازة .. العربية 1302 على عفشة مش على دنجل .. و ده بيخليها أنعم بكتير من ال 1300 في المطبات و المشي عموما.


فيها فتحة سقف أصلية و شغالة بحالة ممتازة و لم يتم عمل صيانة ليها قبل كده.

الفرش الأصلي بحالة ممتازة جدا .. و التابلوة بدون أي خرابيش و كل حاجه فيه شغاله تمام.

فيها أربع فرد هانكوك جداد مكملوش 10 الاف كيلومتر .. و فيها بطارية جديدة 70 أمبير مشتراة من 10 أيام.

تم عمل الصيانة بتاعتها من اسبوع في جسر السويس .. تغيير زيت و طاقم كهربا و تغيير سير الدينامو و فبرة الكونتاكت و بيض الدركسيون و تنضيف الفوانيس.

العربية بتاعة والد صديق لي أستاذ في الجامعة .. و كان مسافر بره مصر فأنا اشتريتها منه و عملت لها عمرة موتور و عمرة العفشة و فضلت معايا لما بعت العربية الأوبل فيكترا كنت بسافر بيها كل أسبوع و أقضي بيها كل مشاويري .. و بعدين هو رجع مصر و كان بيدور على عربية فولكس فأنا بعتهاله تاني .. و حاليا هو بيبيعها.

الرخصة باسم المالك حتى شهر 7 سنة 2014

صيانات تم عملها قريب

عمرة موتور كرنك و سبايك .. 3000 جنية
بكرة علبة دركسيون و بيض دركسيون .. 1100 جنية
4 فرد كاوتش هانكوك .. 1500 جنية
بطارية جديدة فارتا 70 أمبير .. 300 جنية
كاربراتير و اسبراتير الكتروني .. 900 جنية
اسطوانة و ديسك .. 400 جنية


صور العربية

http://www.nileup.com/uploads/13475567171.jpg


http://nileup.com/up/uploads/nilemotors_13744950221.jpg

السعر: 18 ألف جنية .. قابل للتفاوض البسيط جداا

الاتصال: شريف 01009550455

المعاينة : الزقازيق

و الله تحفه يا ابو كريم ....
وواضح انها مش متهانه خالص ..... و انا عارف البيتلز بتكلف قد ايه
انا لسه شاري 1303 برضه بس عاوزه شويه شغل ادعي لي
ربنا يحسن سوقها - و الله لو ماكنت خدت كنت اشتريت دي اصلي بحب العربيات اللي بحالتها قوي ..

اقتباس:

---

المشاركة الأصلية كتبت بواسطة wawamoha

و الله تحفه يا ابو كريم ....
وواضح انها مش متهانه خالص ..... و انا عارف البيتلز بتكلف قد ايه
انا لسه شاري 1303 برضه بس عاوزه شويه شغل ادعي لي
ربنا يحسن سوقها - و الله لو ماكنت خدت كنت اشتريت دي اصلي بحب العربيات اللي بحالتها قوي ..

---

ألف مبروك يا باشا ال 1303 .. ما شاء الله أفضل موديلات البيتل.
العربية دي و الله أنا أو صاحبي مبنستخسرش فيها حاجه ... لدرجة ان فردة كاوتش من الهانكوك كانت اتقطعت و العربية كان فيها واحدة تانية أنا ركبتها .. و هو لما خدها مني راح اشتري فردة هانكوك جديدة عشان الأربع فرد يبقوا زي بعض.

الأسطى خالد رباب نفسه لما كان شغال في العربية كان بيقول لي "العربية زي الألماظ من تحت"

ربنا يبارك لك في عربيتك و يبارك للمشتري.

موفق في البيع.

اقتباس:

---

المشاركة الأصلية كتبت بواسطة akmm

موفق في البيع.

---

شكرا يا فندم

بالتوفيق يارب

هو انت بعتها يا كريم باشا والا لسه؟

ما شاء الله ربنا يوفقك في البيع

هابقى اخد منك تليفونات خالد رباب - اعتقد هو من اشطر الناس للعفشه و للا هو ميكانيكي بس ؟

بالتوفيق في البيع يارب

البيتلز حلوه مفيش كلام

اقتباس:

---

المشاركة الأصلية كتبت بواسطة إبراهيم المصرى

بالتوفيق يارب

---

شكرا يا باشا

اقتباس:

---

المشاركة الأصلية كتبت بواسطة احمد فهمى

هو انت بعتها يا كريم باشا والا لسه؟

---

لما والد صديقي رجع من السفر .. أنا بعتهاله تاني .. و هو حاليا كبر و مبيسوقش كتير فا بيبيعها.

اقتباس:

---

المشاركة الأصلية كتبت بواسطة ahmedhilmy

ما شاء الله ربنا يوفقك في البيع

---

شكرا يا باشا

اقتباس:

---

المشاركة الأصلية كتبت بواسطة wawamoha

هابقى اخد منك تليفونات خالد رباب - اعتقد هو من اشطر الناس للعفشه و للا هو ميكانيكي بس ؟

---

لا هو عفشجي بس .. و من الناس القليلة اللي بيفكوا علبة الدركسيون و يصلحوها 01001855126

لو عاوز ميكانيكي كويس .. روح لعاطف عبده فرج اللي في أئر النبي .. شغال بيتل بس 01001467431

اقتباس:

---

المشاركة الأصلية كتبت بواسطة lifz_good

بالتوفيق في البيع يارب

---

شكرا يا باشا

لا هو عفشجي بس .. و من الناس القليلة اللي بيفكوا علبة الدركسيون و يصلحوها 01001855126

لو عاوز ميكانيكي كويس .. روح لعاطف عبده فرج اللي في أئر النبي .. شغال بيتل بس 01001467431



طيب سؤال تاني معلش خالد رباب سعره غالي و لا معقول ... و شغله محترم و للا لا ؟ و امين و للا لا ؟

اقتباس:

---

المشاركة الأصلية كتبت بواسطة wawamoha

طيب سؤال تاني معلش خالد رباب سعره غالي و لا معقول ... و شغله محترم و للا لا ؟ و امين و للا لا ؟

---

بص هو كان متفق معايا على 700 جنية .. و بعد الشغل قال لي 800 عشان جبت البكرة غالية.

تاني حاجه .. أنا كنت رايح و كان عندي رفه بسيطه في الدركسيون على السرعات و مكنتش راحت بالترصيص و الكاوتش جديد .. المهم لما مشيت من عنده الرفه فضلت موجودة .. و العفشة بقت أسوأ بكتير مما كنت رايح له .. عشان هو غير بيضة دركسيون من اللي كانوا في العفشه بواحده من عنده .. و ده خلى العربية بتخبط في المطبات و النقر بشكل فظيه .. طبعا و هو بيجرب العربية معايا لما قلت له الخبط ده مكنش فيها قال لي انت عندك البطاحات عاوزة تتغير .. المهم بعدها بفترة كنت رحت لعاطف عبده فرج .. و قال لي لأ ده بيض الدركسيون هو اللي فيه المشكلة .. و بعت معايا صنايعي و لفينا المنيل كلها بس كانت المحلات قفلت يومها (المحلات بتقفل الساعه 7).

و صاحبي لما خد العربية مني غير بيض الدركسيون و مشكلة التخبيط دي اتحلت.

موفق في البيع إن شاء الله.

اقتباس:

---

المشاركة الأصلية كتبت بواسطة Dr.M_baz

موفق في البيع إن شاء الله.

---

شكرا يا باشا.

تم بيع السيارة الحمد لله


.

مبروك يا كريم عليك و عل صاحبها ...